UNUMERI 5:27 - IsiNdebele 2012 Translation

²⁷ Nangabe mbala umfazi loyo uzisilaphaze ngokungathembeki endodenakhe, khona kuzakuthi bona umphristi amseze amanzi amunyu wokubanga amanikelela, amanzi lawo azamngena, isibeletho sakhe sivuvuke bese igwayana lakhe litjhwabane. Umfazi loyo uzakuba sithuko hlangana nabantu bekhabo.

UNUMERI 5:27 Iomraidhean Croise

AMARHUBO 109:18

Iye, amanikelela akamembathe njengengubakhe, angene ngaphakathi kwakhe njengamanzi nanjengamafutha azeswe emzimbenakhe!

UMTJHUMAYELI 7:26

Ngafumana okumunyu khulu kunokufa: umfazi osithiyo, ohliziywakhe isirhurhulanede nezandla zakhe ziziinkhungo. Umuntu okara uZimu uyaphunyurha kuye, kodwana isoni sona sizakubambeka kuye.

U-ISAYA 65:15

Nizakutjhiyela abalungileko bami amabizwenu, bawasebenzise njengesithuko ebantwini, bathi, ‘Ngokunjalo uSomnini uSomandla uzanibulala’. Kodwana eencekwini zami ngizakubeka elinye ibizo

UJOROMIYA 24:9

Ngizabenza babe sisethuso nento embi kiyo yoke imibuso yephasi, iye, into yokurhubutjhwa nesiga, into yesiphoqo nesithuweleliso kizo zoke iindawo lapha ngibaqotjhela khona.

UJOROMIYA 29:18

Ngizabagijimisa ngesabula, ngendlala nangamatshwenyeko bengibenze babe sisethuso kiyo yoke imibuso yephasi bebabe sithuko nesimanga, iye, into yokurarekelwa neyokurhubutjhwa hlangana nazo zoke izizwe lapha ngizabaqotjhela khona

UJOROMIYA 29:22

Okuzakwenzeka kibo kuzakusetjenziswa njengesithuko ngibo boke abathunjwa bakwaJuda abaseBhabheli. Bazakuthi, ‘Inga uSomnini angakwenza ube njengoTsedekhiya no-Arhabi abakhanzingwa yikosi yeBhabheli emlilweni’

UJOROMIYA 42:18

Mbala, nakhu okutjhiwo nguSomnini uMninimandlawoke, uZimu wakwa-Israyeli, ‘Njengombana itukuthelo nokusilingeka kwami kwehlele phezu kwabahlali beJerusalema, ngokunjalo ukusilingeka kwami kuzakwehlela phezu kwenu nakube niya eGibhide. Nizakuba sithuko nesimanga, iye, into yokunikelelwa neyokurhubutjhwa; angeze benisayibona godu indawo le.’

UJOROMIYA 44:12

Ngizakuthanyela imisalela yakwaJuda ezimisele ukuya eGibhide kobana iyokukhonza khona: Boke bazakubhubhela eGibhide, babulawe ngesabula babhujiswe ngendlala. Iye, ukusukela komncani bekube komdala, bazakufa ngesabula nangendlala. Bazakuba sithuko nesimanga, iye, into yokunikelelwa neyokurhubutjhwa.

UZAKARIYA 8:13

“Ngizanisindisa, wena ndlu kaJuda nawe ndlu ka-Israyeli. Njengombana gade nisisiga samanikelela, nje-ke nizakuba mkariso wesibusiso. Ningesabi, qinisani izandla.”

UNUMERI 5:20

Kodwana nangabe khewazisilaphaza, wahlobonga ngokulala nenye indoda ngaphandle komyenakho, lokha usese sesandleni sakhe,

UNUMERI 5:28

Kodwana nangabe umfazi loyo azange azisilaphaze begodu umsulwa, khona-ke uzakuba ngotjhaphulukileko emanikeleleni nabantwana uzababeletha.

KWEBEROMA 6:21

Alo, nazuzani nje ngezinto esele nineenhloni ngazo namhlanjesi na? Isiphetho sezintwezo kukufa.

2 KWEBEKORINTE 2:16

Komunye sisivunda sokufa, komunye siliphunga lokuphila. Ngubani ongangomthwalo lo na?

UDUTERONOMI 28:37

Nizakuba sithuko, isiga nesiphoqo phakathi kwabo boke abantu lapha uSomnini azanisa khona.

2 UPITROSI 2:10

khulukhulu labo abazifaka eenkanukweni zenyama zokonakala nabangahloniphi abaphathi. Bamaphikakani, bayazitjhaya begodu abesabi nokuhlambalaza abacwengileko,