Filipi 1:8 - Jaji ma Su-sungi

⁸ Ma Jou'ongu Madutu 'a waro mangale ngoi to mau masala di'a to ma'u sanga ngini moju, sababu ngoi to dadalara ngini ma tero sa'olo Kristus Yesus masiretene 'o dadalara ngini.

Filipi 1:8 Iomraidhean Croise

Lukas 1:78

sababu nanga Jou'ongu Madutu, Unanga 'ai 'akala re sinyingara ma la-la masala di'a ngene. Sababu gena-ge, Unanga 'ai Ngowa'a Nau'u ḏuanga i'a 'o sapolo da'u toma soroga tala di'a 'O sisalamata ngene, ma tero sa'olo wangere ma la'o 'i pilata,

Roma 1:9

Ngoi to de-de'oso Ma Jou'ongu Madutu rari 'akala re sinyingara mode-mode'e di'a to singadolo Habari Roanga mangale 'Ai Ngowa'a Nau'u. Ma Jou'ongu Madutu, Unanga 'ari sakisi mangale ngoi to 'elingi ngini tau-taunu, wakutu to manyiata.

Roma 9:1

Nange-ne 'oru ga'a ngoi mau to kanau 'i banari. Ngoi to sa-sakala ua sababu ngoi marimoi ra Kristus. Re ḏi'i 'ari 'akala re sinyingara ma kanau, Ma Ngagara 'Ofi-'Ofi ya sinyanyasele re Enanga 'i sisakisi mangale 'oru ga'a to kanau nena-ne 'i banari.

2 Korintus 13:9

Ngomi sanangi, na'o ngowa'a 'aḏi fikiri ngini ninga ngo-ngaku 'i te'e mada'a ananga 'aḏi ta'ajiri ngomi mi lamahana sababu mi sijumu ua minga kuasa di'a sihukumu ngini. Re ngomi ḏi'i mi manyiata mangale ngini dadunu ni dadi ngowa'a ga'a 'aḏi 'a'a 'oru ḇato mete'e tau-taunu Ma Jou'ongu Madutu 'ai 'akala ma mau.

2 Korintus 6:12

Ngomi remi sijumu minga dadalara di'a ngini, mada'a pa'i ngini na sijumu ua ninga dadalara di'a ngomi.

2 Korintus 7:15

'Orasa nange-ne, unanga lebe dadalara ngini sababu unanga 'a si'elingi ie ngini mo-moini ni mete'e unanga 'ai parenta re ni dawongo unanga reninga hormati re ta'aloko ra unanga.

Galatia 1:20

'Oru ga'a ngoi to lefo nena-ne 'i banari. Ma Jou'ongu Madutu 'a waro ngoi to sa-sakala ua.

Galatia 3:26

Siḏibo ḏi'i, sababu ngini reni ngaku Kristus Yesus, ngini mo-moini ni dadi Ma Jou'ongu Madutu 'ai ngowa-ngowa'a.

Galatia 4:19

'Ari ngowa-ngowa'a ga'a tunu dadalara, 'orasa nange-ne ngoi to basono kangela ma tero sa'olo we-were'a matengo mo basono sangisara sa'i mo maḏe-ḏegoro i'a. Ngoi ḏuanga i'a ta basono kangela, singadolo Kristus 'ai de'oso re ḏegoro ri konyo tiai taninga 'akala re sinyingara ma dara.

Filipi 2:1

Ngoi reto waro ngini ninga ngo-ngaku 'i te'e sababu ni marimoi ra Kristus! Ngini ni sanga hiburu sababu Kristus 'o dadalara ngini. Ma Ngagara 'Ofi-'Ofi 'i babata re 'i marimoi ra ngini singadolo ngini ma'u dadalara matengo re matengo.

Filipi 2:26

Epafroditus 'o duka re 'o mau ma'u sanga ra ngini mo-moini. Sidogo ḏi'i, unanga 'ai 'akala re sinyingara 'i kangela, sababu 'au nga'ene ngini reni isene unanga 'o siḏi.

Filipi 4:1

Sababu gena-ge, 'ari ioronongoḏu ngo-ngaku rimoi ga'a ngoi tini dadalara re tini duka, ngini nena-ne ga'a 'ari roanga re si'a'a ngoi 'ari biono gau'u, ngini balasu ni macako'o namo-namoto ra Ma Jou re ni ngaku mode-mode'e Unanga tau-taunu.

Kolose 2:1

Ngoi to mau ngini ni waro mangale ngoi to munara mode-mode'e, lobi'i re wangere di'a ngini, re di'a ngowa-ngowa'a toma limau Laodikia, re ngowa'a mo-moini ga'a ma'u sanga ngoi nyangu.

Kolose 3:12

Ma Jou'ongu Madutu ro cumutu ngini sa'olo 'Ai 'umata ga'a ngowa'a 'ofi-'ofi re Unanga ro dadalara ngini. Sababu gena-ge, ngini ni 'ahu so'o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo.

1 Tesalonika 2:5

Ngini masiretene na waro, ngomi mi pake ua demo-demo ma mami. Re ngomi mi sapolo magogono ua 'akala re sinyingara ga'a da-danata, Ma Jou'ongu Madutu 'a waro gena-ge 'i banari.

1 Tesalonika 2:8

Dadi sababu ngomi mi dadalara mode-mode'e, ngomi mi sanangi masala di'a singadolo Habari Roanga ra ngini. Re pa'i enanga gena-ge ḇato ua, mada'a ngomi ḏi'i mi madaga'a 'oru ḇato di'a riono ngini ḏi'i, sababu ngini dadi ngowa'a ga'a ngomi ma'u dadalara masala.

2 Timotius 1:4

Ngoi ta 'elingi tau-taunu ngana 'ani 'akala re sinyingara 'i kangela wakutu ngoi to sisoi'i tala ngana. Sababu gena-ge, ngoi to mau ma'u sanga ra ngana, la ngoi 'ari 'akala re sinyingara 'i sanangi mode-mode'e.

Filemon 1:12

Dadi Onesimus ga'a ngoi tu dadalara gena-ge, retu siḏibo i'a ra ngana.

Filemon 1:20

Sababu gena-ge, ngoi to nyafusu ngana no riono ngoi pa'i sababu ngene wo gia nongoḏu ra Ma Jou ḇato. Dadi ngana dadunu no dawongo Onesimus, la sisanangi 'ari 'akala re sinyingara.

1 Yohanes 3:17

Na'o ngini reninga bai'i ni oḏi'i ninga ioronongoḏu ngo-ngaku rimoi 'aḏi basono kuranga, mada'a ni siwaro i'a ua, nyengara ngini ni aje ni dadalara Ma Jou'ongu Madutu?! Tantu ḏua, ua!