UNUMERI 7:10 - IsiNdebele 2012 Translation

¹⁰ Ngelanga i-aldari elahlukaniselwa ngalo, abarholi baletha iminikelwabo yokuhloma umnyanya walo. Kwathi lokha nabaletha iminikelwabo phambi kwe-aldari,

UNUMERI 7:10 Iomraidhean Croise

1 AMAKHOSI 8:63

USolomoni wenza umhlabelo wetjhebiswano phambi kwakaSomnini: iinkomo eziziinkulungwana ezimatjhumi amabili nambili nezimvu eziziinkulungwana ezilikhulu namatjhumi amabili. Ikosi uSolomoni naye woke u-Israyeli banikela ithempeli kuZimu.

2 IINKRONIKE 7:5

USolomoni wenza umhlabelo weenkomo eziziinkulungwana ezimatjhumi amabili nambili nezimvu eziziinkulungwana ezilikhulu namatjhumi amabili. Ngendlela leyo yena nabo boke abantu banikela ithempeli kuZimu.

2 IINKRONIKE 7:9

Elangeni lobunane benza umsebenzi. Ukunikelwa kwe-aldari kwathatha amalanga alikhomba nomnyanya wathatha amalanga alikhomba.

UNERHEMIYA 12:27

Ngesikhathi okwahlukaniselwa ngaso umthangala weJerusalema, kwafunwa amaLevi lapha ahlala khona kobana eze eJerusalema azokugidinga umnyanya lowo, ngokudumisa, ngokuvuma nangokubetha iiwahlo nemihlobohlobo yamaharibha.

UNERHEMIYA 12:43

Mhlokho abantu banikela ngemihlabelo eminengi, bajabula ngombana uZimu gade abenze bona bename ngokusasa okukhulu. Kwajabula ngitjho abafazi nabantwana. Itjhada lokwenama kweJerusalema belizwakala kude.

AMARHUBO 30:1

Ingoma yokwahlukaniselwa ithempeli; irhubo lakaDavida.

UNUMERI 7:1

Kwathi mhlana uMosi aqeda ukujamisa ithaberinakeli walahlukanisela kanye nepahlalo yoke ngokulizesa. Godu wahlukanisela i-aldari neensetjenziswa zakhona zoke ngokulizesa.

UNUMERI 7:11

uSomnini wakhuluma noMosi wathi: “Abalethe iminikelwabo yokuhloma umnyanya we-aldari kube mrholi munye ilanga nelanga.”

UNUMERI 7:84

Leyo gade kuminikelo yokuhloma umnyanya we-aldari eyalethwa barholi bakwa-Israyeli ngesikhathi elahlukaniselwa ngalo. Bekuzizitja ezikulu zesiliva ezilitjhumi nambili, izitja zokunyenyeza zesiliva ezilitjhumi nambili kanye nezinye izitjana zegolide ezilitjhumi nambili.

UNUMERI 7:88

Kuthi zoke iinkomo zomhlabelo wetjhebiswano kube ziinkunzi ezimatjhumi amabili nane, amaqama amatjhumi asithandathu, iimpongo ezimatjhumi asithandathu kanye namaqamanyana anomnyaka munye amatjhumi asithandathu. Lokho bekuminikelo yokuhloma umnyanya we-aldari emva kokobana selihlukaniselwe.

UDUTERONOMI 20:5

Iinkhulu zizakukhuluma nebutho zithi: “Nakube omunye wenu wakhe ikumba etja kodwana wangayivula, akabuyele ekumbenakhe. Nakungasinjalo uzakufela epini bese ivulwa ngomunye umuntu.