Filipi 2:12 - Jaji ma Su-sungi

¹² Sababu gena-ge, ioronongoḏu ngo-ngaku rimoi ga'a ngoi tini dadalara re ga'a toma mulaingi ngini reni mete'e Ma Jou'ongu Madutu tau-taunu, ngoi to golo'o mangale ngini balasu ni makutale mode-mode'e di'a ni si'a'a ti-tiai reninga 'akala re sinyingara 'i boloto, 'oru ḇato ga'a 'i patasa di'a ngowa'a ga'a Ma Jou'ongu Madutu ro sisalamata ḏua. Awa ngini na si'a'a pa'i wakutu ngoi taninga sigolona ḇato; mada'a ma la-lamo'o i'a wakutu ngoi to kiḏanga ra ngini.

Filipi 2:12 Iomraidhean Croise

Matias 11:12

Toma wakutu 'a Yohanes mulaingi 'o siḏagi Ma Jou'ongu Madutu 'ai munara singadolo nange-ne, Ma Jou'ongu Madutu 'ai 'umata 'aḏi sanga dola'aku toma ngowa-ngowa'a ga'a 'aḏi makutale mau 'aḏi kuasa ya siḏagi manga de'e.

Matias 11:29

Pa'i ni mete'e ḇato 'Ari parenta re ni madoto'o ra Ngoi ḇato, sababu Ngoi 'ari 'akala re sinyingara 'i mereoso re maholo, re ngini ḏuanga i'a ni sanga ngomasa mamete'e ra Ngoi.

Yesus 'ai so-soma'a 16:29

Bui ma sae'e gena-ge 'o golo'o 'oboro re 'o lalara osama kamara ma dara gena-ge. Unanga 'o mojongo masala singadolo 'o terewete re 'o mapagara 'ai biono tala ra Paulus re 'a Silas manga biono.

Yesus 'ai so-soma'a 9:6

Mada'a nena-ne ḏua, no momi'i re no tagi osama toma limau. I'a da'a ngana na waro 'o 'oru ga'a ngana balasu na 'a'a.”

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

1 Korintus 15:58

Sababu gena-ge, ioronongoḏu ga'a ngoi tini dadalara, ngini ninga ngo-ngaku balasu lai te'e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode'e. Sababu ngini ni waro mangale 'oru ga'a ngini ni munara di'a Ma Jou, tantu ḏua enanga 'i parasaja ua.

1 Korintus 2:3

Wakutu ngoi to tegoro marimoi ra ngini, ta sibasono tala 'ari lese 'i lamahana, re ngoi to mojongo singadolo 'ari lese 'i terewete.

1 Korintus 4:14

Ngoi to lefo surata nena-ne di'a tini sipula'a mara'a ngini ua, mada'a di'a to ḇangata ngini ma tero sa'olo ngoi 'ari ngowa'a masiretene.

2 Korintus 7:15

'Orasa nange-ne, unanga lebe dadalara ngini sababu unanga 'a si'elingi ie ngini mo-moini ni mete'e unanga 'ai parenta re ni dawongo unanga reninga hormati re ta'aloko ra unanga.

Efesus 6:5

Ioronongoḏu ngo-ngaku rimoi ga'a ni dadi budaka, ni mete'e ninga tuanga toma dungia nena-ne, re nu silamo'o reninga 'akala re sinyingara mode-mode'e sa'olo ni sidodai ra Kristus masiretene.

Filipi 1:27

'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.

Filipi 1:29

Sababu Ma Jou'ongu Madutu ro sibarakati ngini, la ngini nga'unu ni ngaku Kristus, re ḏi'i Unanga ro cumutu ngini di'a ni basono sangisara sababu ni ngaku Unanga.

Filipi 1:5

Ngoi to sibere ie 'ari murasa ma la ra Ma Jou'ongu Madutu, sababu toma mulaingi i'a moju singadolo nange-ne, ngini reni riono ngoi tau-taunu di'a sirera re siwalata Habari Roanga.

