Mëccëe 4:3 - Noon

³ Waa ennda ɗa, Seytaani deeƴca Yéesu kifíꞌti. Ya woꞌꞌari an: - En lak fu yërí en Kowukii Koohaa, nakaa atohcii ca súpítuk mbúurú.

Mëccëe 4:3 Iomraidhean Croise

Mëccëe 14:33

Tëelíbéecaa enee ga gaal-loocaaɗa ƴíꞌussa ga fíkíi Yéesu, woꞌussari an: - Fu yërí en Kowukii Kooh kayoh-kayohɗa.

Mëccëe 16:16

Simoŋ-Peeꞌ taassa an: - Fu yërí en Kiristaanii, Kowukii Koohyii en na kipesɗa.

Mëccëe 26:63

Wayee Yéesu taassii. Haꞌ-kaadaa sarahohcaa meekissari an: - Ga Kooh yii laak kipesɗa, woꞌꞌaaríi ati fu yërí en Kiristaanii, Kowukii Kooh.

Mëccëe 3:17

Laakka koonaakaa meyoh ɗook woꞌꞌa an: - Ɓii yii yërí en Kowukiigoo mi keeñukɗa, keeñnjoo soosin gari!

Marka 1:1

*Hewhewii winéwíꞌwii woꞌ ga loo Yéesu Kiristaa, Kowukii Koohɗa, daloh anee:

Marka 3:11

Ee daa raɓcaa hotohussi ɓéeɓ, ɓa ƴíꞌɗiri, ɓa fiipi an: «Fu yërí en Kowukii Kooh.»

Marka 5:7

Yéesu woꞌꞌari an: - Hel wibóníꞌ, meyohaa ga ɓii! Ɓaa ennda ga kifiip didóolíꞌ an: - Yéesu, fu naroo ya, fu Kowukii Kooh yii ga ɗookaa-ɗookɗa? Mi yii kíimmbaa ga teekii Kooh, kaa tummboo iñaa meskin!

Lúkkaa 1:35

Malaakaa taassari an: - Helii yiselaꞌíꞌyii hay kiyoosuk ga ɗookfu ee doolaa meyoh ga Kooh yii ga ɗookaa-ɗookɗa úullaa fodii sëegúu. Kërí tah oomaanii ƴah kilímuɗa ƴah kiɓayu yiselaꞌíꞌyii, Kowukii Kooh.

Lúkkaa 22:70

Ɓuwaa ɓéeɓ meekisohussari an: - Kon fu yërí en Kowukii Koohe? Ya taassaɓa an: - Ɗú woꞌinka an mi yërí.

Lúkkaa 4:3

Waa ennda ɗa, Seytaani woꞌꞌari an: - En lak fu en Kowukii Koohaa, nakaa atohii wii wa súpítuk mbúurú, fu ñam.

Lúkkaa 4:41

Raɓcaa ɓan ɓaa meyoh ga ɗúukoolíꞌ ɓiyewin na tifiip an: - Fu yërí en Kowukii Kooh. Wayee yaa gëtɓa, ya hoonohhaɓa kiwoꞌ iñaa aaw gari, ndaga lak ɓa ínoheera an yërí en Kiristaanii.

Lúkkaa 4:9

Lëehíꞌta Seytaani ɓayyari Yéerúsaleem, yíppari ga ɗook Kaanfaa Kooh, ya woꞌꞌari an: - En lak fu en Kowukii Koohaa yípukaa kakay;

Saŋ 1:34

Saŋ tíkka ga an: - Iñaama mi hotinndi, ee mi seediꞌ an ɓii yii yërí en Kowukii Kooh.

Saŋ 1:49

Natanayeel woꞌꞌa Yéesu an: - Jëgírohii, fu yërí en Kowukii Kooh, fu yërí en buurii ɓu-Isarayeel.

Saŋ 20:31

Kíntaancii en ga Këyítfii fiiɗa nak, ca bídu ga doonaa ɗú gëm an Yéesu yërí en Kiristaanii, Kowukii Kooh; ee ɗú gëm garinaa, ɗú hay kilaak kipes ga teekci.

Saŋ 9:35

Yéesu yéeŋnga an Fërísiyeeŋcaa kaaluunun ɓaa ya wëkíreeɗa fooh. Daa Yéesu hídohee nari, Yéesu meekissari an: - Fu gëmin ga Kowukii ɓiine?

Tumeen 9:20

Ya sekkii iñaa maañ, ya aawwa kijangat ga ɗuuƴ jaangu-yaawúuꞌcaa an Yéesu yërí en Kowukii Kooh.

2 Korenti 1:19

ndaga Yéesu Kiristaa, Kowukii Kooh ɗí yéegalohee ga ɗuuƴcúu, mi na Sílaas na Tímotéeɗa, bokkii kiꞌen «Ehee» na «Óꞌóo»: ya mos kiꞌen «Ehee» rek.

Galaat 2:20

Fodaama, enissii an mi ga kihaffoo mi yërí en na kipes, wayee Kiristaanii yërí en na kipes garoo. Kipeskiigoo wati, fodii ɓoꞌ-súusúus, mi peska ga kigëm ga Kiristaanii, Kowukii Kooh, ka kii ka waaꞌtaroo, bi mi tahhari kitook kiꞌeroh kumuunkaagariɗa.

1 Tesaloník 3:5

Kërí tah, waa mi mínsiséeríi kimúuñ sekeenaama, mi wossa Tímotée kihaltukkúu ati ɗú lís kiyëgís ga ngëmumgarúu. Ee lak mi niikee Seytaani fíꞌtúu bi ɓéeɓ iñaa ɗí dayee ga kijëgíꞌtúuɗa en sooƴ.

Yaawúuꞌcaa 12:16

Watukat, ken hanat kifaanuk na ɓaa en ɓéeɓ. Erat céeꞌ iñcii Kooh ciselaꞌíꞌcii, ee kaa madat na Esawuu, ya yaa ñamah wíinoo waa ya ñaman tahhi kitoon kiꞌen-saawkaagariɗa.

Yaawúuꞌcaa 4:14

En kiꞌenaa, ɗu laakin sarahoh yiyaak, yaa paafin ɓéeɓ, ya karin bi tuukin ga fíkíi Kooh ee Yéesu Kowukii Kooh yërí en sarahohiima. Kon ɗu abat bi yëgís ga iñiima en kayoh ɗu gëm gawaɗa.

Yaawúuꞌcaa 7:3

Melkisedek yiima ken ínohiꞌtiiri eewun, wala paamun, wala caasamun. Ken ínohoo dara ga loo kilímukci wala loo kikaanci. Ya mëdírohu na Kowukii Kooh ee ya en sarahoh bi taaꞌ.

1 Saŋ 3:8

Ɓaa dëk ga kitum baakaaꞌ nak, yuu Seytaani. En kiꞌenaa, Seytaani, ga dalaaraa bi ga wati, dëk ga kitum baakaaꞌ. Iñaama tah Kowukii Kooh hayin ëldúna kiɗúbíꞌ iñcii Seytaani lëgëyɗa.

Ínohlukoh 2:10

Kaa niik dara ga coonucii fu ƴah kidaƴɗa. Malka, hay kilaak garúu ɓaa Seytaani ek kasu, kinat ngëmaagari. Fodaama, ɗú hay kidaƴ coonu bi en bes cidaaŋkaah. Leenaa abaa ga ngëmiigaraa bi ga kikaan. En ɗanaa, mi hayyaa kiꞌon kipeskaa leehoo taaꞌɗa, ka en neehalaagaraa.»