Filemon 1:16 - Jaji ma Su-sungi

¹⁶ Nange-ne, unanga 'o dadi pa'i budaka ḇato ua ra ngana, mada'a lebe la-lamo'o i'a ḏi'i 'o dadi ioronongoḏu ngo-ngaku rimoi ga'a ngana ḏuanga i'a no dadalara. Ngoi to dadalara masala unanga. Tantu ḏua ngana ḏuanga i'a lebe dadalara sa'olo 'ani budaka re sababu unanga gena-ge ro dadi gia nongoḏu ra Ma Jou.

Filemon 1:16 Iomraidhean Croise

Matias 23:8

Mada'a ngini awa simaha ngowa'a nu'u si'aro'o ngini re nu'u 'aro'o ngini ‘Guru’. Sababu ninga Guru pa'i matengo ḇato, re ngini mo-moini ni ioronongoḏu ngo-ngaku rimoi.

Yesus 'ai so-soma'a 9:17

Dadi, Ananias 'o tagi re 'o osama toma wala ma dara gena-ge re 'a siteru 'ai giama ra Saulus. Unanga 'o kanau, “Saulus 'ari dowara, ngana no oḏi'i Ma Jou Yesus toma ngo'omo ma golona wakutu no tagi ino 'ane. Unanga gena-ge 'o soma'a ngoi to sapolo ra ngana, la no oḏi'i moju re ngana Ma Ngagara 'Ofi-'Ofi ni ḏegoro.”

1 Korintus 7:22

Sababu na'o ngini ngowa'a budaka wakutu ni sanga 'aro'o ni dadi Unanga 'ai ngowa-ngowa'a, ngini reni dadi ngowa'a bebasa toma ḏosa ma kuasa. So'o gena-ge ḏi'i, ngini ngowa'a bebasa wakutu ni sanga 'aro'o ni dadi Unanga 'ai ngowa-ngowa'a, ngini reni dadi Kristus 'ai budaka.

Kolose 3:22

Ngini ngowa'a budaka-budaka! Toma 'oru ḇato, ngini balasu ni isene ninga tuanga toma dungia nena-ne manga demo-demo. Awa pa'i tamanga biono ḇato di'a mau sanga sitoro. Mada'a ngini balasu ni isene reninga 'akala re sinyingara mode-mode'e ninga tuanga 'ai parenta, sababu ni mau silamo'o Ma Jou.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.