Filipi 1:10 - Jaji ma Su-sungi

¹⁰ Ngoi 'ari go-golo'o so'o gena-ge, la ngini ni pili 'ori i'a ma la-la re ninga 'ahu 'i 'ofi-'ofi re kama sala ua singadolo toma wangere Kristus dadunu 'o sapolo moju.

Filipi 1:10 Iomraidhean Croise

Matias 16:23

Yesus 'o magelelo i'a ra Petrus re 'o kanau, “Tagi i'a da'a, 'Iblisi! Ngana no dola'aku Ngoi. 'Ani fikirana, gena-ge manusia manga fikirana, Ma Jou'ongu Madutu 'ai fikirana ua.”

Matias 26:33

Petrus 'o kanau ra Yesus, “Kalaha ananga mo-moini 'aḏi sisoi'i tala Jou, ngoi tini sisoi'i tala yoḏu'u!”

Yohanes 1:47

Wakutu Yesus 'o oḏi'i 'a Natanael ro sapolo, Unanga 'o kanau mangale 'a Natanael, “Oḏi'i unanga gena-ge ngowa'a Israel madutu kai sa-sakala ua.”

Yohanes 3:20

Ngowa'a mo-moini ga'a 'aḏi 'a'a kajahatana ananga 'aḏi emono tarangi. Re ananga gena-ge 'aḏi oḏu'u sapolo toma tarangi, la manga ga'a ma jira gena-ge, ngowa'a ya oḏi'i awa.

Yesus 'ai so-soma'a 24:16

Sababu gena-ge, ngoi to makutale madiga'a 'ori i'a la-la, la 'ari 'akala re sinyingara ma kanau 'i 'ofi-'ofi bae ra Ma Jou'ongu Madutu, bae ra ngene manusia matengo re matengo.

Roma 12:2

Ni mete'e ngowa'a manga tabeata rawara ga'a nana'o ua Ma Jou'ongu Madutu. Siḏibo ḏi'i, sieanga i'a Ma Jou'ongu Madutu 'o si'a'a ngini ninga fikirana su-sungi singadolo ninga tabeata 'i dadi su-sungi. Ḏua ngini nga'unu ni waro Ma Jou'ongu Madutu 'ai 'akala ma mau: 'oru 'i la-la, 'i ti-tiai re ḏi'i 'i sisanangi 'Ai 'akala re sinyingara.

Roma 12:9

Ngini balasu ni dadalara ngowa'a reninga 'akala re sinyingara mode-mode'e. Re ni emono 'oru ga'a 'i cira, ni macako'o namo-namoto toma 'oru ga'a 'i la-la.

Roma 16:17

Ioronongoḏu ngo-ngaku rimoi, ngoi to golo'o mode-mode'e ra ngini: Ni ma'istiari ino toma ngowa'a ga'a ma'u sabi ḏuḏunu re 'aḏi siruwahe ninga ngo-ngaku ra Ma Jou'ongu Madutu, sababu ananga gena-ge manga do-doto'o 'i ma'u rapu reo do-doto'o ga'a ngini na sanga ḏua. Dadi ni maki-kiḏanga ra ananga.

Roma 2:18

Ngini ga'a reni sanga do-doto'o mangale Musa 'ai hukumu singadolo ngini ni waro Ma Jou'ongu Madutu 'ai 'akala ma mau re ni waro 'ori i'a ga'a ma la-la re ma jira.

Roma 7:16

Mada'a, na'o ngoi to 'a'a 'ori i'a ga'a ngoi ta mau ua, gena-ge ma ngale ngoi ta 'akoru mangale Musa 'ai hukumu 'i la-la.

Roma 7:22

Kalaha 'ari 'akala re sinyingara ya nyafusu mete'e Ma Jou'ongu Madutu 'ai hukumu,

Roma 8:7

Ngowa'a ga'a manga 'ahu mete'e manusia ma tabeata baraḏosa, ngowa'a gena-ge 'o lawana Ma Jou'ongu Madutu, sababu ngowa'a gena-ge 'aḏi ta'aloko ua ra Ma Jou'ongu Madutu 'ai hukumu. Ma nyonyata, ananga gena-ge nga'unu ua ya ta'aloko!

