Filipi 1:25 - Jaji ma Su-sungi

²⁵ Sababu gena-ge, tantu ḏua ngoi ta waro, ngoi to 'ahu moju re 'age taninga sigolona, 'ari ioronongoḏu ngo-ngaku rimoi mo-moini. Dadi nga'unu tini riono ngini singadolo ngini lebe maroanga re ninga ngo-ngaku ra Ma Jou lebe te'e i'a.

Filipi 1:25 Iomraidhean Croise

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

Yesus 'ai so-soma'a 11:23

Wakutu Barnabas 'o ngadolo toma limau Antiokhia, unanga oḏi'i nana'o mangale Ma Jou'ongu Madutu 'ai mura re dadalara 'i tegoro ra ananga. Dadi unanga 'ai 'akala re sinyingara 'i maroanga. Barnabas 'o golo'o ananga gena-ge 'aḏi mete'e re 'aḏi ngaku Ma Jou Yesus tau-taunu remanga 'akala re sinyingara mode-mode'e.

Yesus 'ai so-soma'a 14:22

Toma limau-limau gena-ge, ananga 'aḏi site'e ngowa'a ngaku Yesus manga ngo-ngaku re 'aḏi babata ananga gena-ge di'a 'aḏi ngaku Yesus tau-taunu re 'aḏi mete'e Unanga 'ai do-doto'o ḇato re 'aḏi siajele “Ngene balasu wo basono kangela siḏa, kara ḏuanga i'a wa sanga ma sanangi toma soroga ra Ma Jou'ongu Madutu.” Paulus re 'a Barnabas 'aḏi doto'o ngowa'a ngaku Yesus so'o gena toma limau-limau gena-ge.

Yesus 'ai so-soma'a 20:25

Jama'ata ma bi-biri'i mo-moini, ga'a ngoi ta singadolo ḏua mangale Ma Jou'ongu Madutu 'ai Pareta, ngoi ta sibasono tala ḏuanga i'a ḏa wo ma'u sanga riwara.

Roma 15:13

Ngoi to golo'o ra Ma Jou'ongu Madutu ga'a ninga ngo-nganono ma cimi, di'a nu siromanga taninga 'akala re sinyingara ma dara reo roanga re dame ti-tiai, ngini ga'a reni ngaku Unanga, la sababu Ma Ngagara 'Ofi-'Ofi ma kuasa, ninga ngo-nganono 'i ganapu te'e.

Roma 15:18

Ngoi to nau'u di'a to kanau mangale pa'i ma duhu sa'olo Kristus ro sigasa ngowa'a Yahudi ua di'a mete'e Ma Jou'ongu Madutu, sababu Unanga gena-ge ro sipake 'ari demo re ganau re 'ari ga'a:

Roma 15:29

Re tantu ḏua ngoi to waro wakutu ngoi to sapolo ra ngini, ngoi to gasa barakati ma repe ra Kristus di'a ngini.

Roma 5:2

Re ḏi'i, sababu ngene rewo ngaku Yesus Kristus, ngene wo basono Ma Jou'ongu Madutu 'ai mura re dadalara tananga 'ahu tau-taunu sababu 'oru ga'a Yesus Kristus ro 'a'a di'a ngene. Re ngene wo maroanga, sababu ngene renanga ngo-nganono 'i te'e mangale ḏuanga i'a ngene wo sanga balangu ra Ma Jou'ongu Madutu 'ai mulia.

2 Korintus 1:24

Ngoi to simau-mau ngini ua mangale 'oru ga'a ngini balasu ni ngaku sababu ninga ngo-ngaku lai te'e ḏua. Siḏibo ḏi'i, ngoi pa'i to dadi ḏagilomu munara ra ngini, la ngini ninga 'akala re sinyingara lebe maroanga.

Filipi 1:24

Mada'a lebe la-lamo'o i'a di'a ngini, ngoi to 'ahu moju toma dungia nena-ne.

Filipi 2:24

Ngoi to ngaku Ma Jou'ongu Madutu ri riono, la ti'ara riwara ngoi masiretene to sapolo ḏi'i tini tutumu ngini.

Filemon 1:22

Re ḏi'i, pahala no sidodahe kamara rimoi tani wala di'a ngoi. Sababu ngoi to nganono Ma Jou'ongu Madutu 'a dawongo ioronongoḏu ngo-ngaku rimoi mo-moini ninga nyiata, la ngoi nyengara to maḏibo ra ngini.

1 Petrus 1:8

Kalaha ngini oḏi'i nyangu, ngini ni dadalara Unanga. Re kalaha ngini ni oḏi'i Unanga ua, ngini ni ngaku Unanga. Enanga gena-ge 'i si'a'a ngini ninga 'akala re sinyingara 'i maroanga ma pari cua,