UNUMERI 3:40 - IsiNdebele 2012 Translation

⁴⁰ Godu uSomnini wakhuluma noMosi wathi: “Yewutlolise woke amazibulo aduna kwa-Israyeli ukusukela esaneni lenyanga ukuya phezulu, uwabale ngokwamabizwawo.

UNUMERI 3:40 Iomraidhean Croise

AMARHUBO 87:6

Lokha uSomnini natlolisa izizwe, uzakutlola bunje: “Laba bantwana beZiyoni.”

U-ISAYA 4:3

Labo abatjhiywe eZiyoni, abaseleko eJerusalema, bazakubizwa bona ngabacwengileko, iye, omunye nomunye eJerusalema obekatlolwe kobana aphile.

UNUMERI 3:12

“Qala, ngimi okhethe amaLevi hlangana nama-Israyeli kobana ajamele woke amazibulo, okutjho koke okuphume qangi esibelethweni. Iye, amaLevi azakuba ngewami

UNUMERI 3:15

“Tlolisa amaLevi ngokwezindlu zaboyise nangemindenawo. Boke abaduna ukusukela esaneni lenyanga ukuya phezulu kufuze batloliswe.”

UNUMERI 3:41

Esikhundleni samazibulo woke aduna wama-Israyeli, ngihlukanisela amaLevi, nesikhundleni samazibulo wefuyo yama-Israyeli ungihlukanisele amazibulo wefuyo yamaLevi. NginguSomnini.”

UNUMERI 3:45

“Ngihlukanisela amaLevi esikhundleni samazibulo woke wama-Israyeli nefuyo yamaLevi esikhundleni sefuyo yama-Israyeli. Iye, amaLevi ngewami. NginguSomnini.

ULUKASI 10:20

Nokho ningathatjiswa kukobana imimoya emimbi inilalele, kodwana thokoziswani kukobana amabizwenu atloliwe ezulwini.”

KWEBEFILIPI 4:3

Iye, nawe ngiyakukhombela mnganami bona usize abomma laba ngombana batjhikatjhika nami emsebenzini wevangeli, bakanye noKlemente nabo boke abasebenzisana nami, labo amabizwabo angencwadini yokuphila.

2 UTHIMOTHI 2:19

Nokho isisekelo sakaZimu sinzinzile, sinephawu elithi: “USomnini uyabazi labo ekungebakhe,” nokuthi: “Ngiloyo naloyo obiza ibizo leKosi akadede ebukhohlakalini.”

AMAHEBHERU 12:23

iye, nize ebandleni lamazibulo atloliswe ezulwini, kumgwebi onguZimu wabo boke, emiphefumulweni yabantu abalungisisiweko,

ISAMBULO 14:4

Laba, ngilabo abangazange bazisilaphaze ngabesifazi ngombana bebasesemsulwa njengamancele. Ngibo-ke abalandela iMvana nanyana kukuphi lapha iya khona. Bebahlengwe ebantwini bafana neenthelo zokuthoma ezisilumo kuZimu nakiyo iMvana

ISAMBULO 3:5

Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.