1 Ve yulu vane, Sesu ayendenge mu mavule ne mu miimbu. Aloonzenge musamu wumunyi wu Bufumu bu Nzambi. Digumi ne babeyi di bayikitsi baandi, babile naandi.
Te mwaane abangugunge ne dinyunyi dyandi diboonga ngudi, ne atsagelenge ke gu bitsiige bi yigaangi kwanga ne mu wisi wu supugu yandi muloonze batu ba Israel.
Wisi wumoosi, Sesu aloonzenge batu gu Ndagu Nzambi mu dyaambu di musamu wumunyi. Bivuunde bi baveegitsi ba malagu ne bateenditsi ba migage ne bivuunde bi Basifu batsoombugu.
«Dinyunyi di Fumu diyi mu me, mumbare asoole me muyende guloonze tsaangu yiyinyi gu masaandi. Asindige me muyambile bisi tsugu re yenu dimayobugu, ne gu bange pafu re miisu menu mamabalugu, asindige me muyobule babagoneritsugu maguge.