Filipi 1:20 - Jaji ma Su-sungi

²⁰ 'Oru ga'a ngoi to nyafusu re to masingano-nganono mode-mode'e mangale soi moi i'a mai ua, ngoi ḏuanga i'a to simara'a Yesus 'ai lomanga sababu 'ari munara. Siḏibo ḏi'i, ngoi lato nau'u di'a to kanau kama mojongo ua. Dadi ma tero sa'olo ngoi to si'a'a toma mulaingi singadolo 'orasa nange-ne, ngoi ḏuanga i'a to silamo'o Kristus tau-taunu, bae 'i sijumu tari 'ahu ma duhu bolo tari sengene ma duhu.

Filipi 1:20 Iomraidhean Croise

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

Yesus 'ai so-soma'a 21:13

Mada'a 'a Paulus 'o sangoro, “I'a sa'olo ngini ni 'aḏi? Awa na sikangela 'ari 'akala re sinyingara! Ngoi ḏuanga i'a pa'i 'aḏi cako'o ḇato ua; mada'a ri sengene ḏi'i mai to nyengara toma limau Yerusalem sababu ngoi to mete'e Ma Jou Yesus 'ai 'akala ma mau.”

Yesus 'ai so-soma'a 4:31

Ananga 'aḏi manyiata togumu i'a, ngi'i gena-ge 'i elala. Re ananga mo-moini Ma Ngagara 'Ofi-'Ofi ya'u ḏegoro re ananga 'aḏi singadolo Ma Jou'ongu Madutu 'ai demo kama mojongo ua.

Roma 12:1

Ioronongoḏu ngo-ngaku rimoi, Ma Jou'ongu Madutu 'o sijumu 'Ai 'akala re sinyingara ma la-la ra ngene. Sababu gena-ge, ngoi to golo'o mode-mode'e ra ngini mangale ngini ni pula'a ninga 'ahu ma tero sa'olo jou-jou ga'a 'ahu moju; pa'i 'ahu di'a Unanga ḇato re di'a sisanangi Unanga 'ai 'akala re sinyingara. Gena-ge ngo'omo rimoi di'a patasa silamo'o re siḏubuso Unanga.

Roma 5:5

Reo ngo-nganono ma duhu so'o gena-ge, ḏuanga i'a nanga 'akala re sinyingara 'i rapo'o ua, sababu Ma Jou'ongu Madutu 'o sitotomo 'Ai jaji ra ngene. Ngene rewo waro gena-ge sababu Ma Ngagara 'Ofi-'Ofi ga'a Unanga ro pula'a ra ngene, Enanga 'i siromanga nanga 'akala re sinyingara Rai dadalara.

Roma 6:13

Awa ni sidoa'a moju ninga lese ma bageanga rimoi i'a toma ḏosa ma kuasa, di'a 'i 'a'a 'ori i'a ma jira. Mada'a siḏibo ḏi'i, ngini balasu ni sidoa'a ninga 'ahu ra Ma Jou'ongu Madutu sa'olo ngowa'a ga'a raḏi bebasa toma sengene re raḏi sanga 'ahu su-sungi. Ni sidoa'a ninga lese ma bageanga mo-moini ra Ma Jou'ongu Madutu, la Unanga nu pake di'a 'a'a 'ori i'a ga'a loasa re banari,

Roma 6:19

Ngoi reto pula'a nana'o gena-ge mangale ngowa'a budaka sababu ngini nga'unu na sahe nyangu do-doto'o banari gena-ge. Ma siḏa, ngini sidoa'a ninga lese ma bageanga sa'olo budaka toma ḏosa: Ngini ni mete'e ninga nyafusu ma faja re ma jira, singadolo ninga tabeata 'i dadi cira madutu. So'o gena ḏi'i nange-ne ngini balasu sidoa'a ḏi'i ninga lese ma bageanga sa'olo budaka ra Ma Jou'ongu Madutu, la ngini ni 'a'a ga'a loasa re banari singadolo ninga tabeata 'i dadi 'ofi-'ofi.

Roma 8:19

'Oru ḇato Ma Jou'ongu Madutu 'ai do-dadi toma dungia nena-ne ma dara, enanga mo-moini 'i totoma re 'i ga-ganutu madutu di'a Unanga 'o sijumu 'Ai ngowa-ngowa'a nau'u.

Roma 9:33

Mangale Maḏi gena-ge toma Boku 'Ofi-'Ofi, Ma Jou'ongu Madutu 'o kanau so'o ne: “Ni totoho la-la ne: Toma Sion, Ngoi to sigae maḏi rimoi, enanga gena-ge si'a'a ngowa'a 'aḏi pele'e. re toma maḏi gena-ge ngowa'a 'aḏi masiruba. Mada'a 'a guna ḇato 'ai ngo-ngaku ra Unanga, ananga manga 'akala re sinyingara 'i rapo'o ua.”

1 Korintus 15:31

Ioronongoḏu ngo-ngaku rimoi! Wangere ma jelele i'a, ngoi to basono bahala ga'a nyengara 'i sigasa ngoi toma sengene — ngoi to sa-sakala ua! Ngoi to sa-sakala ua ḏi'i na'o ngoi to kanau ngoi to matoro sababu ngini reni ngaku 'a Kristus Yesus, nanga Jou.

1 Korintus 6:20

sababu Ma Jou'ongu Madutu ra tuusu re ra fangu di'a ngini. Sababu gena-ge, ngini ni pake ninga lese di'a silamo'o Ma Jou'ongu Madutu.

