Filipi 2:3 - Jaji ma Su-sungi

³ Awa ngini ni 'a'a 'ori i'a, la ngini ni mau dadi ngowa'a la-lamo'o, bolo la ngini nyengara ni matoro. Siḏibo ḏi'i, ngini matengo re matengo balasu ni siholo ninga 'akala re sinyingara re ni fikiri ngowa-ngowa'a lelegu lebe la-lamo'o i'a ra ngini.

Filipi 2:3 Iomraidhean Croise

Lukas 18:14

Yesus 'o kanau, “Ngoi to siajele ra ngini nena-ne: Wakutu ananga 'aḏi sisoi'i tala Ma Jou'ongu Madutu 'ai Wala, pa'i ngowa'a golo-golo'o balastengi ḇato Ma Jou'ongu Madutu 'o dawongo sa'olo ngowa'a loasa re banari. Sababu 'a guna ḇato 'o sihie 'ai diri, unanga Ma Jou'ongu Madutu ḏuanga i'a 'u siholo. Re 'a guna ḇato 'o maholo 'ai diri, unanga Ma Jou'ongu Madutu ḏuanga i'a 'u sihie.”

Roma 12:10

Ngini balasu ni ma'u dadalara matengo re matengo, ma tero sa'olo ngini ngowa'a gia nongoḏu toma ngitu re ngale rimoi. Re ngini balasu ni cautu ma'u silamo'o matengo re matengo.

Roma 13:13

Ninga de'oso re ḏegoro balasu 'i patasa di'a 'orasa wangere: Awa 'a'a laya ngadolo pai-pai'i singadolo ni 'etolo. Awa ni 'a'a su-sudala fara muḏuo i'a, awa ni ruta bolo awa ni telengoro.

Roma 2:8

Mada'a 'age ngowa'a lelegu ga'a 'aḏi mete'e manga mau masiretene singadolo ananga gena-ge dawongo ua Ma Jou'ongu Madutu 'ai ba-banari re 'aḏi madaga'a 'ori i'a ma jira. Ananga gena-ge ḏuanga i'a sanga duruta ra Ma Jou'ongu Madutu tala.

1 Korintus 15:9

Ngoi, Yesus 'ai so-soma'a ma pake ua, patasa ua si'aro'o ngoi Yesus 'ai so-soma'a, sababu ngoi to sisikisa ngowa-ngowa'a ngaku Yesus.

1 Korintus 3:3

Ngini ninga 'akala 'i go-goḏi matengo re matengo, ma'u rubutu matengo re matengo sababu mete'e ninga 'akala re sinyingara ma mau. Gena-ge 'i dadi didina'o rimoi mangale ngini dungia ma nyafusu nu'u piri'u re ngini ninga de'oso re ḏegoro ma tero sa'olo ngowa-ngowa'a 'aḏi nana'o Ma Jou'ongu Madutu nyangu.

2 Korintus 12:20

Ngoi to dodato na'o ḏuanga i'a ngoi tini tutumu, ngoi to sanga i'a ngini, ma tero ua ga'a ngoi to masinganono. So'o gena ḏi'i, wakutu ngini ma'u sanga ra ngoi ma tero ua ga'a ngini masinganono. Ngoi to dodato ngoi to sanga ngini ma'u tolabe, ruta caiti i'a, 'akala go-goḏi, singa'unu 'ahu masiretene, ma'u fitana, ma'u sikanau, momole, re 'a'a kaco.

Galatia 5:15

Mada'a na'o ngini ni madaga'a jira matengo re matengo, ngini ma tero sa'olo haiwani-haiwani nga-ngabala, ga'a ma'u goḏi. Ni ma'istiari, ma ḏo-ḏogumu tala ngini ḏuanga i'a ni dadi cira mo-moini.

Galatia 5:26

Ngene wo momole awa, re awa ma'u sigo-goḏi 'akala re sinyingara matengo re matengo, re awa ma'u gogono 'akala re sinyingara matengo re matengo.

Efesus 4:2

Ngini balasu ni maholo ninga 'akala re sinyingara, 'akala re sinyingara mereoso, pake 'akala ḇanyo, ni manahana ninga diri sababu ninga dadalara di'a ngowa'a lelegu, wakutu manga de'oso re ḏegoro 'i ma'u rapu ra ngini.

Efesus 5:21

Ni ma'u ta'aloko matengo re matengo, la ngini ni silamo'o Kristus:

Filipi 2:14

Ni si'a'a mo-moini reninga guḏubungu awa, bolo ni ma'u rubutu awa.

Kolose 3:12

Ma Jou'ongu Madutu ro cumutu ngini sa'olo 'Ai 'umata ga'a ngowa'a 'ofi-'ofi re Unanga ro dadalara ngini. Sababu gena-ge, ngini ni 'ahu so'o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo.

Kolose 3:8

Mada'a nange-ne ngini balasu ni mete'e rawara duhu so'o nena-ne: Ni ruta-ruta rawara, ni mangamo rawara, ninga 'akala re sinyingara ma dara 'i emono ngowa'a lelegu rawara, ni do-doana ngowa'a rawara, bolo ninga demo cafarune rawara.

1 Timotius 6:4

Re ananga gena-ge ngowa'a momole re 'aḏi waro 'oru rimoi ua! Ngowa'a gena-ge si-siḏi fikirana singadolo ananga 'aḏi nyanyaḏi ma'u rubutu re ma'u tolabe mangale demo ma faeda 'i cua pa'i 'i sibaolo 'akala go-goḏi, 'aḏi nyanyaḏi ma'u salira, 'aḏi jajaha demo re 'aḏi ta'ajiri 'ori i'a ma jira,

1 Petrus 3:8

Ma ḏo-ḏogumu tala, ngini balasu ni 'ahu ma'u 'aro'o la matengo re matengo reninga rorasa. Re balasu ni ma'u dadalara matengo re matengo, ma tero sa'olo ngowa'a gia nongoḏu 'aḏi ma'u dadalara, re ninga 'akala re sinyingara la-la re ni maholo ninga diri.

1 Petrus 5:5

So'o gena ḏi'i, ngini ngowa'a tubaie-tubaie ngini balasu ni ta'aloko ngowa'a ga'a raḏi 'umuru i'a. Ioronongoḏu ngo-ngaku rimoi mo-moini, ngini balasu ma'u riono i'a re ino, reninga 'akala re sinyingara maholo tala. Sababu toma Boku 'Ofi-'Ofi 'i silefo so'o ne: “Ma Jou'ongu Madutu 'o lawana ngowa'a ga'a 'o matoro, mada'a unanga ga'a 'o siholo 'ai 'akala re sinyingara, Ma Jou'ongu Madutu 'u pula'a 'Ai mura re dadalara.”