UNUMERI 8:12 - IsiNdebele 2012 Translation

¹² Ngalokho amaLevi azakubeka izandla zawo phezu kweenhloko zeenkunzanezo. Wena-ke unikele enye yazo ibe ngeyomhlabelo wehlambululo kuthi enye ibe ngeyomhlabelo wokutjhiswa kuSomnini, ukwenzela amaLevi itethelelo kuSomnini.

UNUMERI 8:12 Iomraidhean Croise

U-EKSODUSI 29:10

Letha ikunzana ngaphambi kwetende lokuhlanganela. U-Aroni namadodanakhe bazakubeka izandla zabo phezu kwehloko yekunzana.

ULEVITIKUSI 1:4

Umuntu loyo uzakubeka isandla sakhe phezu kwehloko yekunzi emhlabelo leyo. Umhlabelwakhe uzakwamukeleka njengetethelelo.

ULEVITIKUSI 14:22

amazuba amabili wommango namkha amazutjana amabili wekhaya kube ngilokho angakukghona. Elinye libe ngelomhlabelo wehlambululo bese elinye liba ngelomhlabelo wokutjhiswa.

ULEVITIKUSI 16:11

“U-Aroni uzakunikela ikunzana bona ibe mhlabelo wehlambululwakhe, azenzele yena nomndenakhe itethelelo kuSomnini. Ngemva kobana ahlabe ikunzana leyo njengomhlabelo wehlambululo

ULEVITIKUSI 16:21

Akabeke izandla zakhe zombili phezu kwehloko yepongo ephilako leyo, avume kiyo boke ubukhohlakali bama-Israyeli, zoke iimphambeko zawo, okutjho zoke izono zawo, azibeke phezu kwehloko yepongo. Athumele ipongo leyo erhalawumbeni ngesandla saloyo okhethelwe ukwenza lokho.

ULEVITIKUSI 16:6

“Nje-ke u-Aroni kufuze ahlabe ikunzana bona ibe mhlabelwakhe wehlambululo, azenzele yena nomndenakhe itethelelo kuSomnini.

ULEVITIKUSI 4:15

bese abaphathi bomkhambathi babeka izandla zabo phezu kwehloko yekunzana, bayihlabe phambi kwakaSomnini.

ULEVITIKUSI 4:20

Lokho akwenze ngekunzana leyo yaphambilini, akakwenze nangekunzana yomhlabelo wehlambululo lo. Ngendlela leyo umphristi uzabe wenzela umkhambathi itethelelo. Ngalokho umkhambathi uzakuhlambuluka esonweni sawo.

ULEVITIKUSI 4:35

Umuntukazana loyo uzakususa woke umhlwehlwe kube njengalokha nakawususa emvaneni yomhlabelo wetjhebiswano. Umphristi uzawutjhisa phezu kwe-aldari neminikelo ekhethekileko kuSomnini. Ngendlela leyo umphristi uzabe umenzela itethelelo ngesono asenzileko. Ngalokho uzakuhlambuluka esonweni sakheso.”

ULEVITIKUSI 4:4

Akalethe ikunzana leyo phambi kwakaSomnini emnyango wetende lokuhlanganela. Abeke isandla sakhe phezu kwehloko yekunzana bese uyihlabela phambi kwakaSomnini.

ULEVITIKUSI 5:7

Nakube akanamandla wokuletha imvana, akalethe ihlawulo kuSomnini okumazuba amabili wommango namkha amazutjana amabili wekhaya kube mhlabelwakhe wehlambululo mayelana nesono sakhe. Elinye libe ngelomhlabelo wehlambululo bese elinye liba ngelomhlabelo wokutjhiswa.

ULEVITIKUSI 8:14

Waletha ikunzana yomhlabelo wehlambululo. U-Aroni namadodanakhe babeka izandla zabo phezu kwehlokwayo.

ULEVITIKUSI 8:15

Nje-ke uMosi wahlaba ikunzana leyo, wathatha ingcenye yeengazi zekunzana wazininda phezu kweempundu ezisemajikeni we-aldari ngomunwakhe bona alihlambulule. Iingazi eziseleko wazithululela emanzinzweni we-aldari. Ngendlela leyo-ke, walihlukanisela ngokulenzela itethelelo.

ULEVITIKUSI 8:18

Wabese utjhideza iqama lomhlabelo wokutjhiswa. U-Aroni namadodanakhe babeka izandla zabo phezu kwehlokwalo.

ULEVITIKUSI 8:34

USomnini wayala bona okwenziwe namhlanjesi kwenziwe amalanga alikhomba kobana nenzelwe itethelelo.

ULEVITIKUSI 9:7

UMosi wathi ku-Aroni: “Tjhidela e-aldarini unikele umhlabelwakho wehlambululo kanye newokutjhiswa, uzenzele itethelelo, wena nomndenakho. Nikela umhlabelo ongowabantu ubenzele itethelelo njengombana uSomnini ayalile.”

UNUMERI 6:14

Kufuze alethe umhlabelwakhe kuSomnini: iqamanyana linye elimsulwa elinomnyaka munye libe ngelomhlabelo wokutjhiswa, imvana yinye emsulwa esikazi enomnyaka munye ibe ngeyomhlabelo wehlambululo neqama linye elimsulwa libe ngelomhlabelo wetjhebiswano.

UNUMERI 6:16

“Yeke umphristi uzakutjhideza iminikelo leyo e-aldarini, enzele umnaziri umhlabelo wehlambululo newokutjhiswa.

UNUMERI 8:13

Nje-ke jamisa amaLevi phambi kwaka-Aroni namadodanakhe bese wena uwanikela abe njengomnikelo osibiko kuSomnini.

UNUMERI 8:8

Nje-ke akathathe ikunzana nomnikelo wakhona weenthoro ongoweflowuru esefiweko edutjwe ngamafutha we-oliva bese wena uthatha enye ikunzana kube ngeyomhlabelo wehlambululo.

AMAHEBHERU 9:22

Ukuya ngokomthetho pheze zoke izinto zihlanjululwa ngeengazi, ngaphandle kokuphalaka kweengazi akukho ukulitjalelwa kwezono.