UNUMERI 31:2 - IsiNdebele 2012 Translation

² “Buyiselela ukubuyiselela kwama-Israyeli kumaMidiyani. Ngemva kwalokho nawe uzakulandela aboyihlomkhulu.”

UNUMERI 31:2 Iomraidhean Croise

UGENESISI 15:15

Wena ngokwakho uzakuhlongakala ngokuthula, ubulungwe sewuluphele khulu.

UGENESISI 25:17

U-Itjhimayeli waphila iminyaka elikhulu namatjhumi amathathu namikhomba. Wakhohlela kokugcina, wahlongakala bewabulungwa.

UGENESISI 25:8

Gade sele aluphele khulu lokha nakakhohlela kokugcina, wahlongakala anelisekile ngepilo, aliqhegu elithukgheleko. Amadodanakhe u-Isaka no-Itjhimayeli bambulunga kebekhabo erholweni leMakaphela. Ithunelo belingepumalanga yeMamre, esimini ka-Efroni umsa kaTsorhari umRhithi,

U-EKSODUSI 2:16

Umphristi weMidiyani gade anamadodakazi alikhomba. Ehla azokukha amanzi bese azalisa neenkerebhe kobana aseze ifuyo kayisawo.

U-ISAYA 1:24

Yeke, isigwebo sakaSomnini uMninimandlawoke, ongonamandla ka-Israyeli ngilesi: “Maye kibo! Ngizozanelisa ngezitha zami; ngizibuyiselele emanabenami.

UNARHUME 1:2

USomnini unguZimu onesikhwele nozibuyiselelako; uSomnini uyazibuyiselela begodu uzele ngobukhali. USomnini uzibuyiselela kabajamelene naye begodu uhlala abukhali ezitheni zakhe.

UNUMERI 20:24

“Nakungu-Aroni uzakulandela aboyisemkhulu. Angeze angena enarheni engiyinikela ama-Israyeli ngombana nafulathela umyalwami emanzini weMeriba.

UNUMERI 20:26

uhlubulise u-Aroni izambatho zakhe zobuphristi bese uzembesa indodanakhe u-Elazara. U-Aroni uzakuhlongakalela lapho, abekwe.”

UNUMERI 25:1

Kwathi lokha ama-Israyeli asahlezi eTjhithimu, amadoda athoma ukungwadla namadodakazi wakwaMowabi.

UNUMERI 25:6

Khonapho, nango omunye wama-Israyeli aletha umfazi wakwaMidiyani emndeninakhe, uMosi nomkhambathi woke wakwa-Israyeli baqalile. Ngesikhatheso bebasalila phambi kwetende lokuhlanganela.

UNUMERI 27:13

Kuzakuthi nasele uyibonile, nawe uzakulandela aboyihlomkhulu njengomfowenu u-Aroni.

UNUMERI 31:1

USomnini wakhuluma noMosi wathi:

UNUMERI 31:3

Nje-ke uMosi wathi ebantwini: “Hlomisani amadoda aphakathi kwenu bona ayokulwa namaMidiyani, abuyiselele ukubuyiselela kwakaSomnini kumaMidiyani.

ULUKASI 21:22

Ngambala lesi kusikhathi sesibetho nokuzaliseka kwakho koke okutloliweko.

IZENZO ZABAPOSTOLI 13:36

“Emva kokobana uDavida aqede ukukhonza esizukulwaneni sakhe ngokwehloso kaZimu, walala; wabulungwa kiboyisemkhulu, wabola.

KWEBEROMA 12:19

Bazalwana ningazibuyiseleli, kodwana nikelani itukuthelo kaZimu ithuba ngombana kutloliwe kwathiwa: “Ukubuyiselela kungokwami, ngizokubuyiselela.” Kutjho uSomnini.

KWEBEROMA 13:4

ngombana umbusi uyinceku kaZimu ukuze kube kuhle kuwe. Kodwana nawenza okumbi, uzokuphila ngevalo ngombana umbusi akayiphatheli ilize isabula. Uyinceku kaZimu kobana ahlunguphaze labo abenza ubumbi.

UDUTERONOMI 32:35

Ukubuyiselela nokuhlomulisa kungokwami, ngesikhathi sakhona iinyawo zabo zizakutjhelela. Ngambala ilanga labo lehlekelele selitjhidele, iye, ilangelo libarhabile.”

UDUTERONOMI 4:22

Nje-ke ngizakufela enarheni le, angizukuyamela ngaphetjheya kweJordani, kodwana nina nizakuyama nithumbe inarha ehle leyo ibe lilifa lenu.

1 KWEBETHESALONIKA 4:6

Akungabikho owona namkha ocaphaza umfowabo ngokuthileko ngombana iKosi imbuyiseleli wakho koke lokhu njengombana sikhe sanitjela phambilini besaniyelelisa.

AMAHEBHERU 10:30

Ngombana siyamazi loyo owathi: “Ukubuyiselela kungokwami; ngimi ozakubuyisela.” Wabuye wathi: “USomnini uzakugweba isizwe sakhe.”

ISAMBULO 18:20

Thabani ngokubhubha kwawo, nina mazulu, nani abacwengileko, abapostoli nabaphorofidi ngombana uZimu uwugwebile wanibuyiselela ngawo.”

ISAMBULO 19:2

ngombana ukugweba kwakhe kulungile bekumsulwa. Ugwebe ingwadla eyaziwako neyonakalise iphasi ngobungwadla bayo begodu iingazi zeenceku zakhe uzibuyiselele kiyo.”

ISAMBULO 6:10

Barhuwelela bathi: “Somnini Somandla, wena ocwengileko noqinisileko, kuzabe kube nini ngaphambi kobana ugwebe begodu usibuyiselele ngeengazi zethu na?”

ABAKHOKHELI 16:24

Lokha abantu nababona uSamsoni, badumisa usingazimabo ngombana bathi: “Uzimethu unikele esandleni sethu, isitha sethu okumbhubhisi wenarhethu obulele inengi lethu.”

ABAKHOKHELI 2:10

Soke isizukulwaneso naso sahlongakala, kwavuka esinye ngemva kwaso ebesingamazi uSomnini namkha imisebenzi uSomnini ayenzela ama-Israyeli.