UNUMERI 28:2 - IsiNdebele 2012 Translation

² “Yala ama-Israyeli uthi kiwo, ‘Yelelani bona kulethwa kimi ngesikhathi esifaneleko iminikelwami okutjho ukudla okumnikelo okhethekileko, owamukelekako kimi.’

UNUMERI 28:2 Iomraidhean Croise

UGENESISI 8:21

USomnini wezwa umnuko omnandi wathi ehliziywenakhe: “Angisoze nganikelela ihlabathi ngenca yomuntu, nanyana imizindlo yomuntu imimbi kwasebuntwaneni bakhe. Angisoze godu ngabhubhisa iinlwana njengombana ngenzile.

1 IINKRONIKE 23:31

Godu bekufuze benze njalo ngaso soke isikhathi lokha nakutjhiselwa uSomnini imihlabelo yokutjhiswa, ngamaSabatha, ngeminyanya yokuthwasa kwenyanga nangemigidi ejanyisiweko. Bekumele njalo nje isibalo esibekiweko samaLevi silotjhe ngethempelini lakaSomnini.

2 IINKRONIKE 23:18

UJehoyada wabeka ukulawulwa kwethempeli lakaSomnini ezandleni zabaphristi ebegade bamaLevi uDavida awabeka ethempelini kobana enze imihlabelo yokutjhiswa yakaSomnini njengombana kutlolwe emthethweni kaMosi. Lokhu gade akwenza ngethabo nangokuhlabelela njengombana ayalwa nguDavida.

2 IINKRONIKE 31:3

Iimbonelelo ikosi uHezekhiya eyazikhupha epahlenayo zazingezemihlabelo yokutjhiswa ekuseni nentambama, ngamaSabatha, nakuthwasa inyanga nangeminyanya ebekiweko njengombana kutlolwe emthethweni kaSomnini.

U-EZRA 3:2

UJetjhuwa umsa kaJotsadakhi nabafowabo ababaphristi kanye noZerubhabheli umsa kaTjheyaltiyeli nabafowabo, bazilungiselela ukwakha i-aldari lakaZimu wakwa-Israyeli kobana kunikelwe imihlabelo yokutjhiswa kilo njengombana kutlolwe emthethweni kaMosi umuntu kaZimu.

U-EZRA 3:3

Nanyana bebanevalo ngabantu ababazombelezileko, bakha i-aldarelo endawenalo, basungula ukunikela kuSomnini imihlabelo yokutjhiswa phezu kwalo. Kwaba mihlabelo yokutjhiswa ekuseni nantambama.

UNERHEMIYA 10:34

Thina, okutjho abaphristi namaLevi kanye nabantu, sizokwenza ifumbe malungana nokwethulwa kweenkuni zomlilo ofanele uvuthe njalo e-aldarini lethempeli lakaSomnini uZimethu njengombana kutloliwe emthethweni. Ngalokho sizakwazi bonyana ngimuphi umndeni ofuze ulethe iinkunezo qobe mnyaka ngeenkhathi ezibekiweko.

AMARHUBO 81:3

Vumani ingoma, nililise abosotjherere, nibethe iharibha elihle kanye nelincani.

U-EKSODUSI 23:15

Yenzani umnyanya wesiKwa esinganaNgumelo njengombana nginiyalile. Nizagoma isikwa esinganangumelo amalanga alikhomba ngesikhathi esibekiweko ngenyanga ka-Abibi ngombana leyo yinyanga enaphuma ngayo eGibhide. Kungabi nomuntu ozakuvela phambi kwami amkhonoze.

U-EKSODUSI 29:18

Utjhise loke iqamelo e-aldarini, libe mhlabelo wokutjhiswa kuSomnini. Lokho kumnikelo owamukelekako kuSomnini.

UHEZEKIYELI 16:19

Nokudla kwami engakupha khona bengakondla ngakho, iye, umdoko wekoroyi esiliweko, amafutha we-oliva neliju, wakubeka phambi kwazo, kobana kube mnikelo okhethekileko kizo.’ Kutjho uSomnini uSomandla.

UHEZEKIYELI 20:41

Njengomnikelo owamukelekako kuSomnini, ngizanamukela lokha nanginikhupha hlangana nabantu nalokha nanginibuthelela eenarheni lapha nihlakazekele khona begodu ngizazibonakalisa ngicwengile phambi kwezizwe ngani.

UHEZEKIYELI 45:17

Kumsebenzi wekosana ukuhlinzeka ngemihlabelo yokutjhiswa, iminikelo yeenthoro neyokuselwako eminyanyeni nekuthwaseni kwenyanga kanye nemaSabatheni, iye, kiyo yoke iminyanya yendlu ka-Israyeli. Izakuhlinzeka ngemihlabelo yehlambululo, iminikelo yeenthoro, imihlabelo yokutjhiswa neyetjhebiswano ukwenzela indlu ka-Israyeli itethelelo.”

