Filipi 1:21 - Jaji ma Su-sungi

²¹ Sababu di'a ngoi, ngoi 'ari 'ahu pa'i to silamo'o Kristus; na'o to sengene, ngoi to bara'utungu: Ngoi to mame-mete'e mode-mode'e ra Kristus!

Filipi 1:21 Iomraidhean Croise

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

1 Korintus 3:22

bae Paulus, bae Apolos, bae Petrus, bae dungia ne, bae 'ahu bae sengene, bae 'orasa nena-ne bolo toma biono i'a; mo-moini gena-ge di'a ngini ninga la-la.

2 Korintus 5:1

Sababu ngomi remi waro mangale nanga lese toma dungia nena-ne, 'i ma tero sa'olo wala ga'a 'orasa nange-ne ngene wa tegoro. Re ngomi remi waro, na'o lese gena-ge 'i pinya'olo Ma Jou'ongu Madutu ḏuanga i'a 'o sidodahe lese su-sungi ḏu moi toma soroga di'a ngene. Lese su-sungi gena-ge manusia 'aḏi 'a'a ua, mada'a Ma Jou'ongu Madutu masiretene 'A 'a'a, re enanga kama sengene riwara kasingado-ngadolo i'a.

2 Korintus 5:6

Sababu gena-ge, ngomi basono minga 'akala re sinyingara te'e tau-taunu. Ngomi mi waro mangale minga lese ma tero sa'olo wala ga'a mi tegoro moju toma dungia nena-ne. Dadi ngomi tegoro mamete'e nyangu ra Ma Jou Yesus toma soroga.

2 Korintus 5:8

Ngoi dadunu to kanau: Ngomi minga 'akala re sinyingara 'i te'e. Re ḏi'i, ngomi lebe mi nyanyaḏi mi sisoi'i tala nanga lese, la nga'unu mi tegoro marimoi ra Ma Jou Yesus.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Galatia 6:14

Mada'a ngoi masiretene to oḏu'u madutu to matoro mangale 'oru ḇato, ḏuga-ḏuga ngoi mau to sitoro mangale nanga Jou Yesus Kristus ga'a ro sengene toma salib di'a ngene. Sababu Unanga 'ai se-sengene gena-ge, ngoi to 'ahu ma tero ua sa'olo manusia toma dungia nena-ne ga'a 'aḏi mete'e manga nyafusu ma jira. Re ḏi'i, manusia toma dungia nena-ne ya sahe ua mangale 'ari 'ahu marimoi ra Ma Jou Yesus.

Filipi 1:20

'Oru ga'a ngoi to nyafusu re to masingano-nganono mode-mode'e mangale soi moi i'a mai ua, ngoi ḏuanga i'a to simara'a Yesus 'ai lomanga sababu 'ari munara. Siḏibo ḏi'i, ngoi lato nau'u di'a to kanau kama mojongo ua. Dadi ma tero sa'olo ngoi to si'a'a toma mulaingi singadolo 'orasa nange-ne, ngoi ḏuanga i'a to silamo'o Kristus tau-taunu, bae 'i sijumu tari 'ahu ma duhu bolo tari sengene ma duhu.

Filipi 1:22

Mada'a na'o ngoi to 'ahu moju toma dungia nena-ne, ngoi to munara rema faeda. Dadi ngoi ta waro ua le'a ngoi balasu ta pili: 'Ahu bolo sengene?!

Filipi 1:23

Ngoi nga'unu ua ta sitantukanga le'a 'i rousu: Ngoi to nyafusu madutu to sisoi'i tala dungia nena-ne di'a to tagi to mamete'e ra Kristus sababu gena-ge lebe la.

Filipi 2:21

Ngowa'a lelegu mo-moini pa'i ya fikiri mangale manga 'ahu masiretene ḇato, ya fikiri ua mangale Yesus Kristus 'ai mau.

Kolose 3:4

sababu ninga 'ahu su-sungi ma cimi gena-ge Kristus. Wakutu Unanga dadunu 'o sapolo Rai kabasarana, ngini ni mamete'e ra Unanga, re Unanga 'O sibalangu 'Ai mulia ra ngini ḏi'i.

Tingoýi 14:13

Ḏua ngoi to 'isene iḏingi da'u toma soroga tala ma betongo, “Na lefo so'o ne: Mulaingi nange-ne, ngowa-ngowa'a 'aḏi sengene sababu 'aḏi mete'e Ma Jou, ananga gena-ge 'aḏi bara'utungu.” Ma Ngagara 'Ofi-'Ofi 'i kanau, “Tero mode'e, ananga 'aḏi munara kangela riwara sababu tantu ḏua ananga ḏuanga i'a sanga manga ngogele.”