UNUMERI 25:13 - IsiNdebele 2012 Translation

¹³ Yena neenzukulwana zakhe bazakwamukeliswa isivumelwano sobuphristi nini nanini ngombana ube nesikhwele ngoZimakhe, wabuye wenzela ama-Israyeli itethelelo.”

UNUMERI 25:13 Iomraidhean Croise

2 USAMYELA 21:3

yawabuza yathi: “Nginenzeleni? Ngingalungisa njani ukuze koke kubuyele esigeni enarheni kaZimu?”

1 AMAKHOSI 19:10

Waphendula wathi: “Gade ngitjhisakalela wena Somnini Zimu Mninimandlawoke. Ama-Israyeli aphayele isivumelwano sakho eqadi, agiriza ama-aldarakho abe abulala nabaphorofidi bakho ngesabula. Ungibona nginje, sekusele mina ngedwa. Nje-ke bafuna ukungikgharidlhela.”

1 AMAKHOSI 19:14

U-Eliya wathi: “Gade ngitjhisakalela wena Somnini Zimu Mninimandlawoke. Ama-Israyeli aphayele isivumelwano sakho eqadi, agiriza ama-aldarakho abe abulala nabaphorofidi bakho ngesabula. Ungibona nginje, sekusele mina ngedwa. Nje-ke bafuna ukungikgharidlhela.”

1 AMAKHOSI 2:27

USolomoni waqotjha u-Abiyatari esikhundleni sobuphristi bakaSomnini, kwazaliseka ilizwi lakaSomnini alikhuluma eTjhilo ngekumba ka-Eli.

UNERHEMIYA 13:29

Awu Zimami, bakhumbule ngombana basilaphaze ubuphristi nesibopho sobuphristi kanye nesamaLevi.

AMARHUBO 106:31

wabalelwa lokho njengokulunga, iinzukulwana ngeenzukulwana nini nanini.

AMARHUBO 119:139

Ukutjhisakalela kwami kuyangiqeda, lokha amanabami nadela amezwakho.

AMARHUBO 69:9

Sengiphenduke otjhili ngakwethu, ngimqhamuka ebantwaneni bakababa.

U-EKSODUSI 29:9

bese uwabopha ngemikhungo yokuthekeleza emadinini njengombana wenze ku-Aroni, uwathwese imibhode. Ubuphristi buzakuba ngebabo ngokwesimiso sanini nanini. “Uzajamisa u-Aroni namadodanakhe ngalendlela:

U-EKSODUSI 32:30

Ngakusasa ekuseni uMosi wathi ebantwini: “Nenze isono esikhulu. Nje-ke ngizakhuphukela kuSomnini, mhlambe nginganenzela itethelelo ngesonokazi senwesi.”

U-EKSODUSI 40:15

bese uwazesa njengombana uzese uyisawo ukuze abe baphristi bami. Ukuzeswa kwawo kuzawenza abe baphristi nini nanini eenzukulwaneni zawo.”

U-ISAYA 61:6

Nina-ke nizakubizwa bona nibaphristi bakaSomnini, nibizwe bona niziinceku zakaZimethu. Nizazikholisa ngomnotho wezizwe, nizikhakhazise ngomnonwazo.

UJOROMIYA 33:18

nabaphristi abamaLevi angeze bahlulwa kukuba nomuntu ozakujama phambi kwami ngeenkhathi zoke kobana enze imihlabelo yokutjhiswa, atjhise iminikelo yeenthoro abe anikele nemihlabelo yetjhebiswano.’ ”

UJOROMIYA 33:22

Ngizakwandisa iinzukulwana zakaDavida incekwami nezamaLevi abangisebenzelako kobana zingabaleki njengeenkwekwezi zomsehla begodu zingalinganiseki njengetjhwabatjhwaba yeligu.’ ”

ULEVITIKUSI 15:15

Umphristi uzakwenza imihlabelo ngawo. Elinye libe mhlabelo wehlambululo bese kuthi elinye libe mhlabelo wokutjhiswa. Nje-ke umphristi uzamenzela itethelelo kuSomnini ngokuvuza kwakhe.”

UMALAKI 2:8

Kodwana nina baphristi, niphambukile endleleni begodu ngeemfundiso zenu nenze abanengi bakhutjwa; niphambene nesivumelwano sami noLevi.” Kutjho uSomnini uSomandla.

UNUMERI 16:46

UMosi wathi ku-Aroni: “Thatha isitja sakho sokutjhisela itjhwalo bese wokhela amalahle e-aldarini ngakiso, uthele itjhwalo phezu kwawo, usithathe masinyana uye naso emkhambathini uwenzele itethelelo ngombana ilaka lakaSomnini liyavutha begodu sekusunguleke nesifo.”

UNUMERI 16:47

Nje-ke u-Aroni wathatha isitja sakhe njengombana uMosi atjhwile, wagijimela phakathi kwehlangano lapha isifo besele sisunguleke khona. Wathela itjhwalo phezu kwamalahle bona enzele abantu itethelelo.

UNUMERI 17:12

Ama-Israyeli athi kuMosi: “Qala siyafa, siphelile nasinje, iye siphele sokanyana nje.

UNUMERI 25:14

Ibizo lendoda yakwa-Israyeli eyabulawa nomfazi wakwaMidiyani bekunguZimri umsa kaSalu oyihloko yomndeni wakwaSimiyoni.

UJWANISI 2:17

Abafundi bakhe bakhumbula bona umtlolo uthi: “Ukutjhisakalela indlwakho kungidlile.”

AMAHEBHERU 2:17

Nje-ke kwamfanela ukuba njengabafowabo kikho koke, khona azakuba mphristi omkhulu onesirhawu nothembekileko emsebenzini kaZimu, abe yihlawulo yokubuyisana kwezono zabantu.

AMAHEBHERU 7:11

Nangabe ukupheleliswa kwafunyaneka ngobuphristi bakaLevi njengombana isizwe samukela umthetho ngaphasi kobuphristobu; bekusadingeke ngani-ke ukukhuluma ngobuphristi obunye obuvuka ngokwendlela kaMalkitsedekhi, kunalobo bendlela ka-Aroni na?

UJOTJHUWA 7:12

Yeke ama-Israyeli angeze akwazi ukujama phambi kwezitha zawo. Azakufulathela izitha zawo abaleke ngombana aphenduke isiga sokubhujiswa. Angeze ngisaba nani ngaphandle kwanange nirhayila izinto ekufanele zibhujiswe eziphakathi kwenu.

1 UPITROSI 2:5

nani-ke njengamatje aphilako, nakhelwe endlini yokommoya kobana nibe buphristi obucwengileko, ninikele imihlabelo yokommoya eyamukelekako kuZimu ngoJesu Krestu.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

1 UJWANISI 2:2

yena uyihlawulo yezono zethu, ingasi zethu kwaphela kodwana nezono zephasi loke.

ISAMBULO 1:6

wasenza saba mbuso, saba baphristi bokulotjha uZimu uYise; akube kuye iphazimulo nobukhosi nini nanini. Amen.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.