ULEVITIKUSI 1:13

Umuntu loyo akahlanze iinredlo neenqatha ngamanzi ukuze umphristi akwazi ukutjhisa woke umhlabelo e-aldarini. Lokho kuzakuba mhlabelo wokutjhiswa okumnikelo okhethekileko, owamukeleka kuSomnini.

ULEVITIKUSI 1:17

Umuntu loyo kufuze ayivule ukufikela emaphikweni, kodwana angayiphadlhuli bona ihlukaniseke yoke. Umphristi ayitjhise phezu kweenkuni ezivuthako e-aldarini. Lokho kuzakuba mhlabelo wokutjhiswa okumnikelo okhethekileko, owamukeleka kuSomnini.”

ULEVITIKUSI 1:9

Umuntu loyo akahlanze iinredlo neenqatha ngamanzi ukuze umphristi akwazi ukutjhisa woke umhlabelo e-aldarini. Lokho kuzakuba mhlabelo wokutjhiswa okumnikelo okhethekileko, owamukeleka kuSomnini.

ULEVITIKUSI 21:6

Kufuze babe ngabacwengileko kuZimabo bangarhubutjhi ibizo lakaZimabo ngombana ngibo abaletha e-aldarini iminikelo ekhethekileko kuSomnini okukukudla kwakaZimabo. Nje-ke kufuze babe ngabacwengileko.

ULEVITIKUSI 21:8

Hloniphani isikhundla somphristi ngombana unikela ukudla kuZimenu. Mthatheni njengocwengileko ngombana mina Somnini enginicwengisako, ngicwengile.

ULEVITIKUSI 3:11

Umphristi uzakutjhisa koke lokhu phezu kwe-aldari. Lokho kukudla okumnikelo okhethekileko wakaSomnini.

UMALAKI 1:12

“Kodwana nina ninyaza ibizo lami ngokuthi, ‘Itafula loMninimandlawoke lisilaphele nokudla kwalo kuyanyenyisa.’

UMALAKI 1:7

“Ngokuzitjela nithi ‘I-aldari lakaSomnini lidelelekile.’

UNUMERI 15:24

Nakube kwenzeke ngokungakahloswa nomkhambathi ungazi, nje-ke woke umkhambathi lowo uzakunikela ngekunzana yinye ibe mhlabelo wokutjhiswa kube mnikelo okhethekileko, owamukelekako kuSomnini, okhambisana nomnikelo weenthoro zawo newokuselwako ukuya ngomyalo. Godu kunikelwe nepongo yinye ibe ngeyomhlabelo wehlambululo.

UNUMERI 15:3

begodu naninikela umhlabelo wokutjhiswa namkha umhlabelo wetjhebiswano njengomnikelo okhethekileko kuSomnini emhlambini weenkomo, wezimvu noweembuzi kobana nizalise isifungo namkha ukunikelela isihle nanyana lokha nanineminyanya, kufuze niwulethe bonyana ube ngowamukelekako kuSomnini.

UNUMERI 15:7

kanye namalitha amabili wewayini njengomnikelo wokuselwako, kube mnikelo owamukelekako kuSomnini.

UNUMERI 28:1

USomnini wakhuluma noMosi wathi:

UNUMERI 29:39

“ ‘Nikelani koke lokho kuSomnini ngesikhathi sakhona seminyanyenu, kube singezelelo eminikelwenenu yesithembiso, yesihle, yeenthoro, yokuselwako neyetjhebiswano kanye nemihlabelwenenu yokutjhiswa.’ ”

UNUMERI 9:13

Kodwana nangabe umuntu ohlambulukileko begodu ongekho ekhambeni wala ukugidinga iPhasika, uzakujutjwa ebantwini bekhabo ngombana akakanikeli umnikelwakhe ngesikhathi sawo kuSomnini. Kwamambala umuntu loyo uzazizwa ngesono sakheso.

UNUMERI 9:7

athi kibo: “Nasinje, sibe ngabasilapheleko ngebanga lokuthinta isidumbu somuntu. Alo, singakhandelwa yini bona sinikele umnikelo kaSomnini ngesikhathi sawo esijanyisiweko phakathi kwama-Israyeli na?”

2 KWEBEKORINTE 2:15

KuZimu siliphunga elimnandi lakaKrestu hlangana nalabo abasindiswako nalabo ababhubhako.

KWEBE-EFESU 5:2

niphile ipilo yethando njengombana uKrestu asithanda wabe wazinikela ngenca yethu, waba mnikelo onuka kamnandi kanye nomhlabelo kuZimu.

KWEBEFILIPI 4:18

Ngifumene yoke ikokhelo bekwaba ngaphezulu; nganeliseke ngokupheleleko njengombana ngamukele izipho eningithumele zona ngo-Epafrodithu, umnikelo wephunga elimnandi, okumhlabelo owamukelekako nothokozisa uZimu.