Filipi 1:15 - Jaji ma Su-sungi

¹⁵ Tantu ḏua, 'age mamuni'a tamanga sigolona ananga ya singadolo mangale Kristus sababu manga 'akala ma go-goḏi re 'aḏi mau lawana ngoi. Mada'a 'age ma lelegu ananga 'aḏi singadolo remanga 'ulungu 'ofi-'ofi.

Filipi 1:15 Iomraidhean Croise

Matias 23:5

'Oru ḇato ga'a ananga ya si'a'a, enanga gena-ge di'a pa'i ngowa'a ya oḏi'i ḇato: Ananga 'aḏi mapake gumi ma nyiata ma ro-roata tamanga sae'e re giama re 'aḏi mapake juba ma renge-renge lai ki-kiḏanga.

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Yesus 'ai so-soma'a 11:20

Mada'a toma ngowa-ngowa'a ngaku Yesus gena-ge, 'age mamuni'a manga 'asala toma pulo Siprus re limau Kirene ino 'aḏi tagi ngadolo toma limau Antiokhia ḏi'i. Toma limau gena-ge ananga 'aḏi singadolo Habari Roanga mangale Yesus toma ngowa-ngowa'a Yahudi ua ḏi'i.

Yesus 'ai so-soma'a 5:42

Ma wangere ma jelele i'a, ananga 'aḏi doto'o re 'aḏi singadolo Habari Roanga tau-taunu mangale Yesus gena-ge 'O Kristus ra Ma Jou'ongu Madutu 'ai Wala ma soana re ngowa'a manga wala-wala.

Yesus 'ai so-soma'a 8:35

Ḏua 'a Filipus 'o mulaingi kanau, pake bu-bula'a—bu-bula'a gena-ge ra Yesaya 'ai boku, la 'o singadolo Habari Roanga mangale Yesus toma ngowa'a Etiopia gena-ge.

Yesus 'ai so-soma'a 8:5

'A Filipus, unanga ngowa'a ngaku Yesus, 'o wiḏi ḏi'i sisoi'i tala limau Yerusalem. Unanga 'o tagi toma limau Samaria 'o singadolo Habari Roanga mangale Yesus gena-ge 'O Kristus.

Yesus 'ai so-soma'a 9:20

Wakutu Saulus 'o tegoro toma limau Damsyik, unanga 'o osama toma wala-wala puji re 'o singadolo mangale Yesus gena-ge Ma Jou'ongu Madutu 'ai Ngowa'a Nau'u.

Roma 2:8

Mada'a 'age ngowa'a lelegu ga'a 'aḏi mete'e manga mau masiretene singadolo ananga gena-ge dawongo ua Ma Jou'ongu Madutu 'ai ba-banari re 'aḏi madaga'a 'ori i'a ma jira. Ananga gena-ge ḏuanga i'a sanga duruta ra Ma Jou'ongu Madutu tala.

1 Korintus 1:23

Mada'a ngene, pa'i wo singadolo habari mangale Kristus ga'a 'O sengene toma salib di'a 'O sisalamata ngene. Habari gena-ge ya siruwahe ngowa'a Yahudi manga rorasa. Re ngowa-ngowa'a Yahudi ua 'aḏi ta'ajiri habari gena-ge 'ori i'a ma haga.

1 Korintus 13:3

Si'ade-'ade i'a 'ari 'ori i'a rana mo-moini ta sibalangu di'a ngowa'a ma dinga'unu ua re to pula'a 'ari lese di'a ngowa'a ya tau'u sababu ngoi to mete'e Yesus. Mada'a 'ari dadalara di'a ngowa'a lelegu 'i cua, mo-moini gena-ge ma faeda ri cua.

2 Korintus 1:19

Ngoi, 'a Timotius re 'a Silas, ngomi mi singadolo habari mangale Yesus Kristus, Ma Jou'ongu Madutu 'ai Ngowa'a Nau'u, taninga sigolona. Ngomi mi siajele ra ngini mangale, 'oru ḇato Yesus Kristus 'o siajele; Unanga 'a si'a'a! Soi moi nyangu Unanga 'o siajele, “Ya, ngoi ḏuanga i'a ta si'a'a 'ori i'a,” mada'a Unanga 'a si'a'a ua gena-ge.

2 Korintus 11:13

Ngowa-ngowa'a so'o gena-ge rasul-rasul sa-sakala. Ananga ngowa-ngowa'a munara ga'a pa'i 'aḏi taḏusu ngowa'a manga la'o ḇato re 'aḏi matuhu ḇato sa'olo Yesus 'ai so-soma'a.

2 Korintus 12:20

Ngoi to dodato na'o ḏuanga i'a ngoi tini tutumu, ngoi to sanga i'a ngini, ma tero ua ga'a ngoi to masinganono. So'o gena ḏi'i, wakutu ngini ma'u sanga ra ngoi ma tero ua ga'a ngini masinganono. Ngoi to dodato ngoi to sanga ngini ma'u tolabe, ruta caiti i'a, 'akala go-goḏi, singa'unu 'ahu masiretene, ma'u fitana, ma'u sikanau, momole, re 'a'a kaco.

2 Korintus 4:5

Ngomi mi singadolo ra ngini mangale minga diri ua, mada'a mangale Yesus Kristus, Unanga gena-ge Ma Jou. Re ngomi mi de-de'oso ngini munara ma tero sa'olo ninga budaka di'a Unanga.

Galatia 2:4

Mada'a 'age mamuni'a 'aḏi mau Titus 'o sanga suna 'i mete'e Musa 'ai hukumu. Ananga gena-ge 'aḏi masa-sakala matuhu sa'olo ngowa'a ngaku Yesus. Ananga 'aḏi osama masigo-gogoro ra ngene nanga lo-lomu, sa'olo mata-mata. Ananga 'aḏi mau ngene wo maḏibo ḏuḏunu wo dadi Yahudi manga 'agama ma 'atoranga ma budaka. Mada'a ngene rewo sanga bebasa toma 'agama ma 'atoranga gena-ge, sababu ngene rewo marimoi ra Yesus Kristus.

Filipi 2:3

Awa ngini ni 'a'a 'ori i'a, la ngini ni mau dadi ngowa'a la-lamo'o, bolo la ngini nyengara ni matoro. Siḏibo ḏi'i, ngini matengo re matengo balasu ni siholo ninga 'akala re sinyingara re ni fikiri ngowa-ngowa'a lelegu lebe la-lamo'o i'a ra ngini.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.