Filipi 1:11 - Jaji ma Su-sungi

¹¹ Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Filipi 1:11 Iomraidhean Croise

Matias 5:16

So'o gena ḏi'i, ninga ga'a ma la-la ga'a ma tero sa'olo tarangi, balasu na sijumu toma mandan, la ngowa'a ya oḏi'i kara 'aḏi puji re silamo'o nanga Ḇaḇa toma soroga.”

Yohanes 15:16

Ngini nena-ne ni cumutu Ngoi ua. Siḏibo ḏi'i, Ngoi nena-ne reto cumutu ngini ḏua, re Tini 'utusu ni tagi, la ninga sowo'o lai repe, re enanga gena-ge sowo'o kasingado-ngadolo i'a. Dadi 'oru ḇato ga'a ngini golo'o Tari Ḇaḇa ni pake 'Ari lomanga, ngini ḏuanga i'a ni sanga.

Yohanes 15:2

'Anggur ma umanga mo-moini ra Ngoi ga'a 'i sowo'o ua, wa tola'a. Re ma umanga mo-moini ga'a rema sowo'o, wa silagara, la 'i dadi 'ofi kara ma sowo'o ganapu repe.

Yohanes 15:8

Na'o ngini ninga sowo'o lai repe, 'Ari Ḇaḇa ngowa'a 'U silamo'o re ngini mode-mode'e ni dadi 'Ari me-mete'e.

Roma 15:28

Sababu gena-ge, si-siḏa ngoi balasu to siḏuanga 'ari munara gena-ge di'a to pula'a bu-bula'a ra ananga toma Yerusalem. Togumu i'a, ngoi to tagi toma Spanyol to tola'a i'a ngini ninga limau Roma.

Roma 6:22

Mada'a nange-ne, Ma Jou'ongu Madutu ro sibebasa ngini toma ḏosa ma kuasa, re ni dadi Ma Jou'ongu Madutu 'ai budaka. Dadi ma 'utungu so'o ne: Ngini ni 'ahu marimoi ra Ma Jou'ongu Madutu, re ma ḏo-ḏogumu tala sanga 'ahu kasingado-ngadolo i'a.

1 Korintus 10:31

Dadi, 'oru ḇato ngini ni 'a'a - ni oromo bolo ni ka'e - ni si'a'a mo-moini, la ngowa'a 'aḏi silamo'o Ma Jou'ongu Madutu 'ai lomanga.

2 Korintus 9:10

Ma Jou'ongu Madutu masiretene 'o pula'a gisisi di'a ngowa'a ga'a siare gisisi re ma hasili di'a ngene wa oromo. So'o gena ḏi'i, Unanga gena-ge 'o pula'a ra ngini 'ori i'a mo-moini ga'a ni paralu re 'a dogo pai-pai'i. Dadi ngini nyengara dogo ni pula'a bu-bula'a toma ngowa'a lelegu.

Efesus 1:12

Ma Jou'ongu Madutu 'o 'a'a so'o gena ra ngomi, ngowa'a Yahudi ga'a ngowa'a ma siḏa 'aḏi masinganono ra Kristus, la ngomi mi puji re silamo'o Unanga sababu 'Ai kabasarana.

Efesus 1:14

Ma Ngagara 'Ofi-'Ofi gena-ge 'i dadi bukiti tantu ḏua ngene ḏuanga i'a wo dawongo 'ori i'a mo-moini ga'a Ma Jou'ongu Madutu ro sijaji pasala ḏua. Ḏuanga i'a wakutu ma 'orasa 'i ngadolo, Ma Jou'ongu Madutu 'o sibebasa ngene mode-mode'e, sababu ngene Unanga 'ai 'umata. Sababu gena-ge, ino ngene wo puji re silamo'o Ma Jou'ongu Madutu sababu 'Ai kabasarana.

Efesus 2:10

sababu Ma Jou'ongu Madutu masiretene 'o 'a'a ngene manusia su-sungi wo marimoi ra Kristus Yesus. Ma Jou'ongu Madutu 'o tuhu ngene so'o gena-ge, la ngene nyengara wo 'a'a ga'a ma la-la, ga'a Unanga ra sidodahe di'a ngene.

Efesus 5:9

Sababu na'o ngini ni 'ahu toma tarangi gena-ge, ngini ḏuanga i'a madaga'a 'ori i'a la-la mo-moini re ninga de'oso re ḏegoro 'i boloto re banari ra Ma Jou'ongu Madutu 'ai momina.

