Filipi 2:29 - Jaji ma Su-sungi

²⁹ Dadi ngini ni dawongo unanga reninga 'akala re sinyingara sa-sanangi sa'olo nanga ioronongoḏu ngo-ngaku rimoi. Ni silamo'o ngowa'a mo-moini ma tero 'a Epafroditus,

Filipi 2:29 Iomraidhean Croise

Lukas 9:5

Mada'a na'o ngowa'a 'aḏi dawongo ngini ua, wakutu ni supu sisoi'i tala limau gena-ge, na sesara ninga rou ma korou'u, gena-ge si'a'a sa'olo nana'o rimoi mangale Ma Jou'ongu Madutu 'o dawongo ua re 'O sihukumu limau gena-ge ma manusia.”

Yohanes 13:20

Ni ngaku mode-mode'e 'Ari demo-demo nena-ne: 'A guna ḇato 'o dawongo ngowa'a matengo ga'a Ngoi to 'utusu, unanga gena-ge 'o dawongo Ngoi. Re 'a guna ga'a 'o dawongo Ngoi, 'o dawongo ḏi'i Unanga ga'a Ro 'utusu Ngoi.”

Yesus 'ai so-soma'a 2:46

Wange moi-wange moi, ananga 'aḏi malomu ra Ma Jou'ongu Madutu 'ai Wala ma soana. Ananga masibalangu manga roti re 'aḏi oromo mamete'e tamanga wala remanga 'akala re sinyingara ga'a maroanga re maholo,

Yesus 'ai so-soma'a 28:10

Ananga 'aḏi pula'a 'ori i'a ma repe sababu mau 'aḏi silamo'o ngomi. Ḏua wakutu ngomi sa'i mi sidete, ananga matai gasa 'oru ḇato ga'a ngomi mi paralu toma kapala taminga ḏo-ḏagi ma dara.

Yesus 'ai so-soma'a 8:8

Dadi ngowa-ngowa'a toma limau Samaria 'aḏi maroanga masala.

Roma 10:15

Re ma ngo'omo sa'olo ananga nyengara singadolo mangale Ma Jou, na'o ngowa'a sanga 'utusu nyangu? Toma Boku 'Ofi-'Ofi ma dara 'i silefo so'o ne: “Ma rousu mura ua rema ngowa'a ga'a sapolo sigasa Habari Roanga ra Ma Jou'ongu Madutu tala!”

Roma 16:2

Ngoi to golo'o ra ngini, ni dawongo munanga sa'olo ninga biḏanga ra Ma Jou'ongu Madutu 'ai 'umata, gena-ge 'i patasa di'a ngowa'a ngaku Yesus. Ni riono munanga na'o mo majangangata ra ngini, sababu munanga masiretene romo riono ngowa'a manga repe; re ngoi masiretene ḏi'i, munanga miri riono.

1 Korintus 16:10

Na'o 'a Timotius 'o sapolo ra ngini, nu dawongo unanga reninga 'akala re sinyingara sa-sanangi, la unanga ḏi'i basono sanangi 'o tegoro taninga sigolona. Sababu unanga munara di'a Ma Jou, ma tero sa'olo ngoi.

1 Korintus 16:18

Ananga 'aḏi 'a'a ngoi 'ari 'akala re sinyingara 'i maroanga ma tero sa'olo ananga 'aḏi 'a'a ngini ninga 'akala re sinyingara 'i maroanga ḏi'i. Ngowa-ngowa'a ma tero ananga, ngene balasu wa'u silamo'o.

2 Korintus 10:18

Sababu ngowa'a ga'a 'aḏi mahie, ngowa'a gena-ge 'aḏi banari ua ra Ma Jou'ongu Madutu 'ai momina, mada'a pa'i ngowa'a ga'a Ma Jou'ongu Madutu masiretene ya'u sihie.

2 Korintus 7:2

Ni dawongo ngomi taninga 'akala re sinyingara ma dara. Sababu ra matengo i'a mai ua, ngomi 'a'a sala; re matengo i'a mai ua ngomi ma'u sirugi. Ngomi soi moi nyangu mi 'oro 'utungu ra guna ḇato.

Filipi 2:28

Sababu gena-ge 'ari nyafusu lai te'e di'a to soma'a unanga 'o maḏibo i'a ra ngini, la ngini ni maroanga wakutu ni ma'u sanga ra unanga, re ḏi'i 'ari 'akala re sinyingara 'i ogoro.

Kolose 4:10

'A Aristarkhus ga'a mamete'e ra ngoi toma bui ma dara, unanga 'o siḏingoto tabea ra ngini. So'o gena ḏi'i 'a Markus, Barnabas gia nongoḏu sepupu. Ngini reni sanga surata ga'a ngoi to siḏingoto, mangale na'o Markus 'o sapolo ra ngini, ni dawongo unanga reninga 'akala re sinyingara sa-sanangi.

1 Tesalonika 5:12

Ioronongoḏu ngo-ngaku rimoi, ngomi mi golo'o mode-mode'e ra ngini ni silamo'o ngowa'a ga'a 'aḏi side-de'oso ngini. Re ma la-lamo'o i'a ninga bi-biri'i ga'a nu'u sibi-biri'i re siajele ngini, la ninga ngo-ngaku kama elala ua.

1 Timotius 5:17

Jama'ata ma bi-biri'i—bi-biri'i ga'a 'aḏi cufala ya siḏagi manga munara, gena-ge enanga ma ngi'i ngowa'a ya'u silamo'o mode-mode'e re ya'u pula'a ngogele, ma la-lamo'o i'a ngowa'a ga'a 'aḏi singadolo bolo 'aḏi doto'o mangale Habari Roanga.

'Ibrani 13:17

Na mete'e ninga ngowa'a bi-biri'i—bi-biri'i re ni ta'aloko ra ananga. Sababu ananga 'aḏi sioḏi'i ngini re 'aḏi sihabari mangale manga munara gena-ge ra Ma Jou'ongu Madutu. Na'o ngini ni mete'e ananga gena-ge, manga munara 'i sigasa roanga ra ananga. Mada'a na'o ngini ni mete'e ua, ananga manga munara 'i sigasa sangisara ga'a 'i gasa 'utungu ua ra ngini ḏi'i!

3 Yohanes 1:10

Sababu gena-ge, maha ngoi to sapolo kara ta sijarita mangale unanga gena-ge 'ai duhu ma jira re 'o kanau sa-sakala ga'a 'a sidodai ra ngomi! Sidogo ḏi'i, wakutu nanga ioronongoḏu ngo-ngaku rimoi raḏi sapolo, Diotrefes ya'u dawongo ua re unanga ya'u simaha ua ngowa'a ga'a mau 'aḏi dawongo ananga gena-ge, re ya'u dusu'u sisupu toma lo-lomu jama'ata gena-ge!