UNUMERI 28:9 - IsiNdebele 2012 Translation

⁹ “ ‘Ngelanga leSabatha umhlabelo akube maqamanyana amabili anomnyaka munye abe msulwa, namathungana amathathu weflowuru esefiweko edutjwe ngamafutha we-oliva kube mnikelo weenthoro kanye nomnikelo wakhona wokuselwako.

UNUMERI 28:9 Iomraidhean Croise

2 AMAKHOSI 4:23

Umyenakhe wambuza wathi: “Uyelani kuye namhlanje? Nenyanga ayikabukuthwasa begodu akusilo iSabatha.” Umkakhe wathi: “Kulunge koke.”

2 IINKRONIKE 2:3

USolomoni wathumela umyalezo lo kuRhiramu ikosi yeTirosi wathi: “Kwanjesi sele ngizokwakhela uSomnini uZimami ithempeli. Ngizalihlukanisela yena ngokutjhisa itjhwalo phambi kwakhe, ukubeka isikwa esibekwa etafuleni ngamalanga nangokwenza imihlabelo yokutjhiswa ekuseni nantambama, ngamaSabatha, ngokuthwasa kwenyanga nangeenkhathi zomnyanya obekwe nguSomnini uZimethu. Lokhu ngizakwenza njengombana bekumthetho wanini nanini kwa-Israyeli. Ngithumelela iingodo zomsedari njengombana wenza kubaba uDavida lokha nawumthumelela umsedari kobana akhe isigodlo azakuhlala kiso.

2 IINKRONIKE 8:13

ngendlela okumele kwenziwe ngayo umnikelo wangamalanga ukuya ngomthetho kaMosi malungana namaSabatha, ukuthwasa kwenyanga neminyanya emithathu yaminyaka yoke okumnyanya wesiKwa esinganaNgumelo, umnyanya weemVeke kanye nomnyanya wemiTlhatlhana.

U-ISAYA 58:13

“Nawulonda iinyawo zakho ekuratheni iSabatha, ngokungazenzeli umathanda ngelanga lami elicwengileko, kodwana ngokubiza iSabatha bona lilanga lokwenama nelanga elicwengileko lakaSomnini kobana lihloniphekile; iye, nawulihloniphako ngokungenzi kwangemihla, nangokungenzi irhwebo, namkha ukukhuluma ngalo,

UHEZEKIYELI 20:12

Ngaphezu kwalokho ngabanikela namaSabatha wami kobana abe liphawu phakathi kwabo nami ukuze bazi bonyana mina Somnini ngiyabacwengisa.

UHEZEKIYELI 46:4

Umhlabelo wokutjhiswa olethwa ikosana kuSomnini ngelanga leSabatha uzakuba ziimvana ezithandathu ezimsulwa kanye neqama elimsulwa.

UNUMERI 28:10

Lokho kuzakuba mhlabelo wokutjhiswa wangamaSabatha, ngaphandle komhlabelo wokutjhiswa wangemihla nomnikelo wakhona wokuselwako.’ ”

UNUMERI 28:8

Iqamanyana elinye olinikela ngamarhwaqela, linikele nomnikelo weenthoro newokuselwako kube njenganyana wenze kelekuseni. Linikele libe njengomnikelo okhethekileko owamukelekako kuSomnini.’ ”

ISAMBULO 1:10

BengikuMoya ngelanga leKosi; ngezwa ilizwi elikhulu lihlokoma njengeporompita ngemva kwami,