Filipi 2:25 - Jaji ma Su-sungi

²⁵ Ngoi reto sitantukanga soma'a Epafroditus 'o maḏibo i'a ra ngini. Unanga gena-ge nanga ioronongoḏu ngo-ngaku rimoi ga'a ngini siḏingoto, la 'o riono ngoi. Unanga 'o mamete'e ra ngoi re 'o riono ngoi tari munara ma dara ma tero sa'olo sordado matengo 'o ḏagilomu ngoi di'a mi parangi

Filipi 2:25 Iomraidhean Croise

Yohanes 13:16

Ni ngaku mode-mode'e 'Ari demo-demo nena-ne: Budaka matengo 'o lebe la-lamo'o i'a ua reo tuanga. Re so-soma'a matengo lebe la-lamo'o i'a ua reo matengo ga'a 'u 'utusu unanga.

Yohanes 17:18

Ma tero sa'olo 'Ari Baba reno 'utusu Ngoi toma dungia nena-ne, so'o gena ḏi'i Ngoi ta'u 'utusu ananga toma dungia nena-ne.

Roma 16:3

Siḏingoto 'ari tabea ra ngo Priskila re Akwila. Ananga 'ari ḏagilomu munara di'a Kristus Yesus.

Roma 16:9

Siḏingoto 'ari tabea ra Urbanus, nanga ḏagilomu munara moi di'a Kristus. Siḏingoto 'ari tabea ra Stakhis, ga'a ngoi to dadalara.

1 Korintus 3:9

Ngomi mi munara di'a Ma Jou'ongu Madutu, re ngini ma tero sa'olo Ma Jou'ongu Madutu 'ai guḏa. Ngini ḏi'i sa'olo Ma Jou'ongu Madutu 'ai Wala di'a Unanga 'o tegoro.

2 Korintus 2:13

Mada'a tari 'akala re sinyingara ma dara 'i dodato, sababu 'a Titus, nanga ioronongoḏu ngo-ngaku rimoi, unanga 'o cua toma Troas. Dadi ngoi to sisoi'i tala limau gena-ge, re ngoi reto sapolo toma daeraha Makedonia.

Filipi 2:26

Epafroditus 'o duka re 'o mau ma'u sanga ra ngini mo-moini. Sidogo ḏi'i, unanga 'ai 'akala re sinyingara 'i kangela, sababu 'au nga'ene ngini reni isene unanga 'o siḏi.

Filipi 4:18

Nange-ne ngoi to paralu riwara 'oru ḇato sababu ngoi reto dawongo ḏua ninga bu-bula'a mo-moini ga'a ni siḏingoto ra Epafroditus re 'age rema enanga moju. Ninga bu-bula'a gena-ge ma tero sa'olo jou-jou ra Ma Jou'ongu Madutu ga'a ma bo-bounu lai sa'i re 'A dawongo ninga jou-jou gena-ge Rai 'akala re sinyingara sa-sanangi.

Filipi 4:3

Ngoi to golo'o toma ḏagilomu munara matengo ga'a cufala munara no riono ananga we-were'a nga muḏiḏi gena-ge. Ananga raḏi munara mode-mode'e mamete'e ra ngoi, la Habari Roanga 'i rera re walata. Ananga gena-ge ma tero sa'olo 'a Klemen, re ngowa-ngowa'a lelegu raḏi munara mamete'e ra ngoi ga'a manga lomanga 'i silefo ḏua toma ngowa'a 'ahu-'ahu manga boku.

Kolose 1:7

Habari Roanga gena-ge 'a Epafras ra singadolo ra ngini. Epafras 'o dadi Kristus 'ai falalomu ga'a 'o munara cufala madutu di'a 'o riono ngini. Unanga gena-ge ḏi'i ngomi minga ḏagilomu munara, ga'a mu dadalara.

Kolose 4:11

Yesus ga'a ngowa'a Roma 'aḏi si'aro'o Yustus 'o siḏingoto ḏi'i 'ai tabea ra ngini. Ngowa'a Yahudi ga'a ngowa'a ngaku Yesus pa'i ananga nga ḏu'ange ḇato, ananga gena-ge ngoi 'ari ḏagilomu munara di'a masiḏagi minga munara ra Ma Jou'ongu Madutu tala. Ananga ḏi'i raḏi site'e ngoi 'ari 'akala re sinyingara.

1 Tesalonika 3:2

re mi 'utusu 'a Timotius 'o tagi siḏa toma limau Tesalonika, la unanga 'o babata ngini re 'o site'e ninga ngo-ngaku ra Yesus Kristus. Timotius ḏi'i 'o dadi Ma Jou'ongu Madutu 'ai falalomu, 'o munara rimoi ra ngomi di'a singadolo Habari Roanga.

Filemon 1:24

'Ari ḏagilomu munara, 'a Markus, 'a Aristarkhus, Demas re Lukas, 'aḏi siḏingoto ḏi'i manga tabea ra ngana, dowara.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.