UNUMERI 25:2 - IsiNdebele 2012 Translation

² Amadodakazi lawo awamema emihlatjelweni yabozinyana bawo. Amadoda lawo adla abe alotjha abozinyana bamadodakazi lawo.

UNUMERI 25:2 Iomraidhean Croise

1 AMAKHOSI 19:18

Nokho ngizakubabalela abaziinkulungwana ezilikhomba kwa-Israyeli: boke abangazange bakhothamele uBhali nabangazange bamncwange.”

AMARHUBO 106:28

Nje-ke bazibophelela kuBhali wePewori, badla okuhlatjelwe abafileko.

U-EKSODUSI 20:5

Ungazikhothameli izintwezo, ungazilotjhi ngombana mina Somnini nginguZimakho. NginguZimu onesikhwele owehlisela isibetho sezono zaboyise phezu kwabantwababo besizukulwana sesithathu nesesine salabo abangenzi intandwami.

U-EKSODUSI 22:20

“Owenzela nanyana ngimuphi usingazimu imihlabelo angenzeli uSomnini kwaphela akarhayilwe.

U-EKSODUSI 23:24

ningakhothameli abosingazimu bawo begodu ningabalotjhi. Ningenzi izinto ngendlelabo kodwana nibaphelise nya beniphadlhe namatjabo akhethekileko.

U-EKSODUSI 32:6

Bavuka ekuseni, benza imihlabelo yokutjhiswa bebaletha nemihlabelo yetjhebiswano. Abantu bahlala phasi bagoma, basela iwayini, basikima, bathoma ukukhwatjhana.

UJOROMIYA 40:11

Woke amaJuda ebegade ahlangana nama-Amoni kwaMowabi, kwa-Edomu nakizo zoke iinarha ezinye ezwa bonyana ikosi yeBhabheli itjhiyele uJuda imisalela beyabeka uGedaliya umsa ka-Arhikhamu omsa kaTjhafani njengombusi phezu kwayo.

UHOSIYA 9:10

USomnini uthi: “Ngathabela ukufunyana u-Israyeli njengomuntu ofunyana amadiribe erhalawumbeni. Mhla ngithoma ukubona aboyihlomkhulu ngaba njengomuntu othabela ukufunyana uporwana wokuthoma wefeyi emthini. Kodwana bona baya kuBhali wePeyori bafese bazinameka entweni edanisako leyo; banyenyeka njengentwabo abayithandako leyo.

UMIKHA 6:5

Bantu bami, akhese nikhumbule bona uBhalakhi, ikosi yakwaMowabi, gade arerani ngani; nokobana uBhiliyamu, indodana kaBhewori, wamphendula wathini. Khumbulani bona kwenzekani ngani phakhathi kweTjhitimu neGiligali ukuze namukele imisebenzi elungileko eyenziwa nguSomnini.’ ”

1 KWEBEKORINTE 10:20

Awa, nginqophe ekutheni imihlabelo yabarhedeni yenzelwe amadimoni; ingasi uZimu. Nje-ke angithandi bona nihlanganyele namadimoni.

UDUTERONOMI 32:38

abozinyana abagoma amafutha wemihlabelwabo basele iwayini lomphahlwabo na? Abavele phela banisize! Baninikele umthunzi!

UJOTJHUWA 22:17

Bekungakaneli ngesono sePewori na? Bekube namhlanje besingakazihlambululi kiso begodu kuvele kiso amatshwenyeko ehlela umkhambathi wakaSomnini.

UJOTJHUWA 23:16

Iye, naniphambukako esivumelwaneni sakaSomnini uZimenu aniyala ngaso bese nidlhemadlhema ngemva kwabozinyana nibalotjhe benibakhothamele, itukuthelo yakaSomnini izakuvutha phezu kwenu, nibhubhe msinyana enarheni ehle kangaka uSomnini aniphe yona le.”

UJOTJHUWA 23:7

ukuze ningahlangahlangani nezizwezi eziseleko phakathi kwenu. Ningaphathi amabizo wabozinyana bazo emilonyenenu, ningafungi ngabo, ningabalotjhi namkha nibakhothamele,

ISAMBULO 2:14

Kodwana kukhona okungangiphathi kuhle ngawe: Kukhona abathileko hlangana nani ababambelele eemfundisweni zakaBhalamu, owafundisa uBhalaki bona abeke isikhubekiso phambi kwabakwa-Israyeli, kobana badle okuhlatjelwe iinthombe nokuziphatha ngobufebe.