UNUMERI 9:19 - IsiNdebele 2012 Translation

¹⁹ Ngitjho nanyana ilifu belingajama amalanga amanengi ngehla kwethaberinakeli, ama-Israyeli gade agcina umyalo kaSomnini, angasuki.

UNUMERI 9:19 Iomraidhean Croise

U-EKSODUSI 40:37

Ngalokho gade ahlala bekube kumhlana ilifu likhuphukako. Ilifu lingakakhuphuki bekangakhambi.

ULEVITIKUSI 8:35

Kufuze nihlale ebungenweni betende lokuhlanganela imini nobusuku amalanga alikhomba. Gcinani imiyalo kaSomnini ukuze ningafi ngombana ngilokho nami engayalwa ngakho.”

UZAKARIYA 3:7

“USomnini uMninimandlawoke uthi, ‘Nawukhamba eendleleni zami; bese ulonda imiyalwami, utjheje ithempeli lami bewutlhogomele nesirhodlo sethempeli, yeke ngizakwenza ube nehlanganyelo neengilozi zami.’

UNUMERI 3:8

AmaLevi kufuze atjheje yoke ipahla yetende lokuhlanganela begodu enze imisebenzi yethaberinakeli esikhundleni sama-Israyeli.

UNUMERI 9:18

Ama-Israyeli bekafuduka ngomyalo kaSomnini begodu ahlome amatendawo ngomyalwakhe. Ngesikhathi soke ilifu nalisajame ngehla kwetende, ama-Israyeli gade angasuki.

UNUMERI 9:20

Kwesinye isikhathi ilifu belijama amalangana ngehla kwethaberinakeli, nanyana kunjalo ama-Israyeli bekahlala ekampeni. Bekakhamba kwaphela ngomyalo kaSomnini.