Mëccëe 4:4 - Noon

⁴ Wayee Yéesu loffari an: - Këyítfaa woꞌ an: «Ɓoꞌ pesohanndii na mbúurú doŋ, wayee ɓan, na tóoh woꞌeenaa meyohin ga kúuw Kooh.»

Mëccëe 4:4 Iomraidhean Croise

Mëccëe 15:11

Enndii iñaa aasi ga kúuw ɓoꞌ yërí tahiri kilíiɓ ga fíkíi Kooh, wayee iñaa meyohi ga kúuwciɗa yërí tahiri kilíiɓ.

Mëccëe 4:10

Wayee Yéesu woꞌꞌari an: - Nískaa dii Seytaani! Ndaga Këyítfaa woꞌ an: «Fu ƴíꞌɗan Haꞌmudii, Koohyiigaraa ee fu jaamukanndi ya doŋ.»

Mëccëe 4:7

Yéesu loffari an: - Bíduunun ɓan an: «Kaa jéematuk Haꞌmudii, Koohyiigaraa.»

Marka 7:20

Ya woꞌissa an: - Iñaa meyoh ga keeñ yërí tah ɓoꞌ kilíiɓ ga fíkíi Kooh.

Lúkkaa 4:12

Yéesu loffari an: - Këyítfaa woꞌ an: «Kaa jéematuk Haꞌmudii, Koohyiigaraa.»

Lúkkaa 4:4

Yéesu loffari an: - Këyítfaa woꞌ an: «Ɓoꞌ pesohanndii na mbúurú doŋ.»

Lúkkaa 4:8

Yéesu loffari an: - Këyítfaa woꞌ an: «Fu ƴíꞌɗan Haꞌmudii, Koohyiigaraa, ee fu jaamukanndi ya doŋ.»

Saŋ 15:26

Mi hayyúu kiwosoh ga teekii Paamudii ɓaa amɗohanndúu. Yërí en Helaa teewohi kayoh ee kúlkoh ga Paamudiiɗa. Ya hayaa, ya hay kiseediꞌ iñaa aaw garoo.

Saŋ 6:63

Helii meyoh ga Koohɗa wërí onohi kipes. Ɓoꞌ na kihafci mínoo dara. Woꞌeencii mi woꞌꞌúuɗa kúlkoh ga Helaa meyoh ga Koohɗa ee cërí onohi kipes.

Room 15:4

Ɓéeɓ iñaa bínsee kuɗewaa ga Këyítfaaɗa, bínsee kijëgíꞌtuu doonaa wa yóodíꞌtuu kimúuñ ee wa daas keeñciigaruu bi ɗu mín kilaak yaakaaꞌ ga iñaa Këyítfaa woꞌɗa.

Efees 6:17

Ɓewat ɓan kimúckii, ɗú ekukwa fodii baanu-pewiñ ga hafciigarúu ee ɗú ɓeɓ woꞌeenii Kooh, wa en kalaɓfii Helii yiselaꞌíꞌyii.