UNUMERI 31:3 - IsiNdebele 2012 Translation

³ Nje-ke uMosi wathi ebantwini: “Hlomisani amadoda aphakathi kwenu bona ayokulwa namaMidiyani, abuyiselele ukubuyiselela kwakaSomnini kumaMidiyani.

UNUMERI 31:3 Iomraidhean Croise

2 AMAKHOSI 10:30

USomnini uZimu wathi kuJehu: “Ngombana wenze okuhle phambi kwami ngokuphumelelisa endlini yaka-Arhabi lokho ebekusemkhumbulwenami, iinzukulwana zakho zizakuhlala esihlalweni sobukhosi kwa-Israyeli bekube sizukulwana sesine.”

2 AMAKHOSI 9:7

Ufanele ubhubhise indlu ka-Arhabi ikosakho begodu ngizozibuyiselela ngeengazi zeenceku zami abaphorofidi nezazo zoke iinceku zami ezathululwa ngu-Izebeli.

U-EKSODUSI 17:16

Godu wathi: “Ngambala isandla sami siphethe itshwayo lakaSomnini! Iye, uSomnini uzakulwa nama-Amalekhi iinzukulwana ngeenzukulwana.”

UJOROMIYA 46:10

Kodwana ilangelo lingelakaSomnini uMninimandlawoke ilanga lokuzibuyiselela, iye azibuyiselele phezu kwezitha zakhe. Isabula izakurhayila beyaneliswe, iye, beyikholwe ngeengazi ngombana kunomhlabelo kaSomnini uSomandla uMninimandlawoke enarheni yangetlhagwini ngemlanjeni iYufrathe.

UJOROMIYA 50:28

Lalelani! Ababaleke nabaphunyurhe enarheni yeBhabheli bayeza kobana bamemezele eZiyoni ukuzibuyiselela kwakaSomnini uZimethu, iye, ukuzibuyiselela kwakhe ngethempeli lakhe.

ULEVITIKUSI 26:25

Ngizakwehlisela isabula phezu kwenu, yona izakuba sibuyiselelo sokwephula kwenu isivumelwano. Lokha nanibalekela emadorobhenenu, ngizokuthumela izifo phakathi kwenu, niwele ezandleni zesitha.

UNUMERI 25:11

“UFiniyasi umsa ka-Elazara omsa ka-Aroni umphristi, urhobhise ilaka lami kuma-Israyeli ngombana yena ube netjisakalo ngami. Ngalokho akhange ngiwabhubhise ama-Israyeli ngesikhwele enginaso.

UNUMERI 25:13

Yena neenzukulwana zakhe bazakwamukeliswa isivumelwano sobuphristi nini nanini ngombana ube nesikhwele ngoZimakhe, wabuye wenzela ama-Israyeli itethelelo.”

UNUMERI 31:4

Ekorweni enye nenye yakwa-Israyeli nithumele epini ikulungwana yamadoda.”

ABAKHOKHELI 5:2

“Abantu batjhaphulukile godu kwa-Israyeli, iye, bazinikela ngokuthanda kwabo. Akudunyiswe uSomnini!

ABAKHOKHELI 5:23

‘Ayinikelelwe iMerozi’, kwatjho isithunywa sakaSomnini, ‘kunikelelwe ngesihluku abahlali bakhona ngombana azange balwele uSomnini, lokha nakulwiwa neengorho.’