Filipi 2:11 - Jaji ma Su-sungi

¹¹ Ananga mo-moini ḏuanga i'a 'aḏi mangaku mangale Yesus Kristus, Unanga gena-ge “Ma Jou.” Sababu gena-ge, Ma Jou'ongu Madutu 'o sanga mulia.

Filipi 2:11 Iomraidhean Croise

Matias 10:32

“ 'A guna ḇato 'o mangaku toma mandan mangale unanga 'Ari me-mete'e, Ngoi ga'a toma soroga Tari Ḇaḇa 'ai biono Ngoi nena-ne ḏi'i to mangaku unanga 'Ari me-mete'e.

Lukas 2:11

Wangere nange-ne toma limau ga'a 'Olana Daud 'ai dola'a ututu ma ngi'i, sibuoro ḏua ninga Salamata ma Cimi, Unanga gena-ge 'O Kristus, Ma Jou.

Yohanes 12:42

Kalaha Yesaya 'o kanau so'o gena-ge Yahudi manga bi-biri'i tamanga sigolona manga repe 'aḏi ngaku Yesus. Mada'a ananga gena-ge 'aḏi siajele ua manga ngo-ngaku toma mandan, sababu 'aḏi mojongo ngowa'a Farisi ya'u simaha ua ananga gena-ge di'a 'aḏi osama toma wala puji.

Yohanes 13:13

Ngini ni si'aro'o Ngoi ‘ninga Guru’, re ‘ninga Jou’, gena-ge 'i banari.

Yohanes 13:14

Na'o Ngoi sa'olo ninga Jou, re ninga Guru, reto soso'o ninga rou, ngini ḏi'i balasu ni ma'u soso'o ninga rou matengo re matengo.

Yohanes 14:13

Re 'oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a di'a ngini, la Ngoi to sigasa puji re silamo'o Tari Ḇaḇa.

Yohanes 14:23

Yesus 'o sangoro, “Na'o 'a guna ḇato 'o dadalara Ngoi, unanga 'a mete'e 'Ari do-doto'o. 'Ari Ḇaḇa ḏuanga i'a 'o dadalara unanga. Re 'Ari Ḇaḇa re Ngoi, ngomi mi sapolo ra unanga remi tegoro marimoi ra unanga.

Yohanes 17:1

Yesus 'o kanau so'o gena togumu i'a, unanga 'o talaḏi ie diwanga re 'O manyiata, “Baba nange-ne ma 'orasa ri ngadolo, simulia 'Ani Ngowa'a Nau'u, la 'Ani Ngowa'a Nau'u ḏi'i 'O simulia Baba.

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Yohanes 9:22

'Ai ḇaḇa re ngina, ananga 'aḏi kanau so'o gena-ge, sababu ananga 'aḏi mojongo ngowa'a Yahudi manga bi-biri'i: Na'o 'a guna ḇato 'o mangaku Yesus, Unanga 'O Kristus, unanga gena-ge 'o osama toma wala puji riwara.

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Yesus 'ai so-soma'a 2:36

Petrus dadunu 'o kanau moju, “Sababu gena-ge, ngowa-ngowa'a Yahudi, ngini re ngowa'a Israel ma lelegu mo-moini balasu na waro mode-mode'e mangale Yesus ga'a ngini nu salib, Unanga gena-ge Ma Jou'ongu Madutu 'o sidadi nanga Jou re 'O Kristus.”

Roma 14:11

Sababu toma Boku 'Ofi-'Ofi ma dara 'i silefo so'o ne: “Ma Jou'ongu Madutu 'o kanau, ‘Mode-mode'e sa'olo Ngoi to 'ahu, ngowa'a mo-moini matengo re matengo 'aḏi maḏipolono ra Ngoi 'ari biono. Re ananga mo-moini matengo re matengo 'aḏi kanau mangale Ngoi nena-ne Ma Jou'ongu Madutu.’ ”

Roma 14:9

Ma sababu gena, Kristus ro sengene re dadunu Ro 'ahu moju. Dadi bae ngowa'a 'ahu-'ahu bae ngowa'a raḏi sengene, Unanga gena-ge nanga Jou.