1 Korintus 1:8

Ma Jou'ongu Madutu ḏuanga i'a 'o riono ngini di'a ni macako'o namo-namoto taninga ngo-ngaku singadolo dungia ma ḏo-ḏogumu, la toma 'orasa gena-ge nanga Jou Yesus Kristus dadunu 'o sapolo moju, ngini ninga de'oso re ḏegoro kama rapu ua.

1 Korintus 10:32

Awa ni 'a'a 'oru ḇato ga'a 'i si'a'a ngowa'a lelegu 'aḏi eta'a toma ḏosa; bae ngowa'a Yahudi, bae ngowa'a Yahudi ua, bolo ngowa-ngowa'a ra Ma Jou'ongu Madutu 'ai jama'ata.

1 Korintus 8:13

Sababu gena-ge, na'o ngo-ngoromo 'i si'a'a 'ari ioronongoḏu ngo-ngaku rimoi 'o eta'a toma ḏosa, ngoi to oromo haiwani ma la-la'eme riwara. Awa-awa unanga 'o baraḏosa sababu ngoi.

2 Korintus 1:12

Ngomi mi basono tala sanangi masala, sababu minga 'akala re sinyingara ma kanau 'i dadi minga sakisi mangale minga 'ahu ma duhu: Ngomi remi sijumu tau-taunu de'oso re ḏegoro 'ofi-'ofi reminga 'akala re sinyingara 'i ba-banari toma ngowa'a mo-moini, re la-lamo'o i'a ra ngini wakutu mi tegoro taninga sigolona pasala ḏua. 'Ahu ma duhu gena-ge 'i sisanangi Ma Jou'ongu Madutu 'ai 'akala re sinyingara. Re ḏi'i, ngomi minga de'oso re ḏegoro gena-ge 'i mete'e ua manusia manga 'akala ma soro'unu, mada'a 'i mete'e Ma Jou'ongu Madutu 'ai mura re dadalara ga'a 'O pula'a ra ngomi.

2 Korintus 2:17

Ngowa'a repe ya singadolo Ma Jou'ongu Madutu 'ai demo sababu ananga mau manga 'ahu pai-pai'i. Mada'a ngomi Ma Jou'ongu Madutu 'ai so-soma'a re mi marimoi ra Kristus, ngomi mi singadolo habari ra Ma Jou'ongu Madutu reminga 'akala re sinyingara bo-boloto re Ma Jou'ongu Madutu 'o dadi ngomi minga sakisi.

2 Korintus 6:3

Matengo i'a mai ua, ngomi mau mi siruwahe 'ai rorasa, dadi ngowa'a manga 'alasana 'i cua di'a 'aḏi sisala ngomi minga munara di'a Ma Jou'ongu Madutu. Sababu gena-ge, ngomi mi ma'istiari taminga de'oso re ḏegoro 'age 'ori i'a ceka'a i'a mai ua ga'a dola'aku ngowa'a manga ngo-ngaku.

2 Korintus 8:8

Gena-ge, ngoi to parenta ngini ua. Mada'a ngoi to siajele mangale jama'ata Makedonia manga bu-bula'a, la ngini ni sanga donga di'a mete'e bolo ua jama'ata gena-ge manga ga'a. Dadi ngoi to disa waro ngadolo le'a ngini ninga dadalara toma ngowa'a ngaku Yesus ma lelegu.

Galatia 5:11

Ioronongoḏu ngo-ngaku rimoi, mete'e 'oru ga'a ananga 'aḏi siajele mangale ngoi, ngoi to singadolo moju mangale ngowa'a balasu 'aḏi sanga suna! Tantu ḏua ananga gena-ge rapu. Re na'o so'o gena, i'a sa'olo ngoi to sanga sikisa moju?! Sababu ngoi to singadolo mangale pa'i Yesus 'ai se-sengene toma salib ḇato sidadi ngene ngowa'a kananga sala ua ra Ma Jou'ongu Madutu 'ai momina. Sababu habari gena-ge ngowa'a Yahudi 'aḏi emono ngoi, singadolo 'aḏi sisikisa ngoi.

