Filipi 1:7 - Jaji ma Su-sungi

⁷ Tero mode'e ngoi to basono maroanga ra ngini mo-moini. Sababu bae ngoi toma bui, bolo talaḏi toma juruhakimi di'a ngoi to sitarangi mangale i'a sa'olo ngoi to singadolo Habari Roanga re to sijumu habari gena-ge 'i banari, ngini mo-moini ni riono ngoi di'a to siḏagi 'ari munara ga'a Ma Jou'ongu Madutu 'o pula'a ra ngoi sababu 'Ai mura re dadalara. Sababu gena-ge, ngini ni tegoro tari 'akala re sinyingara ma dara.

Filipi 1:7 Iomraidhean Croise

Yesus 'ai so-soma'a 20:23

Ngoi pa'i ta waro toma limau mo-moini, Ma Ngagara 'Ofi-'Ofi 'i siajele pasala ḏua ra ngoi mangale ngoi to osama bui re to basono sangisara.

Yesus 'ai so-soma'a 21:33

Sordado la-lamo'o 'u jau i'a 'a Paulus re unanga 'o soma'a 'ai sordado-sordado 'u cako'o re 'u rate. Gena ḏua, sordado la-lamo'o 'u sano ra ananga, “Unanga nena-ne, 'a guna? Unanga nena-ne 'o 'a'a 'oru?”

1 Korintus 13:7

Unanga 'o tahana talaḏi 'oru ḇato toma ngowa'a lelegu ino, 'o ngaku 'oru ḇato ga'a la-la mangale ngowa'a lelegu. Unanga 'o masinganono tau-taunu ngowa'a lelegu manga de'oso re ḏegoro 'i dadi la-la. Re 'o pake 'akala ḇanyo tau-taunu toma ngowa'a lelegu.

1 Korintus 9:23

Ngoi to si'a'a mo-moini gena-ge, dadi nga'unu ngowa'a lebe dogo 'aḏi ngaku Habari Roanga, la ngoi ḏi'i sanga bara'utungu mamete'e ra ananga gena-ge.

2 Korintus 3:2

Mada'a ngomi paralu surata ua! Sababu ioronongoḏu ngo-ngaku rimoi, ngini masiretene ma tero sa'olo surata ga'a ni sitoro ngomi. Sababu ngowa'a mo-moini 'aḏi oḏi'i ninga ngo-ngaku taninga 'ahu. Dadi ananga raḏi waro ngini reni ngaku Kristus mode-mode'e. Surata gena-ge 'i silefo ra ngomi minga 'akala re sinyingara ma dara ḏi'i, sababu ngomi mi dadalara ngini.

2 Korintus 7:3

Wakutu ngoi to kanau so'o gena, ngoi to sisala ngini ua. Sababu ma tero sa'olo ngoi reto kanau siḏa ra ngini: bae ngomi minga munara 'i sigasa ngomi toma sengene, bae ngomi minga munara 'i sigasa ngomi toma sengene ua; ngomi mi dadalara masala ngini.

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Efesus 3:1

Ma sababu gena-ge ngoi, Paulus to manyiata di'a ngini. Ngoi to osama bui sababu to singadolo Habari Roanga ra ngini, ngowa'a Yahudi ua, sababu ngoi to munara di'a Kristus Yesus.

Efesus 4:1

Sababu gena-ge, ngoi — ga'a to osama bui sababu 'ari munara di'a Ma Jou'ongu Madutu — to golo'o mode-mode'e ra ngini mangale ninga 'ahu balasu 'i patasa sa'olo ngowa'a ga'a Ma Jou'ongu Madutu ro 'aro'o di'a dadi 'Ai ngowa-ngowa'a masiretene.

Efesus 6:20

Sababu Habari Roanga gena-ge, ngoi to dadi Kristus 'ai 'utusana re nange-ne ngoi to osama bui. Dadi ni manyiata di'a ngoi ḏi'i, la ngoi to singadolo Habari Roanga, re ma duhu sa'olo ngoi balasu ta singadolo, kama mojongo ua.

Filipi 1:12

Ioronongoḏu ngo-ngaku rimoi, ngoi to mau ngini ni waro mangale 'oru ga'a 'i dadi ḏua ra ngoi, gena-ge si'a'a ngowa'a lebe repe ya 'isene Habari Roanga ga'a ngoi ta singadolo.

Filipi 1:13

Dadi Kadato ma ja-jaga mo-moini re ngowa-ngowa'a lelegu manga repe ya waro mangale ngoi to osama bui sababu ngoi 'ari munara di'a Kristus.

Filipi 1:14

Re ḏi'i sababu ngoi to osama bui, ngowa'a repe raḏi ngaku Yesus toma limau gena-ge ananga lebe repe manga ngo-ngaku lebe te'e, singadolo ananga ganapu nau'u di'a singadolo Ma Jou'ongu Madutu 'ai demo kamanga mojongo ua.

Filipi 1:5

Ngoi to sibere ie 'ari murasa ma la ra Ma Jou'ongu Madutu, sababu toma mulaingi i'a moju singadolo nange-ne, ngini reni riono ngoi tau-taunu di'a sirera re siwalata Habari Roanga.

