UNUMERI 28:1 - IsiNdebele 2012 Translation

¹ USomnini wakhuluma noMosi wathi:

UNUMERI 28:1 Iomraidhean Croise

1 IINKRONIKE 23:31

Godu bekufuze benze njalo ngaso soke isikhathi lokha nakutjhiselwa uSomnini imihlabelo yokutjhiswa, ngamaSabatha, ngeminyanya yokuthwasa kwenyanga nangemigidi ejanyisiweko. Bekumele njalo nje isibalo esibekiweko samaLevi silotjhe ngethempelini lakaSomnini.

2 IINKRONIKE 23:18

UJehoyada wabeka ukulawulwa kwethempeli lakaSomnini ezandleni zabaphristi ebegade bamaLevi uDavida awabeka ethempelini kobana enze imihlabelo yokutjhiswa yakaSomnini njengombana kutlolwe emthethweni kaMosi. Lokhu gade akwenza ngethabo nangokuhlabelela njengombana ayalwa nguDavida.

2 IINKRONIKE 31:3

Iimbonelelo ikosi uHezekhiya eyazikhupha epahlenayo zazingezemihlabelo yokutjhiswa ekuseni nentambama, ngamaSabatha, nakuthwasa inyanga nangeminyanya ebekiweko njengombana kutlolwe emthethweni kaSomnini.

2 IINKRONIKE 8:13

ngendlela okumele kwenziwe ngayo umnikelo wangamalanga ukuya ngomthetho kaMosi malungana namaSabatha, ukuthwasa kwenyanga neminyanya emithathu yaminyaka yoke okumnyanya wesiKwa esinganaNgumelo, umnyanya weemVeke kanye nomnyanya wemiTlhatlhana.

U-EZRA 6:9

Nanyana yini edingekako ukuya ngelizwi labaphristi beJerusalema, abakunikelwe: iinkunzana, amaqama neemvana zemihlabelo yokutjhiswa kuZimu wezulwini; godu banikelwe ikoroyi, itswayi, iwayini namafutha we-oliva. Abanikelwe lokho malanga woke kungatshwili

UNERHEMIYA 10:33

Lokho kumalungana nezikwa zobukhona bakaZimu, iminikelo yeenthoro nemihlabelo yokutjhiswa yemihla ngemihla, imihlabelo yamaSabatha, yeminyanya yokuthwasa kwenyanga neyeminyanya ekhethekileko. Godu kumalungana neminikelo ecwengileko kanye neminikelo yehlambululo kobana kwenzelwe u-Israyeli itethelelo. Iye, ukwenza yoke imisebenzi yethempeli lakaZimethu.

U-ISAYA 1:13

Ningasayilethi iminikelo engazisiko! Ukutjhiswa kwetjhwalo kusinyenyiso kimi! Angeze ngisamukela imikhosenu nakube kunokonakala, iye, ukwethwasa kwenyanga, amaSabatha kanye nemihlanganwenu.

UHEZEKIYELI 44:24

“ ‘Nakunemibango, abaphristi bona kumele babe bagwebi bese bagweba ngokuya ngeengwebo zami. Kumele balonde imithetho neemiso zami mayelana nayo yoke iminyanya ejanyisiweko bese bacwengisa amaSabatha wami.

UHEZEKIYELI 45:17

Kumsebenzi wekosana ukuhlinzeka ngemihlabelo yokutjhiswa, iminikelo yeenthoro neyokuselwako eminyanyeni nekuthwaseni kwenyanga kanye nemaSabatheni, iye, kiyo yoke iminyanya yendlu ka-Israyeli. Izakuhlinzeka ngemihlabelo yehlambululo, iminikelo yeenthoro, imihlabelo yokutjhiswa neyetjhebiswano ukwenzela indlu ka-Israyeli itethelelo.”

UHEZEKIYELI 46:11

“Eminyanyeni okutjho emigidini ejanyisiweko, umnikelo weenthoro uzakuba ngupumpana okhambisana nekunzi, upumpana okhambisana neqama kanye neemvana ezinengi ngendlela angakghona ngayo. Upumpana ngamunye akhambisane namalitha amane wamafutha we-oliva.

ULEVITIKUSI 9:15

Nje-ke u-Aroni watjhideza imihlabelo yabantu. Wathatha ipongo yomhlabelo wehlambululo, wayihlaba wabenzela ihlambululo njengombana enze ekuthomeni ngomhlabelwakhe wehlambululo.

UNUMERI 27:23

wabeka izandla phezu kwakhe wamgunyaza njengombana uSomnini bekamyalile.

UNUMERI 28:2

“Yala ama-Israyeli uthi kiwo, ‘Yelelani bona kulethwa kimi ngesikhathi esifaneleko iminikelwami okutjho ukudla okumnikelo okhethekileko, owamukelekako kimi.’

UNUMERI 7:15

ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

KWEBEGALATIYA 4:10

Nihlonipha amalanga akhethekileko, iinyanga, iinkhathi neminyaka!

KWEBEKOLOSE 2:16

Nje-ke akungabi namunye onilahla ngokudla nanyana ngokusela, namkha ngeminyanya, ukuthwasa kwenyanga namkha ngamaSabatha.