Filipi 4:17

Ngoi 'ari maksudu ua, ngoi to nyafusu to dawongo ninga bu-bula'a! Mada'a ngoi to nyafusu Ma Jou'ongu Madutu 'o pula'a barakati 'i madogo-dogo ra ngini sababu ngini ni riono ngoi pasala ḏua.

Kolose 1:10

Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini.

Kolose 1:6

Habari Roanga gena-ge 'i singadolo ḏua toma dungia sitabi donga, singadolo ganapu dogo ngowa-ngowa'a ngaku Yesus re ya si'a'a tamanga de'oso re ḏegoro re demo re ganau 'i dadi la-la. So'o gena-ge ḏi'i, wakutu ngini reni 'isene, ngini ni ngaku Yesus re ni basono mode-mode'e Ma Jou'ongu Madutu 'ai mura re dadalara singadolo ninga de'oso re ḏegoro 'i dadi la-la.

2 Tesalonika 1:12

Ngomi mi manyiata so'o gena, la ngowa'a 'aḏi sihie-hie Ma Jou Yesus 'ai lomanga sababu ninga de'oso re ḏegoro so'o gena-ge. Re Unanga ḏi'i 'o sihie-hie ngini. Gena-ge 'i dadi, sababu nanga Jou'ongu Madutu, re nanga Jou Yesus Kristus, Ananga gena-ge manga mura re dadalara ra ngini.

Titus 3:14

Ngowa-ngowa'a ngaku Yesus, ngene balasu madoto'o 'a'a 'ori i'a ma la-la tau-taunu di'a siriono ngowa'a mete'e manga 'ahu ma paralu, la nanga 'ahu 'i parasaja awa.

'Ibrani 12:11

Wakutu Ma Jou'ongu Madutu 'o pake sangisara di'a doto'o ngene, nanga 'akala re sinyingara 'i sanangi ua sababu wo basono si-siḏi. Mada'a togumu i'a, ngene wo basono dame tananga 'akala re sinyingara re wo sijumu 'ahu loasa re banari.

1 Petrus 2:12

Ngini ninga de'oso re ḏegoro balasu rousu re banari toma ngowa-ngowa'a ga'a 'aḏi nana'o Ma Jou nyangu. Kalaha ananga gena-ge 'aḏi kalaki ngini sa'olo ngowa'a ga'a madaga'a jira, ananga ya oḏi'i masiretene ngini ninga ga'a ma la-la. Dadi ḏuanga i'a enanga ma wangere 'i ngadolo Ma Jou dadunu 'o sapolo moju, ananga gena-ge 'aḏi puji re silamo'o Ma Jou'ongu Madutu.

1 Petrus 2:5

Ngini ḏi'i ma tero sa'olo maḏi ga'a 'i 'ahu, ga'a Ma Jou'ongu Madutu 'a pake di'a 'a simomi'i 'ai jama'ata. Re Ma Jou'ongu Madutu masiretene 'o cumutu ngini ni dadi 'Ai 'imam-'imam di'a ni pula'a jou-jou ra Unanga. Re ngini ni pula'a ninga 'akala re sinyingara mete'e Ma Ngagara 'Ofi-'Ofi ma mau sa'olo ninga jou-jou ra Unanga. Ma Jou'ongu Madutu nyengara 'a dawongo jou-jou gena-ge, sababu 'oru ga'a Yesus Kristus 'a si'a'a pasala ḏua di'a ngini.

1 Petrus 2:9

Mada'a ngini ngowa-ngowa'a ga'a Ma Jou'ongu Madutu renu siwola i'a, re ngini ni dadi ma tero sa'olo 'Ai 'imam-'imam di'a munara ra Unanga sa'olo ninga 'Olana. Re ḏi'i, ngini ni dadi bangsa 'ofi-'ofi, re Unanga masiretene 'ai 'umata. Unanga 'o 'a'a so'o gena-ge, la ngini ni sihabari mangale 'Ai ga'a lai rousu. Unanga gena-ge ga'a 'O 'aro'o sisupu ngini toma hafu-hafu re 'O singosama ngini Tai tarangi ma dara ga'a ma pari cua.

1 Petrus 4:14

Na'o ngowa'a 'aḏi je-jengere ngini sababu ni mete'e Kristus, ngini ni bara'utungu. Enanga gena-ge 'i dadi nana'o rimoi mangale Ma Jou'ongu Madutu 'ai Ngagara 'Ofi-'Ofi ga'a mulia, enanga 'age 'i tegoro ra ngini.