Filipi 2:22

Ngini masiretene reni oḏi'i ḏua mangale Timotius unanga 'o munara cufala. Unanga gena-ge ro munara mode-mode'e mamete'e ra ngoi di'a singadolo Habari Roanga. Ngomi nga muḏiḏi ma tero sa'olo ḇaḇa re ngowa'a nau'u.

Filipi 4:14

Kalaha so'o gena, ngini reni riono ngoi re ni sikare 'ari gina ma ḏubuso.

Filipi 4:15

Ioronongoḏu ngo-ngaku rimoi toma limau Filipi, ngini masiretene na waro, ma mulaingi wakutu ngoi tini sisoi'i tala daeraha Makedonia, pa'i ngini ḇato reni riono ngoi: Ngini ni pula'a pipisi ra ngoi, la ngoi nyengara to singadolo Habari Roanga toma ngowa'a lelegu.

Filipi 4:3

Ngoi to golo'o toma ḏagilomu munara matengo ga'a cufala munara no riono ananga we-were'a nga muḏiḏi gena-ge. Ananga raḏi munara mode-mode'e mamete'e ra ngoi, la Habari Roanga 'i rera re walata. Ananga gena-ge ma tero sa'olo 'a Klemen, re ngowa-ngowa'a lelegu raḏi munara mamete'e ra ngoi ga'a manga lomanga 'i silefo ḏua toma ngowa'a 'ahu-'ahu manga boku.

Kolose 4:18

Tabea ra ngoi, Paulus. Ngoi ta lefo tabea gena-ge rari giama masiretene. Awa ni sidaioranga ngoi, ga'a toma bui ma dara moju! Ngoi to golo'o Ma Jou'ongu Madutu mangale 'Ai mura re dadalara sieanga i'a ngini ua.

Kolose 4:3

Ngini ni manyiata di'a ngomi ḏi'i mangale Ma Jou'ongu Madutu 'a welanga ngalana di'a mi singadolo habari rahasia mangale Kristus. Sababu habari gena-ge ngowa'a 'aḏi singosama ngoi toma bui.

1 Tesalonika 5:5

Ngini mo-moini sa'olo ngowa'a ngaku Yesus ga'a ni 'ahu re ninga de'oso re ḏegoro ma tero sa'olo ngowa-ngowa'a ga'a 'ahu toma tarangi ma dara, sababu ngini reni ngaku Yesus. Sababu gena-ge, ngene mo-moini wo si'a'a awa 'oru i'a ma jira, sababu ngene wo 'ahu toma hafu-hafu riwara.

2 Timotius 1:8

Sababu gena-ge, awa no mara'a no pula'a sakisi mangale Ma Jou'ongu Madutu ga'a ngene wo silamo'o re siḏubuso, bolo mangale ngoi ga'a to osama bui, sababu Unanga gena-ge. Siḏibo ḏi'i, ngana balasu no ḏu-ḏuanga ḏua di'a basono sangisara na'o na singadolo Habari Roanga. Ma Jou'ongu Madutu ḏuanga i'a site'e 'ani 'akala re sinyingara, la ngana nga'unu doiti sangisara gena-ge.

2 Timotius 2:9

Sababu gena-ge, ngoi to sanga sangisara singadolo to sanga lara sa'olo ngowa'a ma jira. Mada'a Ma Jou'ongu Madutu 'ai demo ya lara yoḏu'u.

Filemon 1:13

Enanga ma banari nena-ne: Ngoi mau to tahana unanga mamete'e ra ngoi sa'olo ngana ni nga-ngali, la unanga nga'unu 'o riono ngoi ma di'ara to sanga tahana toma bui ma dara, sababu to singadolo Ma Jou'ongu Madutu 'ai Habari Roanga.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

1 Petrus 4:13

Siḏibo ḏi'i, jobilaha ngini ni dawongo reninga roanga, sababu ngini sanga sangisara ḏi'i ma tero Yesus sanga sangisara. Kalaha so'o gena nange-ne, ḏuanga i'a toma 'orasa ngowa-ngowa'a ya oḏi'i simulia Unanga, ngini lebe maroanga.

1 Petrus 5:1

Ngoi to ajele ma ngale ra ngini, jama'ata ma bi-biri'i sababu ngoi ḏi'i jama'ata ma bi-biri'i ma tero sa'olo ngini, re ḏi'i ngoi to oḏi'i masiretene 'a Kristus 'ai sangisara. Ḏuanga i'a, wakutu ma 'orasa enanga 'i ngadolo Ma Jou'ongu Madutu 'o sijumu Kristus 'ai mulia ra ngene mo-moini, ngoi ḏi'i ta dawongo Unanga 'ai mulia ma balangu.

2 Petrus 1:13

Sababu ngoi ta basono tala paralu madutu 'ori i'a ga'a ta siajele ḏua ra ngini, ngoi ta si'elingi tau-taunu singadolo ngoi to sengene.

1 Yohanes 3:14

Ngene rewa waro ngene ma tero sa'olo ngowa'a sengene riwara, mada'a ngene ngowa'a ga'a sanga 'ahu kasingado-ngadolo i'a, sababu wo dadalara nanga ioronongoḏu ngo-ngaku rimoi. Mada'a ngowa'a ga'a 'aḏi dadalara ua manga ioronongoḏu ngo-ngaku rimoi, ananga gena-ge ma tero sa'olo ngowa'a raḏi sengene.