Filipi 1:6

Ma Jou'ongu Madutu masiretene 'o mulaingi munara taninga sigolona. Re ngoi to ngaku mode-mode'e Ma Jou'ongu Madutu 'a siturusu munara la-la gena-ge singadolo siḏuanga toma wangere Kristus Yesus dadunu 'o sapolo moju.

Filipi 2:19

Na'o enanga 'i mete'e Ma Jou 'ai mau, ngoi to masinganono to siḏingoto capati 'a Timotius 'o tagi ra ngini. Dadi ngoi 'ari 'akala re sinyingara 'i maroanga wakutu unanga ro maḏibo 'o gasa habari mangale ngini.

Filipi 4:1

Sababu gena-ge, 'ari ioronongoḏu ngo-ngaku rimoi ga'a ngoi tini dadalara re tini duka, ngini nena-ne ga'a 'ari roanga re si'a'a ngoi 'ari biono gau'u, ngini balasu ni macako'o namo-namoto ra Ma Jou re ni ngaku mode-mode'e Unanga tau-taunu.

Filipi 4:15

Ioronongoḏu ngo-ngaku rimoi toma limau Filipi, ngini masiretene na waro, ma mulaingi wakutu ngoi tini sisoi'i tala daeraha Makedonia, pa'i ngini ḇato reni riono ngoi: Ngini ni pula'a pipisi ra ngoi, la ngoi nyengara to singadolo Habari Roanga toma ngowa'a lelegu.

2 Timotius 2:10

Sababu gena-ge, ngoi ta doiti sangisara mo-moini gena-ge di'a ngowa-ngowa'a ga'a Ma Jou'ongu Madutu 'o cumutu ḏua, la ananga ḏi'i 'aḏi sanga salamata re 'aḏi sanga mulia kasingado-ngadolo i'a toma soroga sababu 'aḏi marimoi ra Kristus Yesus.

'Ibrani 12:1

Sababu gena-ge, ngene nena-ne nyengara wo kanau mangale sakisi ma siḏa gena-ge ma repe, ma tero sa'olo kakamo ga'a 'i sigoloḏi ngene. Dadi ngene balasu wo dadi ma tero sa'olo ngowa'a lalara ga'a upa'a 'ori i'a ga'a 'i siḏubuso bolo 'i raiti ra unanga. So'o gena ḏi'i, ngene balasu wo upa'a 'ori i'a ga'a 'i siḏubuso re ḏosa ga'a 'i masiraiti i'a ra ngene. Re ino ngene wo lalara re wo matahana sangisara reo tahana tau-taunu, la nga'unu wa siḏuanga talaḏi tandingi toma biono i'a.

'Ibrani 4:1

Ma Jou'ongu Madutu 'ai jaji ga'a ngene wo osama toma ngo-ngomasa ma ngi'i mamete'e ra Unanga, jaji gena-ge 'i sigasa singadolo 'orasa nange-ne. Sababu gena-ge, ngene balasu wa kadiarata la-la ino, la awa 'age rema ngowa'a matengo i'a mai ua taninga sigolona ga'a ya sanga ua jaji mangale ngo-ngomasa ma ngi'i gena-ge.

'Ibrani 4:11

Sababu gena-ge, ino ngene wo makutale mode-mode'e di'a wo sanga ngomasa ga'a Ma Jou'ongu Madutu 'o sijaji pasala ḏua. Awa-awa 'age rema ngowa'a matengo i'a tananga sigolona 'o eta'a, sababu unanga 'o mete'e ngowa-ngowa'a manga duhu ga'a 'aḏi 'isene ua Ma Jou'ongu Madutu, 'ua re 'au wali.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

1 Petrus 2:11

Ioronongoḏu ngo-ngaku rimoi ga'a ngoi tunu dadalara! Ngini reni waro mangale ngini ma tero sa'olo ngowa'a tagi-tagi ino re ni tegoro nena re si'a ua toma dungia nena-ne. Sababu gena-ge, Ngoi to golo'o mode-mode'e ra ngini, awa ngini ni madaga'a 'oru ḇato 'i mete'e ninga nyafusu ma jira. Sababu nyafusu gena-ge 'i ma'u lawana reninga nyawa.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.