Filipi 2:30 - Jaji ma Su-sungi

³⁰ sababu unanga ceka'a ḇato si sa'i 'o sengene sababu 'o munara di'a Kristus. Unanga gena-ge 'a sitaini 'ai 'ahu di'a 'o riono ngoi. Mo-moini gena-ge Unanga 'o si'a'a di'a riono ngoi, sababu ngini masiretene ninga donga cua sapolo di'a riono ngoi.

Filipi 2:30 Iomraidhean Croise

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

Roma 16:4

Ananga nga muḏiḏi 'aḏi riono ngoi, singadolo sa'i sengene. Ngoi to pula'a murasa ma la ra ananga — re pa'i ngoi masiretene ua, mada'a jama'ata-jama'ata toma bangsa Yahudi ua ḏi'i, ananga mo-moini 'aḏi pula'a manga murasa ma la ra ananga nga muḏiḏi.

1 Korintus 15:53

Ngene nanga lese toma tana'a ga'a 'i sengene re 'i wejere, ḏuanga i'a singali reo lese ma 'asala toma soroga ga'a kama sengene ua.

1 Korintus 16:10

Na'o 'a Timotius 'o sapolo ra ngini, nu dawongo unanga reninga 'akala re sinyingara sa-sanangi, la unanga ḏi'i basono sanangi 'o tegoro taninga sigolona. Sababu unanga munara di'a Ma Jou, ma tero sa'olo ngoi.

1 Korintus 16:17

Ngoi to sanangi wakutu 'a Stefanus, Fortunatus re 'a Akhaikus manga ta-sapolo ḏua, ananga gena-ge ma tero sa'olo ngini ninga nga-ngali.

2 Korintus 12:15

Sababu gena-ge rari 'akala re sinyingara sa-sanangi ḏuanga i'a ta sipula'a 'oru ḇato ninga paralu. Sidogo ḏi'i 'ari diri ḏuanga i'a ta sipula'a ḏi'i ra ngini! Na'o 'ari dadalara so'o gena ra ngini, i'a sa'olo ngini dadalara ngoi pa'i ceka'a i'a ḇato?!

2 Korintus 4:12

Dadi, ngomi mi fikiri mangale ḏuanga i'a ḏa ngowa'a 'aḏi sisengene ngomi. Mada'a 'oru ua! Sababu minga munara, ngini ḏuanga i'a ni sanga 'ahu kasingado-ngadolo i'a.

Filipi 2:17

Ngowa'a ḏa 'aḏi sisengene ngoi re 'ari ngaunu 'i dadi ma tero sa'olo 'anggur di'a jou-jou ra Ma Jou'ongu Madutu. 'Anggur di'a jou-jou gena-ge ga'a enanga ya siajala toma jou-jou haiwani ma re'u. Haiwani di'a jou-jou gena-ge ma tero sa'olo ninga munara di'a Ma Jou'ongu Madutu sababu ngini ninga ngo-ngaku. Na'o 'i dadi so'o gena, ngoi to sibere ie 'ari 'akala re sinyingara re to maroanga mamete'e ra ngini.

Filipi 2:27

Mode-mode'e unanga 'o siḏi singadolo sa'i 'o sengene. Mada'a unanga ro la, sababu Ma Jou'ongu Madutu 'o sijumu 'Ai 'akala re sinyingara ma la-la di'a unanga re pa'i unanga ḇato ua, mada'a ngoi ḏi'i. Sababu na'o unanga gena-ge 'o sengene, 'i sidogo ngoi 'ari sangisara.

Filipi 4:10

Ngoi to puji re silamo'o Ma Jou'ongu Madutu re to basono maroanga masala sababu kalaha ma di'ara ḏua ngini ni riono ngoi ua, nange-ne reni riono ngoi. Ngoi 'ari maksudu ua, to kanau ngini 'elingi ngoi ua. Siḏibo ḏi'i, ngini sanga donga nyangu di'a ni riono ngoi.

Filipi 4:18

Nange-ne ngoi to paralu riwara 'oru ḇato sababu ngoi reto dawongo ḏua ninga bu-bula'a mo-moini ga'a ni siḏingoto ra Epafroditus re 'age rema enanga moju. Ninga bu-bula'a gena-ge ma tero sa'olo jou-jou ra Ma Jou'ongu Madutu ga'a ma bo-bounu lai sa'i re 'A dawongo ninga jou-jou gena-ge Rai 'akala re sinyingara sa-sanangi.

Filemon 1:13

Enanga ma banari nena-ne: Ngoi mau to tahana unanga mamete'e ra ngoi sa'olo ngana ni nga-ngali, la unanga nga'unu 'o riono ngoi ma di'ara to sanga tahana toma bui ma dara, sababu to singadolo Ma Jou'ongu Madutu 'ai Habari Roanga.

Tingoýi 12:11

Nanga ioronongoḏu ngo-ngaku rimoi, ananga raḏi sieta'a 'Iblisi, sababu Doba ma Ngowa 'ai ngaunu 'i tuusu ananga gena-ge tamanga ḏosa re sababu ḏi'i manga sakisi mangale Yesus manga Jou. Kalaha 'aḏi sanga sikisa re 'aḏi sisengene, ananga lebe dadalara Yesus reo manga 'ahu.