Filemoni 1:2 - Siani Komongu

² Kamoki, mono lemonate Apiyaki, lono koinatefo Akipusi, ido numugau ya monolo mau wi-wi amo wenena muki yaki eyalo.

Siane Lambau

² Hemogi, mono lemonate Apiyaki, onona hounatefo Akipusi, ido numunakau ya monolo nuba o-o abo wenina muki yagi walo.

Filemoni 1:2 Iomraidhean Croise

Lomu 16:1

Ena mono atetefo Fibi ya Senkilia numudoka monolo mau wi-wi amo wenena kouba-naba o gede-gede imo wena minami yakafo namoki ido mono wenenala muki ade olu faka limo wenama nenako, yamu linatedoka enaido ya Wekola lulau mino edeti felegaga wenena mona melefe lo gedenawamo mona ya mele edeti amoki koina witi, ya neta mamu kolinami ya ana olu faka lalo, loto kuliya ido monala etito oloto pi gimowe.

Lomu 16:5

Ido lele ya numunigu monolo mau wi-wi amo wenena muki yaki aiyo-koiyo ka fulo gedomo ya logimalo. Ena sene-mulune umomo we Epainetusi yaki aiyo-koiyo ka fulo edomo ya loumalo. Amo ya Esia ebalo Kilisto koli kikito umamo wenena yauti kana apito koli kikito umami we ya minaiye.

1 Kolinti 16:19

Ena Esia mikalo numudo-namado monolo mau wi-wi amo wenena yate linate aiyo-koiyo ka fulo gede minae. Ido Akuilate olonafo Pilisilate Wekola lulau mino edeti aiyo-koiyo ka auma witi fulo gede minaiye. Ido lele ya numunigu monolo mau wi-wi amo wenena muki yate aiyo-koiyo ka ya linate fulo gede minae.

Filipai 2:25

Ido oiya eti-mati ya mono koinatefo Epafoloditusi ya linatedoka itibito ilifi melenae, loto auma wito kolowe. Amo ya namoki lakoina mono lono olomi we, ido mono ka kuwolafo fina fi umomi we ya linate yate namodoka ilifi melato, amokafo keina kolodo ya ane olu faka loto minami we ne.

Kolosi 4:15

Ena lamo ya mono wenenate Laodisia numudo minamo ya aiyo-koiyo ka fulo gedonimo ya linate logimalo. Ido mono wena Nimifa, ido numunau monolo mau wi-wi amo wenena yaki ayaidana oto aiyo-koiyo ka fulo gedonimo ya logimalo.

Kolosi 4:17

Ena Akipusi ya Wekola lulau mino edanimo yamu mono lono komami ya kofe loto monito, aya lonowa ya olu fuli lo, loti loumalo.