Luke 3:11 - Sangu: Isangu (snq) NT

¹¹ Ayagule yawu re: «Mutu wukebile ne mangoyi mabeyi aveegi dimoosi gu wugabile ne dyo, wotsu wune kure, aveegi wugabile ne yo.»

Luke 3:11 Iomraidhean Croise

Luke 11:41

Kagu dyaambu dingyenze diwuvage nde wuveege masaandi bi gugare bipele byenu, kere vane byootsu mu yenu bikebile bireele.

Luke 18:22

Ve mane yandi wuyulu mikalu myene, Sesu ayambile yandi re: «Yimebesaale ne dyaambu dimoosi di wuvage: Suumbise byootsu bi nagu, ne gabile badole bakedile yu gu masaandi, ne vane yigudile busine gu yulu. Kere vane ruge, laande me.»

Luke 19:8

Ve pule yawu gu ndagu, Sasé ateleme ve wusu Fumu ne ayambile yandi re: «Fumu magupase busine bwami ve time muveege masaandi ne ga maboongile mutu badole tsi vyogilile, magugabusile yandi makabu mamane vuvyogilile.»

Bisalu bi Bakime 10:2

Mutu wene alaandenge Nzambi Basifu agobisenge yandi ne murime wandi wotsu, yane mbubyandi yotsu. Avure yamunenge masaandi ma yitsuku gi Basifu ne asaambilenge Nzambi makyesi mootsu.

Bisalu bi Bakime 10:31

ne ayambile me re: “Korneye, Nzambi atseyulu disaambulu dyagu, atsebangule manzolu maveegenge yu masaandi.

Bisalu bi Bakime 10:4

Amonige kime yulu nuregeme ne ayambile yandi re: «Gu nde tsenyi, Fumu?» Kime yulu ayagule yandi re: «Masaambulu magu ne manyi matsevagilenge yu masaandi matsesiingu ne Nzambi, mu dyo atsebangule yu.