UNUMERI 7:88 - IsiNdebele 2012 Translation

⁸⁸ Kuthi zoke iinkomo zomhlabelo wetjhebiswano kube ziinkunzi ezimatjhumi amabili nane, amaqama amatjhumi asithandathu, iimpongo ezimatjhumi asithandathu kanye namaqamanyana anomnyaka munye amatjhumi asithandathu. Lokho bekuminikelo yokuhloma umnyanya we-aldari emva kokobana selihlukaniselwe.

UNUMERI 7:88 Iomraidhean Croise

ULEVITIKUSI 3:9

Emhlabelweni wetjhebiswano umuntu loyo kufuze alethe amanoni njengomnikelo okhethekileko kuSomnini. Lokho kutjho woke umsila ononileko oquntwe emngolweni, umhlwehlwe owembese iinredlo nakho koke okuphathelene nawo,

UNUMERI 7:1

Kwathi mhlana uMosi aqeda ukujamisa ithaberinakeli walahlukanisela kanye nepahlalo yoke ngokulizesa. Godu wahlukanisela i-aldari neensetjenziswa zakhona zoke ngokulizesa.

UNUMERI 7:10

Ngelanga i-aldari elahlukaniselwa ngalo, abarholi baletha iminikelwabo yokuhloma umnyanya walo. Kwathi lokha nabaletha iminikelwabo phambi kwe-aldari,

UNUMERI 7:84

Leyo gade kuminikelo yokuhloma umnyanya we-aldari eyalethwa barholi bakwa-Israyeli ngesikhathi elahlukaniselwa ngalo. Bekuzizitja ezikulu zesiliva ezilitjhumi nambili, izitja zokunyenyeza zesiliva ezilitjhumi nambili kanye nezinye izitjana zegolide ezilitjhumi nambili.

UNUMERI 7:87

Zoke iinkomo zomhlabelo wokutjhiswa bewuziinkunzi ezilitjhumi nambili, amaqama alitjhumi nambili, amaqamanyana anomnyaka munye alitjhumi nambili kanye nomnikelo wakhona weenthoro. Godu bekuneempongo ezilitjhumi nambili zomhlabelo wehlambululo.