Filipi 2:21 - Jaji ma Su-sungi

²¹ Ngowa'a lelegu mo-moini pa'i ya fikiri mangale manga 'ahu masiretene ḇato, ya fikiri ua mangale Yesus Kristus 'ai mau.

Filipi 2:21 Iomraidhean Croise

Matias 16:24

Gena ḏua, Yesus 'o kanau Tai me-mete'e, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara re balasu 'o doiti 'ai salib kara 'o mete'e Ngoi tau-taunu.

Lukas 14:26

“Na'o ngowa'a matengo i'a 'o mau mete'e Ngoi, mada'a lebe dadalara 'ai ngina, ḇaḇa, were'a, ngowa-ngowa'a, ioro re nongoḏu, re sidogo ḏi'i 'ai diri masiretene, unanga 'o dadi Ngoi 'ari me-mete'e yoḏu'u.

Yesus 'ai so-soma'a 13:13

Da'a limau Pafos ino, Paulus re 'ai ḏagilomu-ḏagilomu, ananga 'aḏi sidete toma limau Perga toma daeraha Pamfilia. Toma limau gena-ge, 'a Yohanes Markus ya'u soi'i tala ananga, re 'o maḏibo toma limau Yerusalem.

Yesus 'ai so-soma'a 15:38

mada'a 'a Paulus 'o oḏu'u sababu toma munara nga'ene, unanga 'o mete'e riwara, 'o sisoi'i tala ananga toma daeraha Pamfilia.

1 Korintus 10:24

Ngini balasu ni 'a'a 'ori i'a ga'a 'i mete'e ngowa'a lelegu manga paralu. Awa ni 'a'a 'ori i'a pa'i ngini masiretene ninga paralu.

1 Korintus 10:33

Gena-ge ma tero sa'olo ngoi ta 'a'a. Sababu gena-ge, ngoi to makutale to 'a'a ma la-la tau-taunu ga'a enanga 'i sisanangi ngowa'a mo-moini. Ngoi pa'i to 'a'a 'ori i'a ga'a ma la-la di'a pa'i ngoi ḇato ua. Mada'a to 'a'a 'ori i'a ga'a ma la-la di'a ngowa'a repe ḏi'i, la ananga mo-moini gena-ge ḏuanga i'a 'aḏi sanga salamata.

1 Korintus 13:5

'Ai de'oso re ḏegoro lai rousu toma ngowa-ngowa'a lelegu, disa pa'i 'ai paralu ḇato ua, capati ruta ua, gogono 'akala re sinyingara ua.

2 Korintus 1:5

Ma Jou Yesus Kristus 'a basono sangisara ma repe, re 'Ai sangisara gena-ge ngomi rema basono ḏi'i. Re ngomi sanga de-de'e 'i mamete'e rea Kristus ḏi'i.

Filipi 2:4

Awa pa'i singa'unu ninga diri masiretene, mada'a ngini balasu ni oḏi'i ngowa-ngowa'a lelegu manga ngadolo ua ḏi'i.

2 Timotius 1:15

Ngana na waro ḏua ngowa'a ngaku Yesus manga repe toma daeraha Asia 'aḏi sisoi'i tala ngoi. So'o gena ḏi'i, 'a Figelus re 'a Hermogenes.

2 Timotius 3:2

Toma 'orasa gena-ge, ngowa'a 'aḏi kalesanga pa'i manga 'ahu masiretene, 'aḏi mafikiri pa'i pipisi, 'aḏi matoro, 'aḏi momole, 'aḏi jajaha demo, 'aḏi 'isene bi-biri'i ua, 'aḏi si'a'a ua murasa ma la, re 'aḏi emono 'ori i'a 'ofi-'ofi.

2 Timotius 4:10

sababu 'a Demas ga'a 'o mete'e dungia ma nyafusu unanga gena-ge 'o sisoi'i tala ngoi re ro tagi toma limau Tesalonika. 'A Kreskes ro tagi toma daeraha Galatia re 'a Titus toma daeraha Dalmatia.

2 Timotius 4:16

Wakutu ma mulaingi, ngowa'a ri sijuruhakimi ngoi, matengo ua 'aḏi ḏagilomu ngoi, ananga mo-moini 'aḏi sisoi'i tala. Ngoi to golo'o ra Ma Jou'ongu Madutu mangale mo-moini nena-ne Unanga 'o sisala ananga awa.