UNUMERI 9:5 - IsiNdebele 2012 Translation

⁵ Mbala kwathi ngenyanga yokuthoma mhlana zilitjhumi nane, ama-Israyeli agidinga iPhasika ngamarhwaqela erhalawumbeni leSinayi. Ama-Israyeli enza koke kwaba njengendlela uSomnini ayala ngayo uMosi.

UNUMERI 9:5 Iomraidhean Croise

UGENESISI 6:22

UNowa wenza koke uZimu agade amyale ngakho. Iye, wakwenza koke.

UGENESISI 7:5

UNowa wenza koke uSomnini amyala ngakho.

U-EKSODUSI 12:50

Woke ama-Israyeli enza poro njengombana uSomnini ayale uMosi no-Aroni.

U-EKSODUSI 39:32

Ngaleyondlela woke umsebenzi mayelana nethaberinakeli okutjho itende lokuhlanganela, waphethwa. Ama-Israyeli enza ngakho koke uSomnini agade ayale uMosi ngakho.

U-EKSODUSI 39:42

Ama-Israyeli enza woke umsebenzi kwaba njengombana uSomnini ayala uMosi.

UNUMERI 1:54

Ama-Israyeli enza koke uSomnini ayala ngakho uMosi bona kwenziwe.

UNUMERI 29:40

UMosi watjela ama-Israyeli koke njengombana uSomnini amyalile.

UNUMERI 8:20

UMosi no-Aroni kanye nomkhambathi woke wama-Israyeli benza kumaLevi koke uSomnini agade ayale uMosi ngakho.

UNUMERI 9:4

UMosi wawatjela njalo-ke ama-Israyeli ngokugidingwa kwePhasika.

UMATEWU 28:20

nibafundise ukwenza koke enginiyale ngakho. Ngambala nginani njalo bekube sekupheleni kwesikhathi.”

UJWANISI 15:14

Niziinini zami nanenza lokho enginiyala ngakho.

IZENZO ZABAPOSTOLI 26:19

“Ngalokho, kosi Agripa, akhange ngibe lihlongandlebe ngombono ovela ezulwini.

UDUTERONOMI 1:3

kodwana uMosi wethula ikulumo le kuma-Israyeli ngemva kweminyaka ematjhumi amane. Gade kulilanga lokuthoma lenyanga yetjhumi nanye lokha uMosi nakhuluma nama-Israyeli ikulumo uSomnini amyale bona ayitjho kiwo.

UDUTERONOMI 4:5

Qala, nginifundise iimiso nemithetho njengombana ngayalwa nguSomnini uZimami ukuze niphile ngayo naningena enarheni enizoyithumba.

AMAHEBHERU 11:8

Ngokukholwa u-Abrahamu walalela lokha nakabizwako bona aphume aye endaweni ebe azoyamukeliswa njengelifa; nje-ke waphuma angazi lapha aya khona.

AMAHEBHERU 3:5

UMosi bekathembeke njengenceku kiyo yoke indlu yakaZimu bekube bufakazi balokho ebekuzakukhulunywa ngakho esikhathini esizako.

UJOTJHUWA 5:10

Kwathi ama-Israyeli asahlezi eGiligali, agidinga iPhasika entambama ngelanga letjhumi nane lenyanga emrhuleni weJerikho.