Filemon 1:10 - Jaji ma Su-sungi

¹⁰ Ngoi, Paulus to singadolo 'ari go-golo'o ra ngana dowara, mangale 'a Onesimus ga'a ma tero sa'olo 'ari ngowa'a, sababu unanga ro ngaku Habari Roanga ga'a ngoi to siajele ra unanga. Dadi toma bui ma dara, ngoi to dadi ma tero sa'olo unanga 'ai ḇaḇa.

Filemon 1:10 Iomraidhean Croise

Markus 9:17

Toma ngowa'a repe manga sigolona, 'age rema ngowa'a matengo 'o masiajele, “Guru, ngoi to gasa 'ari ngowa'a ra Guru. Unanga 'o mou sababu 'o roh ma jira 'u dungosama.

Roma 12:1

Ioronongoḏu ngo-ngaku rimoi, Ma Jou'ongu Madutu 'o sijumu 'Ai 'akala re sinyingara ma la-la ra ngene. Sababu gena-ge, ngoi to golo'o mode-mode'e ra ngini mangale ngini ni pula'a ninga 'ahu ma tero sa'olo jou-jou ga'a 'ahu moju; pa'i 'ahu di'a Unanga ḇato re di'a sisanangi Unanga 'ai 'akala re sinyingara. Gena-ge ngo'omo rimoi di'a patasa silamo'o re siḏubuso Unanga.

1 Korintus 4:14

Ngoi to lefo surata nena-ne di'a tini sipula'a mara'a ngini ua, mada'a di'a to ḇangata ngini ma tero sa'olo ngoi 'ari ngowa'a masiretene.

1 Korintus 4:15

Kalaha taninga 'ahu, guru manga repe ḏua 'aḏi sijumu duhu sa'olo ni mete'e 'a Kristus, mada'a ngini ninga ḇaḇa, pa'i matengo ḇato. Mangale ninga 'ahu marimoi ra Kristus, ngoi nena-ne to dadi sa'olo ngini ninga ḇaḇa sababu ngoi ma siḏa to singadolo Habari Roanga ra ngini, ga'a ngini reni ngaku.

Galatia 4:19

'Ari ngowa-ngowa'a ga'a tunu dadalara, 'orasa nange-ne ngoi to basono kangela ma tero sa'olo we-were'a matengo mo basono sangisara sa'i mo maḏe-ḏegoro i'a. Ngoi ḏuanga i'a ta basono kangela, singadolo Kristus 'ai de'oso re ḏegoro ri konyo tiai taninga 'akala re sinyingara ma dara.

Kolose 4:9

Onesimus ḏuanga i'a 'o mamete'e ra Tikhikus, 'aḏi tagi toma Kolose. Onesimus, unanga ngowa'a Kolose re 'o cufala mete'e Yesus re ngomi mu dadalara. Ananga gena-ge ḏuanga i'a 'aḏi siajele mangale 'oru ḇato ga'a ri dadi tari ngi'i.

Titus 1:4

Titus, ngana ma tero sa'olo 'ari ngowa'a nau'u, sababu ngana re ngoi nanga ngo-ngaku 'i ma tero ra Kristus. Ngoi to golo'o ra Ma Jou'ongu Madutu nanga Ḇaḇa, re Yesus Kristus nanga Salamata ma Cimi di'a 'aḏi pula'a mura re dadalara re pula'a ḏi'i dame tau-taunu ra ngana.

Filemon 1:11

'Au nga'ene, unanga gena-ge kai faeda cua ra ngana. Mada'a nange-ne unanga rai faeda; pa'i ra ngoi ḇato ua, mada'a ra ngana ḏi'i.

Filemon 1:13

Enanga ma banari nena-ne: Ngoi mau to tahana unanga mamete'e ra ngoi sa'olo ngana ni nga-ngali, la unanga nga'unu 'o riono ngoi ma di'ara to sanga tahana toma bui ma dara, sababu to singadolo Ma Jou'ongu Madutu 'ai Habari Roanga.

3 Yohanes 1:4

Ta site-tero reo 'ori i'a i'a yoḏu'u 'ari roanga nena-ne, wakutu to 'isene mangale 'ari ngowa'a ngaku Yesus 'aḏi 'ahu mete'e Ma Jou'ongu Madutu 'ai do-doto'o banari.