Filipi 2:22 - Jaji ma Su-sungi

²² Ngini masiretene reni oḏi'i ḏua mangale Timotius unanga 'o munara cufala. Unanga gena-ge ro munara mode-mode'e mamete'e ra ngoi di'a singadolo Habari Roanga. Ngomi nga muḏiḏi ma tero sa'olo ḇaḇa re ngowa'a nau'u.

Filipi 2:22 Iomraidhean Croise

Yesus 'ai so-soma'a 16:2

Ngowa-ngowa'a ngaku Yesus toma limau Listra re Ikonium manga sigolona, ananga 'aḏi waro Timotius ge ngowa'a la-la.

Roma 5:4

Re na'o ngene wo tahana ma tero gena-ge Ma Jou'ongu Madutu 'o 'akoru ngene nanga de'oso re ḏegoro. Sidogo ḏi'i, ngene nanga ngo-nganono ganapu te'e ra Unanga, sababu ngene wo waro Unanga na 'akoru.

1 Korintus 16:10

Na'o 'a Timotius 'o sapolo ra ngini, nu dawongo unanga reninga 'akala re sinyingara sa-sanangi, la unanga ḏi'i basono sanangi 'o tegoro taninga sigolona. Sababu unanga munara di'a Ma Jou, ma tero sa'olo ngoi.

1 Korintus 4:17

Sababu gena-ge, ngoi to soma'a 'a Timotius 'o sapolo ra ngini di'a 'o riono ngini ni mete'e re ni cuḏuḏu'u 'ari de'oso re ḏegoro. Timotius ma tero sa'olo ngoi 'ari ngowa'a tu dadalara, re unanga 'o cufala masala tai munara di'a Ma Jou'ongu Madutu. Unanga 'o si'elingi ngini mangale 'ari de'oso re ḏegoro sa'olo ngowa'a matengo ga'a ro ngaku Kristus. Enanga gena-ge ma tero ngoi reto doto'o toma jama'ata ngi'i le'a ḇato.

2 Korintus 2:9

Wakutu 'au nga'ene ngoi reto lefo surata ra ngini, 'ari maksudu di'a tunu tai'i, la ngoi to waro mode-mode'e ngini ni mete'e 'ari bererongo mo-moini, bolo ua.

2 Korintus 8:22

Sidogo ḏi'i, ngomi ḏuanga i'a mi siḏingoto nanga ioronongoḏu ngo-ngaku rimoi mamete'e rea Titus reo unanga gena-ge. Dadi ngowa'a nga ḏu'ange 'aḏi tagi ra ngini di'a lomu ninga bu-bula'a. Ngowa'a lelegu gena-ge, ngomi remi disa waro soi muḏuo i'a ḏua unanga 'o munara cufala di'a Ma Jou'ongu Madutu. Re nange-ne unanga 'ai nyafusu 'i ganapu madogo-dogo riono ngini, sababu unanga 'o ngaku mode-mode'e ngini ni siḏuanga ni lomu ninga bu-bula'a di'a jama'ata Yerusalem.

2 Korintus 8:24

Sababu gena-ge ngomi ma singanono ni sijumu ninga dadalara toma ioronongoḏu nga ḏu'ange ngo-ngaku rimoi gena-ge, la ngowa'a toma jama'ata-jama'ata lelegu 'aḏi sahe i'a sa'olo ngini ni dadi ngomi minga biono gau'u.

2 Korintus 8:8

Gena-ge, ngoi to parenta ngini ua. Mada'a ngoi to siajele mangale jama'ata Makedonia manga bu-bula'a, la ngini ni sanga donga di'a mete'e bolo ua jama'ata gena-ge manga ga'a. Dadi ngoi to disa waro ngadolo le'a ngini ninga dadalara toma ngowa'a ngaku Yesus ma lelegu.

Filipi 1:12

Ioronongoḏu ngo-ngaku rimoi, ngoi to mau ngini ni waro mangale 'oru ga'a 'i dadi ḏua ra ngoi, gena-ge si'a'a ngowa'a lebe repe ya 'isene Habari Roanga ga'a ngoi ta singadolo.

Filipi 1:16

Ngowa'a gena-ge 'aḏi singadolo mangale Kristus sababu manga dadalara. Re ḏi'i sababu ananga ya waro mangale Ma Jou'ongu Madutu 'o siwatasa ngoi 'ane toma bui di'a to sibukiti mangale Habari Roanga gena-ge 'i banari.

Filipi 1:5

Ngoi to sibere ie 'ari murasa ma la ra Ma Jou'ongu Madutu, sababu toma mulaingi i'a moju singadolo nange-ne, ngini reni riono ngoi tau-taunu di'a sirera re siwalata Habari Roanga.

Filipi 1:7

Tero mode'e ngoi to basono maroanga ra ngini mo-moini. Sababu bae ngoi toma bui, bolo talaḏi toma juruhakimi di'a ngoi to sitarangi mangale i'a sa'olo ngoi to singadolo Habari Roanga re to sijumu habari gena-ge 'i banari, ngini mo-moini ni riono ngoi di'a to siḏagi 'ari munara ga'a Ma Jou'ongu Madutu 'o pula'a ra ngoi sababu 'Ai mura re dadalara. Sababu gena-ge, ngini ni tegoro tari 'akala re sinyingara ma dara.

Filipi 2:20

Pa'i 'a Timotius re ngoi ḇato, ngomi minga 'akala re sinyingara 'i marimoi mangale mi kalesanga mode-mode'e ngini.

1 Timotius 1:18

Timotius, 'ari ngowa'a nau'u, nange-ne ngoi tini pula'a bererongo nena-ne: Ngoi mau tini si'elingi 'oru ga'a 'au nga'ene 'o nabi-nabi toma jama'ata ya siajele pasala ḏua ra Ma Jou'ongu Madutu ino. Wakutu no talaḏi ngowa'a, ga'a 'aḏi singadolo habari sa-sakala re 'aḏi ngaku ua Kristus Yesus, ngana nyengara na sipake demo gena-ge sa'olo 'ani dare rimoi ma tero sa'olo sordado toma parangi ma dara,

1 Timotius 4:6

Na'o do-doto'o mo-moini gena-ge ngana na'u doto'o tani ioronongoḏu ngo-ngaku rimoi mo-moini, ngana ḏuanga i'a no dadi 'a Kristus Yesus 'ai falalomu 'o munara cufala madutu. Re ngana ḏuanga i'a na site'e 'ani ngo-ngaku reo demo ra Ma Jou'ongu Madutu ga'a ngene wa ngaku re Unanga 'ai do-doto'o banari ga'a ngene wa mete'e singadolo 'orasa nange-ne.

2 Timotius 3:10

Mada'a ngana no waro ḏua ngoi 'ari do-doto'o, ngoi 'ari de'oso re ḏegoro, re 'ari 'ahu ma maksudu. Ngana masiretene no oḏi'i ḏua 'ari ngo-ngaku mode-mode'e ra Yesus re to dadalara 'a guna ḇato. Ngana ḏi'i no waro ḏua ngoi 'ari 'akala ḇanyo re ma duhu sa'olo ngoi to manahana wakutu ngoi ta basono susa re sangisara.

Titus 1:4

Titus, ngana ma tero sa'olo 'ari ngowa'a nau'u, sababu ngana re ngoi nanga ngo-ngaku 'i ma tero ra Kristus. Ngoi to golo'o ra Ma Jou'ongu Madutu nanga Ḇaḇa, re Yesus Kristus nanga Salamata ma Cimi di'a 'aḏi pula'a mura re dadalara re pula'a ḏi'i dame tau-taunu ra ngana.