UNUMERI 3:16 - IsiNdebele 2012 Translation

¹⁶ Nje-ke uMosi wawatlolisa ukuya ngelizwi lakaSomnini. Wenza njengombana bekayaliwe.

UNUMERI 3:16 Iomraidhean Croise

UGENESISI 45:21

Yeke amadodana ka-Israyeli enza njalo. UJosefa wawanikela iinkoloyana njengombana kutjho uFaro, godu wawapha nomphako.

UNUMERI 3:15

“Tlolisa amaLevi ngokwezindlu zaboyise nangemindenawo. Boke abaduna ukusukela esaneni lenyanga ukuya phezulu kufuze batloliswe.”

UNUMERI 3:17

Naka-ke amadodana kaLevi ngokwamabizwawo: NguGeritjhoni, uKhehathi noMerari.

UNUMERI 3:39

Isibalo samaLevi esatloliswa nguMosi no-Aroni ngokomyalo kaSomnini, besiziinkulungwana ezimatjhumi amabili nambili. Bekutloliswe boke abaduna ngokwemindeni ukusukela esaneni lenyanga ukuya phezulu.

UNUMERI 3:51

Ngokunjalo-ke uMosi wanikela u-Aroni namadodanakhe isiliva yesihlengo ngokuya ngelizwi lakaSomnini. Kwaba njengombana uSomnini bekamyalile.

UNUMERI 4:27

Woke umsebenzi wokuthwala uzakwenziwa maGeritjhoni ngomyalo ka-Aroni namadodanakhe. Wena-ke Mosi no-Aroni kufuze nibatjengise koke okumele bakuthwale.

UNUMERI 4:37

Leso-ke bekusibalo semindeni yamaKhehathi agade asebenza etendeni lokuhlanganela nagade atloliswe nguMosi no-Aroni. Kwaba njengombana uSomnini bekayale uMosi.

UNUMERI 4:41

Leso-ke bekusibalo semindeni yamaGeritjhoni agade asebenza etendeni lokuhlanganela nagade atloliswe nguMosi no-Aroni. Kwaba njengombana uSomnini bekayalile.

UNUMERI 4:45

Leso-ke bekusibalo semindeni yamaMerari agade asebenza etendeni lokuhlanganela nagade atloliswe nguMosi no-Aroni. Kwaba njengombana uSomnini bekayale uMosi.

UNUMERI 4:49

Ngokuya ngomyalo kaSomnini kuMosi, ngiloyo naloyo wanikelwa umsebenzi nalokho ekumele akuthwale etendeni lokuhlanganela njengokutloliswa kwabo. Kwaba njengombana uSomnini ayale uMosi.

UDUTERONOMI 21:5

Abaphristi abamadodana kaLevi bazakuza ngombana uSomnini uZimenu ubakhethile bona bamlotjhe bebabusise ebizweni lakhe. Ngibo ekumele babenelizwi lokha nakunokurarana namkha inturhu.