UNUMERI 24:7 - IsiNdebele 2012 Translation

⁷ Amanzi azakukhelelwa ngeenkhwama zabo zesikhumba, nembewabo izakuba namanzi aneleko. Ikosabo izakuphakamela ngehla kwaka-Agagi, nombuswayo uzakuphakanyiswa.

UNUMERI 24:7 Iomraidhean Croise

2 USAMYELA 5:12

UDavida walemuka bona uSomnini umjamise waba yikosi phezu kwaka-Israyeli, nokobana uphakamise umbuswakhe ngebanga labantu bakwa-Israyeli.

1 AMAKHOSI 4:21

USolomoni wabusa yoke imibuso ukusukela emlanjeni iYufrathe ukuya enarheni yamaFilista, ukuyokufika emkhawulweni weGibhide. Yoke imibuso le yaletha umthelwayo kuSolomoni begodu wayibusa ipilwakhe yoke.

1 AMAKHOSI 5:1

Lokha uRhiramu ikosi yeTirosi nezwa bonyana uSolomoni uzeswe bona abe yikosi athathe iintambo zakayise uDavida, wathumela abazenda bakhe kuSolomoni ngombana gade azwana noDavida.

1 IINKRONIKE 14:2

UDavida walemuka bona uSomnini uZimu umjamise bona abe yikosi kwa-Israyeli nokobana uphakamise umbuswakhe ngebanga labantu bakaSomnini, u-Israyeli.

U-EZRA 4:20

Iye, iJerusalema beyinamakhosi aqinileko nanamandla, abuse isifunda soke esingetjingalanga yomlambo iYufrathe. Begade kukhutjhwa kiwo umthelo, isibiko kanye nemali yendlela.

U-ESTA 3:1

Emva kwezintwezo ikosi u-Arhatjhiverotjhi yakhuphula ngokwesikhundla uHamani umsa kaHamedata umAgagi, yamdlondlobalisa yamnikela isikhundla esingaphezu kweenkhulu zoke ezazikanye naye.

AMARHUBO 18:43

Ngabatshidlha basileka kwanga ziintuli emmoyeni; ngabagadanga njengedaka leendledlana.

AMARHUBO 68:26

Ngaphambili kukhamba abavumi, phakathi kube matlawu aphethe abosotjherere, ngemva kube ngababetha iinara,

AMARHUBO 72:11

iye, woke amakhosi aguqe phambi kwakhe; zoke izizwe zizinikele kuye.

AMARHUBO 89:27

Uzangibiza ngokuthi, ‘UnguBaba, unguZimami, nedwala lesindiswami.’

U-ISAYA 2:2

Kuzakuthi emihleni yokuphela intaba yethempeli lakaSomnini inzinziswe esiqongolweni seentaba. Izakuphakanyiswa ngaphezu kwemibundu nezizwe zoke ziwulukele kiyo.

U-ISAYA 30:25

Kenye nenye intaba ephakemeko nombundu omude kuzakuba nemilanjana egeleza amanzi ngelanga lokurhayilwa okukhulu lokha nakugirika imibhotjhongo.

U-ISAYA 48:1

Indlu kaJakopo ayilalele lokhu, iye, labo ababizwa ngebizo laka-Israyeli, labo abadabuka emthonjeni kaJuda, abafunga ngebizo lakaSomnini, abazikhakhazisa ngoZimu ka-Israyeli, kodwana ingasi ngeqiniso nangokulunga;

U-ISAYA 9:7

ukuze umbuso wenabe nokuthula kungapheli esihlalweni sakaDavida nembuswenakhe. Izawunzinzisa ngokuwusekela ngobulungiswa nokulunga ukusukela ngesikhathesi bekube nini nanini. Itjisakalo kaSomnini uMninimandlawoke izakuphelelisa koke lokhu.

UJOROMIYA 51:13

Wena ohlala hlanu komlambo omkhulu nonamagugu amanengi, isiphetho sakho sifikile, isikhathi sokobana ujutjwe.

UDANYELA 2:44

Khona emalangeni wamakhosi lawo, uZimu wezulwini uzakujamisa umbuso ongasoze wapheliswa namkha udluliselwe kabanye abantu. Uzakutshidlha bewuphelise yoke imibuso eminye, kodwana wona uzakujama nini nanini.

UNUMERI 24:20

Nje-ke uBhiliyamu waqala ngaku-Amalekhi waphimisa umlayezwakhe wathi: “U-Amalekhi uyindlondlo hlangana nezizwe kodwana ekugcineni uzakuwa ngephondo.”

UJWANISI 1:49

UNathaniyeli wamphendula wathi: “Mfundisi, uyiNdodana kaZimu! UyiKosi yakwa-Israyeli!”

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 17:1

Nje-ke kweza kimi enye yeengilozi ezilikhomba iphethe izitja ezilikhomba yathi kimi: “Yewuze, ngithanda ukukutjengisa isigwebo sengwadlakazi ehlezi phezu kwamanzi amanengi,

ISAMBULO 17:15

Nje-ke ingilozi yathi kimi: “Amanzi owabonileko lapho kuhlezi khona ingwadla, ababantu, aziinqubuthu, azizizwe neenlimi.

ISAMBULO 19:16

Esambathweni sakhe nenyonga yakhe kutlolwe ngokugobhodlhwa ibizo elithi: “IKosi yamakhosi noMbusi wababusi.”