Efesus 4:15

Siḏibo ḏi'i, ngene balasu kanau renanga 'akala re sinyingara 'i romanga reo dadalara mangale 'ori i'a ga'a banari. Dadi toma 'ori i'a mo-moini, ngene wo 'a'a lebe ti'ara lebe tiai, singadolo ngene wo dadi ma tero sa'olo Kristus. Unanga gena-ge ma tero sa'olo nanga sae'e.

Efesus 5:10

Ni makutale ni madaga'a 'oru ḇato ga'a sisanangi Ma Jou'ongu Madutu 'ai 'akala re sinyingara.

Efesus 5:27

Unanga 'o 'a'a gena-ge, la 'Ai jama'ata nyengara talaḏi ra Unanga 'ai biono sa'olo 'ofi-'ofi kamanga ḏosa ua; ma tero sa'olo mosolese mo madiai ro-rousu mo totoma 'ami tubaie di'a mo molo'ara.

Efesus 6:24

Ngoi to golo'o ra Ma Jou'ongu Madutu, la 'O sibarakati ngene mo-moini ga'a wo dadalara nanga Jou Yesus Kristus renanga dadalara kama sora ua.

Filipi 1:16

Ngowa'a gena-ge 'aḏi singadolo mangale Kristus sababu manga dadalara. Re ḏi'i sababu ananga ya waro mangale Ma Jou'ongu Madutu 'o siwatasa ngoi 'ane toma bui di'a to sibukiti mangale Habari Roanga gena-ge 'i banari.

Filipi 1:6

Ma Jou'ongu Madutu masiretene 'o mulaingi munara taninga sigolona. Re ngoi to ngaku mode-mode'e Ma Jou'ongu Madutu 'a siturusu munara la-la gena-ge singadolo siḏuanga toma wangere Kristus Yesus dadunu 'o sapolo moju.

1 Tesalonika 3:13

Ḏi'i, ngomi mi golo'o ra Unanga gena-ge mangale 'a site'e ninga 'akala re sinyingara, la ra Ma Jou'ongu Madutu nanga Ḇaḇa 'ai momina ngini ngowa'a 'ofi-'ofi re de'oso re ḏegoro ma rapu ua wakutu Ma Jou Yesus dadunu 'o sapolo moju mame-mete'e ngowa'a ga'a raḏi dadi Ma Jou'ongu Madutu 'ai ngowa-ngowa'a.

1 Tesalonika 5:21

Mada'a balasu ni tailako la-la, la ni waro habari gena-ge mode-mode'e toma Ngagara 'Ofi-'Ofi ino. Na'o so'o gena, balasu ni mete'e Ma Ngagara 'Ofi-'Ofi ma mau.

1 Tesalonika 5:23

Ngomi manyiata ra Ma Jou'ongu Madutu, ga'a 'O sipula'a dame ra ngene, mangale Unanga masiretene 'O sidadi ngini mode-mode'e sa'olo 'Ai ngowa'a 'ofi-'ofi: bae ninga nyawa, ninga 'akala re sinyingara re ninga de'oso re ḏegoro kama rapu ua singadolo nanga Jou Yesus Kristus dadunu 'o sapolo moju.

1 Yohanes 4:1

Ioronongoḏu ngo-ngaku rimoi ga'a ngoi tunu dadalara, awa ngini cautu i'a ni ngaku ngowa'a ga'a 'aḏi aje remanga Roh ra Ma Jou'ongu Madutu tala. Mada'a ngini siḏa-siḏa ni disa waro, roh gena-ge ma 'asala ra Ma Jou'ongu Madutu tala, bolo ua. Sababu nange-ne nabi-nabi sa-sakala manga repe toma dungia sitabi donga.

Tingoýi 2:2

Ngoi reto waro mangale ngini ninga de'oso re ḏegoro: Ngini ni cufala munara re ni tahana wakutu ni sanga sikisa re sangisara sababu ninga ngo-ngaku ra Ngoi. Ngoi to waro ḏi'i ngini ni dawongo ua ngowa'a ma jira re ngini ni tai'i ngowa'a ga'a 'aḏi madadi sa'olo 'Ari so-soma'a, mada'a so'o gena-ge ua, ananga gena-ge ngowa'a sa-sakala ḇato.