Filemon 1:7 - Jaji ma Su-sungi

⁷ Dowara Filemon, 'ani dadalara ra Ma Jou'ongu Madutu 'ai 'umata mo-moini, enanga gena-ge 'i dadi roanga masala ra ngoi, re 'i pula'a babata ra ngoi ḏi'i. Sababu dowara, ngana no pula'a babata ra Ma Jou'ongu Madutu 'ai 'umata manga 'akala re sinyingara.

Filemon 1:7 Iomraidhean Croise

1 Korintus 16:18

Ananga 'aḏi 'a'a ngoi 'ari 'akala re sinyingara 'i maroanga ma tero sa'olo ananga 'aḏi 'a'a ngini ninga 'akala re sinyingara 'i maroanga ḏi'i. Ngowa-ngowa'a ma tero ananga, ngene balasu wa'u silamo'o.

2 Korintus 7:13

Sababu gena-ge, ngomi ma basono mi sanga babata. Sidogo ḏi'i, ngomi mi oḏi'i 'a Titus 'o maroanga sababu ngini mo-moini ga'a reni babata 'ai 'akala re sinyingara.

2 Korintus 7:4

Ngoi to basono to nyengara to kanau ta sitaḇela'a i'a ra ngini. Ngoi to sitoro mode-mode'e ngini. Kalaha ngomi ma sanga susa re sangisara lai repe, ngini ni babata ngomi. Re ngomi minga 'akala re sinyingara 'i romanga reo roanga sababu ngini.

1 Tesalonika 2:13

'Age fara moi moju 'i si'a'a ngomi mi sibere ie minga murasa ma la tau-taunu ra Ma Jou'ongu Madutu, sababu wakutu ngomi mi singadolo habari ra Ma Jou'ongu Madutu ino, ngini ni 'isene re ni ngaku habari gena-ge ma tero ua manusia manga demo, mada'a sa'olo demo ra Ma Jou'ongu Madutu ino, ga'a 'i banari. Unanga 'o munara tau-taunu sipake habari gena-ge taninga 'akala re sinyingara ma dara, ngini gena-ge ga'a reni ngaku Kristus.

1 Tesalonika 2:19

Ngomi mi mau tutumu ngini sababu ngini ni macako'o namo-namoto ra Yesus. Sababu gena-ge, ngini gena-ge ngomi minga ngo-nganono re ni si'a'a ngomi maroanga. Re wakutu Ma Jou Yesus dadunu 'o sapolo moju re ngene wo talaḏi Unanga, ngini ni dadi ngomi minga biono gau'u.

1 Tesalonika 3:9

Sababu gena-ge, wakutu ngomi mi manyiata, ngomi mabalasa ma nga'unu ua remi pula'a murasa ma la ra Ma Jou'ongu Madutu, sababu ma basono roanga re monere, sababu ngini.

2 Timotius 1:16

Ngoi to golo'o Ma Jou'ongu Madutu 'a sijumu 'Ai 'akala re sinyingara ma la-la ra Onisiforus 'ai ngitu re ngale, sababu wakutu 'a Onisiforus 'o sapolo toma limau Roma, unanga 'o disa ngoi tau-taunu singadolo mi ma'u sanga. Re kalaha ngoi toma bui ma dara, Onisiforus 'o mara'a ua 'o tutumu ngoi tau-taunu re 'o sisanangi 'ari 'akala re sinyingara.

Filemon 1:20

Sababu gena-ge, ngoi to nyafusu ngana no riono ngoi pa'i sababu ngene wo gia nongoḏu ra Ma Jou ḇato. Dadi ngana dadunu no dawongo Onesimus, la sisanangi 'ari 'akala re sinyingara.

2 Yohanes 1:4

Ngoi to maroanga masala wakutu to sanga waro, ngina 'ami ngowa-ngowa'a mamuni'a manga 'ahu mete'e Ma Jou'ongu Madutu 'ai do-doto'o 'i banari. Do-doto'o gena-ge ma tero Ma Jou'ongu Madutu ro soma'a ngene wa mete'e.