UNUMERI 28:14 - IsiNdebele 2012 Translation

¹⁴ Umnikelo wokuselwako okhambisana nekunzana enye nenye uzakuba malitha amane wewayini. Umnikelo wokuselwako okhambisana neqama uzakuba malitha amabili nesiquntu bese okhambisana neqamanyana kube lilitha nesiquntu. Lokho kuzakuba mhlabelo wokutjhiswa waqobe yinyanga umnyaka woke.

UNUMERI 28:14 Iomraidhean Croise

U-EZRA 3:5

Emva kwalokho baragela phambili ngokunikela imihlabelo yangemihla, imihlabelo yokuthwasa kwenyezi, imihlabelo yayo yoke iminyanya ekhethekileko kaSomnini kanye neminikelo yesihle ebeyithenjiswe uSomnini.

U-ISAYA 1:13

Ningasayilethi iminikelo engazisiko! Ukutjhiswa kwetjhwalo kusinyenyiso kimi! Angeze ngisamukela imikhosenu nakube kunokonakala, iye, ukwethwasa kwenyanga, amaSabatha kanye nemihlanganwenu.

UJOROMIYA 48:35

KwaMowabi ngizakuphelisa labo abenza imihlabelo eendundumeni, abatjhisela abosingazimu babo itjhwalo.” Kutjho uSomnini.

UHEZEKIYELI 46:4

Umhlabelo wokutjhiswa olethwa ikosana kuSomnini ngelanga leSabatha uzakuba ziimvana ezithandathu ezimsulwa kanye neqama elimsulwa.

UJUWELI 1:13

Baphristi, yembathani iinzilo, nirhahlawule; lilani nina enilotjha phambi kwe-aldari. Yizani nizokulila noke, nina enilotjha phambi koZimu wesivumelwano ngombana iminikelo yamabele neyeenselo ayisalethwa ethempelini lakaZimenu.

UNUMERI 15:5

kanye nelitha nesiquntu sewayini njengomnikelo wokuselwako. Lokho akunikelako akukhambisane nenye nenye imvana ehlatjwa njengomhlabelo wokutjhiswa namkha wetjhebiswano.

UNUMERI 15:9

kufuze ungezelele emhlabelweni lowo ngomnikelo weenthoro ekumathungana amane weflowuru esefiweko, edutjwe ngamalitha amane wamafutha we-oliva

UNUMERI 28:13

Iqamanyana ngalinye alikhambisane nethungana leflowuru esefiweko edutjwe ngamafutha we-oliva kube mnikelo weenthoro. Linikele libe mhlabelo wokutjhiswa, njengomnikelo okhethekileko owamukelekako kuSomnini.

UNUMERI 28:15

Ninikele nepongo yinye kube mhlabelo wehlambululo kuSomnini, ngaphandle komhlabelo wokutjhiswa ojayelekileko nomnikelo wakhona wokuselwako.”

UNUMERI 28:7

Iqamanyana linye alikhambisane nelitha nesiquntu somnikelo wokuselwako. Umnikelo wokuselwako obutjwala lowo awuthululelwe endaweni ecwengileko phambi kwakaSomnini.

UNUMERI 29:18

Kesinye nesinye isibalo seenkunzana, amaqama namaqamanyana lawo, kunikelwe iminikelo yeenthoro kanye neyokuselwako njengokwesimiso sakhona.