Roma 15:9

Ḏi'i Kristus 'o sapolo toma dungia nena-ne, la ngowa'a Yahudi ua 'aḏi puji re silamo'o Ma Jou'ongu Madutu sababu Unanga 'a sijumu 'ai 'akala re sinyingara ma la-la ra ananga. Gena-ge ma tero sa'olo 'a 'Olana Daud 'o kanau ra Ma Jou'ongu Madutu ga'a 'i silefo toma Boku 'Ofi-'Ofi ma dara so'o ne: “Sababu gena-ge, wakutu ngoi 'age toma ngowa'a Yahudi ua manga sigolona, ngoi to puji re silamo'o Ma Jou'ongu Madutu; ngoi to manyanyi puji re silamo'o 'Ai lomanga.”

1 Korintus 12:3

Sababu gena-ge, ngini balasu ni waro mangale ngowa'a ga'a Ma Jou'ongu Madutu 'ai Ngagara 'Ofi-'Ofi ya'u ḏegoro, ananga gena-ge sanga ua 'aḏi sosowini Yesus. So'o gena-ge matengo i'a mai ua nyengara 'aḏi sijumu tamanga 'ahu mangale “Yesus gena-ge manga Jou,” ḏuga-ḏuga Ma Ngagara 'Ofi-'Ofi ya'u ḏegoro.

1 Korintus 15:47

Adam ma mulaingi sidadi reo tana'a. Mada'a Adam ma soi ḏiḏi, Kristus, unanga gena-ge 'ai 'asala toma soroga tala.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

1 Petrus 1:21

Sababu Kristus 'ai ga'a di'a ngini, ngini ni ngaku ra Ma Jou'ongu Madutu ga'a dadunu 'O si'ahu moju Kristus gena-ge toma ngowa'a senge-sengene manga sigolona re 'U simulia Unanga ḏi'i. Sababu gena-ge, ngini ni nganono re ni ngaku ra Ma Jou'ongu Madutu, mangale Unanga ḏuanga i'a 'o sisalamata ngini ḏi'i.

1 Yohanes 4:15

Na'o 'a guna ḇato 'o mangaku mangale Yesus gena-ge Ma Jou'ongu Madutu 'ai Ngowa'a Nau'u, Ma Jou'ongu Madutu ḏi'i 'o 'ahu marimoi toma ngowa'a gena-ge. Re ngowa'a gena-ge 'ai 'ahu marimoi ra Ma Jou'ongu Madutu.

1 Yohanes 4:2

Ma duhu so'o ne, di'a ni disa waro roh gena-ge ma 'asala ra Ma Jou'ongu Madutu tala bolo ua: Ngowa'a ga'a 'aḏi mangaku Yesus Kristus 'o sapolo toma dungia nena-ne sa'olo manusia, ananga gena-ge Roh ra Ma Jou'ongu Madutu ya'u ḏegoro.

2 Yohanes 1:7

Sababu ngowa'a ga'a sihaga ngowa'a, ananga manga repe 'aḏi tagi matai are toma dungia sitabi donga. Ananga gena-ge 'aḏi mangaku ua mangale Yesus Kristus 'o sapolo toma dungia nena-ne sa'olo manusia. Ananga gena-ge ma tero sa'olo ngowa'a matengo ga'a sihaga ngowa-ngowa'a re unanga gena-ge 'o Kristus Sa-sakala.

Tingoýi 3:5

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a 'aḏi mapake juba bu-buḏo. Manga lomanga ta singi-ngiranga yoḏu'u toma ngowa'a 'ahu-'ahu manga boku. Re Rari Ḇaḇa 'ai biono re mala'ekata-mala'ekata manga biono, Ngoi to mangaku to kanau ananga gena-ge Ngoi 'ari ngowa-ngowa'a.