Filipi 1:12 - Jaji ma Su-sungi

¹² Ioronongoḏu ngo-ngaku rimoi, ngoi to mau ngini ni waro mangale 'oru ga'a 'i dadi ḏua ra ngoi, gena-ge si'a'a ngowa'a lebe repe ya 'isene Habari Roanga ga'a ngoi ta singadolo.

Filipi 1:12 Iomraidhean Croise

Lukas 21:13

Gena-ge 'i dadi donga rimoi di'a ni singadolo Habari Roanga ra Ma Jou'ongu Madutu tala.

Yesus 'ai so-soma'a 8:4

Ngowa-ngowa'a ngaku Yesus ga'a 'aḏi wiḏi matai are gena-ge 'aḏi singadolo Habari Roanga ra Ma Jou'ongu Madutu ino toma ngi'i le'a bolo le'a.

Roma 8:28

Re ngene wa waro mangale mo-moini ga'a Ma Jou'ongu Madutu 'o 'aturu di'a ngene nanga la-la. Ngene gena-ge ga'a dadalara Unanga, re Unanga na 'aro'o mete'e Unanga 'ai 'akala ma mau.

Roma 8:37

Kalaha ngene wo sanga susa re sangisara mo-moini gena-ge, ngene wo 'utungu 'i ti-tiai sababu Unanga ga'a dadalara ngene.

Filipi 1:5

Ngoi to sibere ie 'ari murasa ma la ra Ma Jou'ongu Madutu, sababu toma mulaingi i'a moju singadolo nange-ne, ngini reni riono ngoi tau-taunu di'a sirera re siwalata Habari Roanga.

Filipi 1:7

Tero mode'e ngoi to basono maroanga ra ngini mo-moini. Sababu bae ngoi toma bui, bolo talaḏi toma juruhakimi di'a ngoi to sitarangi mangale i'a sa'olo ngoi to singadolo Habari Roanga re to sijumu habari gena-ge 'i banari, ngini mo-moini ni riono ngoi di'a to siḏagi 'ari munara ga'a Ma Jou'ongu Madutu 'o pula'a ra ngoi sababu 'Ai mura re dadalara. Sababu gena-ge, ngini ni tegoro tari 'akala re sinyingara ma dara.

Filipi 2:22

Ngini masiretene reni oḏi'i ḏua mangale Timotius unanga 'o munara cufala. Unanga gena-ge ro munara mode-mode'e mamete'e ra ngoi di'a singadolo Habari Roanga. Ngomi nga muḏiḏi ma tero sa'olo ḇaḇa re ngowa'a nau'u.

Filipi 4:15

Ioronongoḏu ngo-ngaku rimoi toma limau Filipi, ngini masiretene na waro, ma mulaingi wakutu ngoi tini sisoi'i tala daeraha Makedonia, pa'i ngini ḇato reni riono ngoi: Ngini ni pula'a pipisi ra ngoi, la ngoi nyengara to singadolo Habari Roanga toma ngowa'a lelegu.

Filipi 4:3

Ngoi to golo'o toma ḏagilomu munara matengo ga'a cufala munara no riono ananga we-were'a nga muḏiḏi gena-ge. Ananga raḏi munara mode-mode'e mamete'e ra ngoi, la Habari Roanga 'i rera re walata. Ananga gena-ge ma tero sa'olo 'a Klemen, re ngowa-ngowa'a lelegu raḏi munara mamete'e ra ngoi ga'a manga lomanga 'i silefo ḏua toma ngowa'a 'ahu-'ahu manga boku.

1 Timotius 2:8

Sababu gena-ge, le'a ḇato ngini malomu di'a ni silamo'o re siḏubuso Ma Jou'ongu Madutu, ngoi to golo'o 'o na-nau'u 'aḏi manyiata. Mada'a na-nau'u balasu manga 'ahu mete'e Ma Jou'ongu Madutu 'ai do-doto'o re wakutu ananga 'aḏi manyiata kamanga ruta ua, bolo kamanga gogono 'akala ua toma ngowa'a lelegu tamanga 'akala re sinyingara ma dara.

2 Timotius 2:9

Sababu gena-ge, ngoi to sanga sangisara singadolo to sanga lara sa'olo ngowa'a ma jira. Mada'a Ma Jou'ongu Madutu 'ai demo ya lara yoḏu'u.

2 Timotius 4:17

Mada'a Ma Jou'ongu Madutu 'o sieanga i'a ngoi ua, Unanga 'a site'e 'ari 'akala re sinyingara singadolo ngoi ta nga'unu ta singadolo Habari Roanga gena-ge, la ngowa'a Yahudi ua ya 'isene mo-moini. Re Ma Jou'ongu Madutu 'o silalo'o ngoi toma ngowa'a ma jira ga'a mau sisengene ngoi.