Lucas 5:5 - Siona

⁵ Caguëna, Simonbi sehuobi: —Ëjaguë, yëquënabi yure ñami hua'ire yojën ñata hua'nata'an, ro hua'i beo hua'na raë'ë. Ja'nca ba'iyeta'an, më'ëbi guanseguëna, huanterëte se'e senjoni, ëñana'a, cabi.

Lucas 5:5 Iomraidhean Croise

Lucas 17:13

baguëni si'a jëja güijën cahuë: —Ëjaguë Jesús, yëquënani oireba oiguë conjë'ën güijën cahuë.

Lucas 8:24

Jesusni sëtoni cahuë: —Ëjaguë, conjë'ën. Maibi rucani huesëyë cahuë. Cajënna, Jesusbi huëni, gue tutu, gue zitara të'a, ja'anre bëinguë cani, cuauye guanseguëna, si'aye beoru ja'anse'ebi cuauni carajaji'i.

Lucas 8:45

Tëcaguëna, Jesús cabi: —¿Nebi yë'ë can pa'rore'ne? senni achabi. Senni achaguëna, si'acua, Banhuë cajënna, Pedro, baguë gajecua naconi, bacua cahuë: —Ëjaguë, bain hua'nabi si'a ca'ncoñabi më'ëna jë'jejënna, ¿queaca ro'taguë, Nebi pa'rore'ne senni achaguë'ne? cahuë.

Lucas 9:33

Ja'nca ëñajën, ja'an raisi'cuabi go'ijënna, Pedro yua Jesusni cabi: —Ëjaguë, maibi ënjo'on ba'ijënna, ai re'oye ba'iji. Ja'nca sëani, samute huë'erëanre yo'oñu. Më'ëna te'e huë'erë yo'ocaiyë. Moisesna yequë huë'erë yo'ocaiyë. Elíasna yequë huë'erë yo'ocaiyë, cabi Pedro. Ro ro'taguë cabi Pedro.

Lucas 9:49

Caguëna, Juanbi baguëni cabi: —Ëjaguë, yequë bainguëni tëhuohuë yëquëna. Më'ë ta'yejeiye ba'iyete caguë, gu'a huati hua'ire etoni saoguë baji'i. Ja'nca yo'oguëna, mai jubë ba'ima'iguëre sëani, baguëre ënsehuë yëquëna, cabi.

Juan 15:14

Mësacua yua yë'ë guanse cocare te'e ruiñe yo'otoca, yë'ë gajecua'ë cayë.

Juan 2:5

Sehuoguëna, bago yua fiesta aon tëocuani guansego: —Mësacua yua Jesús guanseyete achani yo'ojë'ën, cago.

Juan 21:3

Ba'ijënna, Simón Pedrobi: —Hua'ire yojaza, cabi. Caguëna, ba yequëcuabi: —Yëquëna'ga më'ë naconi te'e saiyë, cahuë. Ja'nrëbi, yogubi cacani sani, hua'ire yojën ñatajaicuata'an, hua'i tinjama'icua baë'ë.