1 Korintus 7:34

singadolo ananga manga fikirana 'i sasalanga: ananga mau 'aḏi sisanangi Ma Jou'ongu Madutu re manga were'a ḏi'i. We-were'a kamanga nau'u ua bolo mosolese molo'ara ua, ananga gena-ge nyengara 'aḏi mafikiri pa'i Ma Jou 'ai mau-mau ḇato: Ma duhu sa'olo 'aḏi de-de'oso ti-tiai Ma Jou remanga lese re remanga 'akala re sinyingara. Mada'a we-were'a ga'a remanga nau'u, ananga 'aḏi mafikiri lai repe mangale manga 'ahu ḏi'i: Ma duhu sa'olo 'aḏi sisanangi 'ami nau'u 'ai 'akala re sinyingara.

2 Korintus 10:8

Kalaha ngoi to mahie mangale kuasa ga'a Kristus ro pula'a ra ngomi, ngoi to mara'a ua sababu kuasa gena-ge di'a ta site'e ninga ngo-ngaku, ta siwejere ua ninga ngo-ngaku.

2 Korintus 3:12

Dadi sababu ngomi minga ngo-nganono toma jaji ma su-sungi, ngomi mi nau'u di'a mi sirera re siwalata habari mangale jaji ma su-sungi gena-ge.

2 Korintus 4:10

Wakutu ngomi mi tagi toma ngi'i le'a ḇato, ma waro 'age rema ngowa'a mau 'aḏi sisengene ngomi, ma tero sa'olo ngowa'a mau 'aḏi sisengene Yesus. Enanga so'o gena, la ngowa'a ya oḏi'i Yesus mode-mode'e 'o 'ahu taminga 'ahu ma dara.

2 Korintus 5:15

Gena-ge ma ngale: Kristus ro sengene di'a 'o tuusu ngowa'a mo-moini, la ngowa'a 'aḏi 'ahu di'a pa'i 'aḏi sisanangi manga 'akala re sinyingara ḇato ua, mada'a di'a 'aḏi sisanangi Unanga 'ai 'akala re sinyingara. Unanga gena-ge ga'a Ro sengene, dadunu Ro 'ahu moju di'a ananga.

2 Korintus 7:14

Ngoi reto sitoro mangale ngini ra Titus, re ngoi to sanangi sababu ngini ni pula'a mara'a ngoi ua. 'Oru ga'a ngomi mi kanau ra ngini mo-moini, gena-ge 'i banari. So'o gena ḏi'i, 'oru ga'a ngomi sitoro mangale ngini ra Titus, ma nyonyata 'i banari ḏi'i.

2 Korintus 7:4

Ngoi to basono to nyengara to kanau ta sitaḇela'a i'a ra ngini. Ngoi to sitoro mode-mode'e ngini. Kalaha ngomi ma sanga susa re sangisara lai repe, ngini ni babata ngomi. Re ngomi minga 'akala re sinyingara 'i romanga reo roanga sababu ngini.

Filipi 1:14

Re ḏi'i sababu ngoi to osama bui, ngowa'a repe raḏi ngaku Yesus toma limau gena-ge ananga lebe repe manga ngo-ngaku lebe te'e, singadolo ananga ganapu nau'u di'a singadolo Ma Jou'ongu Madutu 'ai demo kamanga mojongo ua.

Filipi 2:17

Ngowa'a ḏa 'aḏi sisengene ngoi re 'ari ngaunu 'i dadi ma tero sa'olo 'anggur di'a jou-jou ra Ma Jou'ongu Madutu. 'Anggur di'a jou-jou gena-ge ga'a enanga ya siajala toma jou-jou haiwani ma re'u. Haiwani di'a jou-jou gena-ge ma tero sa'olo ninga munara di'a Ma Jou'ongu Madutu sababu ngini ninga ngo-ngaku. Na'o 'i dadi so'o gena, ngoi to sibere ie 'ari 'akala re sinyingara re to maroanga mamete'e ra ngini.

Kolose 1:24

Nange-ne, ngoi to sanangi to sanga sangisara di'a ngini ninga la. Sababu so'o gena-ge, ngoi ta sitotomo 'oru ga'a Kristus 'o siwatasa ra ngoi. Gena-ge ngoi balasu to sangisara di'a jama'ata manga la. Jama'ata gena-ge ma tero sa'olo Kristus 'ai lese.

1 Tesalonika 5:23

Ngomi manyiata ra Ma Jou'ongu Madutu, ga'a 'O sipula'a dame ra ngene, mangale Unanga masiretene 'O sidadi ngini mode-mode'e sa'olo 'Ai ngowa'a 'ofi-'ofi: bae ninga nyawa, ninga 'akala re sinyingara re ninga de'oso re ḏegoro kama rapu ua singadolo nanga Jou Yesus Kristus dadunu 'o sapolo moju.

1 Petrus 4:16

Mada'a ni mara'a awa na'o ngini ni sangisara sababu ngini ngowa'a Kristen. Siḏibo ḏi'i, ngini ni sibere ie murasa ma la ra Ma Jou'ongu Madutu sababu ngini reni dadi mode-mode'e ngowa'a ngaku Yesus.

1 Yohanes 2:28

Sababu gena-ge, 'ari ngowa-ngowa'a ni 'ahu marimoi tau-taunu ra Kristus. Dadi ḏuanga i'a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara'a ua.