Filipi 1:18 - Jaji ma Su-sungi

¹⁸ Mada'a ananga gena-ge 'aḏi rapu: 'Oru ua ra ngoi! Bae ya si'a'a remanga 'ulungu 'ofi-'ofi bolo ya si'a'a remanga 'ulungu ma jira ra ngoi. Enanga lebe la-lamo'o i'a ngowa'a 'aḏi singadolo mangale Kristus. Sababu gena-ge, nange-ne ngoi to maroanga re ḏuanga i'a to maroanga tau-taunu.

Filipi 1:18 Iomraidhean Croise

Matias 23:13

“Bahala ra ngini guru-guru 'agama re ngowa-ngowa'a Farisi! Ngini, ngowa'a munafiki! Ngini ni simaha ua ngowa'a 'aḏi osama nyo-nyoimi toma Soroga ma Pareta. Ngini masiretene ni oḏu'u osama nyo-nyoimi toma Soroga ma Pareta, re ni dola'aku ngowa'a lelegu ga'a mau osama nyo-nyoimi toma Soroga ma Pareta. [

Markus 12:40

Ananga 'aḏi sihaga balo-balo, re ya'u ra-rabasa ananga manga 'ori i'a rana tamanga wala ma dara. Re ananga 'aḏi manyiata lai kiḏa-kiḏanga di'a ya damunu manga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ananga!”

Lukas 9:45

Mada'a Yesus 'ai me-mete'e ya sahe ua ma ngale Yesus 'ai demo-demo gena-ge. Demo-demo gena-ge 'i sigogono ra ananga, la ananga ya sahe awa. Mada'a ananga 'aḏi mojongo dadi ya sano ua ra Unanga.

Lukas 9:50

Yesus 'o kanau i'a ra ananga mo-moini, “Awa ni simaha ua unanga, sababu 'a guna ga'a lawana ngini ua, ananga 'aḏi marimoi ra ngini.”

Roma 3:9

Na'o so'o gena-ge, ra Ma Jou'ongu Madutu 'ai momina, ngene ngowa'a Yahudi nanga bai'i 'oru reo ngowa'a Yahudi ua?! So'o gena-ge ua! Ngoi reta siajele so'o ne: bae ngowa'a Yahudi, bae ngowa'a Yahudi ua, ngowa'a mo-moini ḏosa ya'u ḏegoro.

Roma 6:15

Na'o so'o gena-ge, 'oru ngene nyengara wo 'ahu 'a'a ḏosa moju sababu wo 'ahu mete'e Musa 'ai hukumu riwara, mada'a rewo 'ahu mete'e Ma Jou'ongu Madutu 'ai mura re dadalara?! Sanga ua!

1 Korintus 10:19

'Ari demo gena-ge ma maksudu 'oru: Jou'ongu ma somoara ma kuasa 'i cua. Re ngo-ngoromo ga'a sipula'a toma jou'ongu ma somoara, enanga gena-ge 'i sigasa bara'utungu ua!

1 Korintus 14:15

Dadi ngoi balasu to 'a'a 'oru?! Ngoi balasu to manyiata rari roh, re rari fikirana ḏi'i. Ngoi to manyanyi rari roh re rari fikirana ḏi'i.

1 Korintus 15:11

Sababu gena-ge, bae ngoi bae Yesus 'ai so-soma'a ma lelegu ga'a raḏi singadolo Habari Roanga ra ngini, 'oru ua! Enanga lebe la-lamo'o i'a nena-ne: ngomi mi singadolo Habari Roanga gena-ge re ngini rena ngaku.

Filipi 1:19

Sababu ngoi ta waro mangale ngoi ḏuanga i'a to sanga salamata sababu ngini ni manyiata di'a ngoi; re sababu ḏi'i ri-riono toma Ngagara 'Ofi-'Ofi ga'a ra Yesus Kristus.