UNUMERI 24:24 - IsiNdebele 2012 Translation

²⁴ Iye, kuzakuvela iinthayamanzi endaweni yamaKithi, zihlunguphaze u-Asiriya no-Ebhere; kanti-ke no-Asiriya uzakuhloma ngephondo phasi.”

UNUMERI 24:24 Iomraidhean Croise

UGENESISI 10:4

Iinzukulwana zakaJavani bekungu-Elitjha, uTaratjhitjhi, amaKithi namaDodani.

UGENESISI 14:13

Owaphunyurhako weza wazokubikela u-Abramu omHebheru indaba leyo. Ngesikhatheso u-Abramu gade ahlala eduze kwemithi kaMamre umAmori omfowabo laka-Etjhikolo no-Aneri. Boke labo bebalijima no-Abramu.

U-ISAYA 10:12

Lokha uSomandla sele alungise indabakhe nentabeni yeZiyoni neJerusalema, uzakuthi: “Ngizokuhlunguphaza ikosi ye-Asiriya ngebanga lemisebenzi yokuzikhukhumeza kwehliziywayo nokuzikhakhazisa kwamehlwayo aziphakamisako

U-ISAYA 10:5

Godu uZimu wathi: “Azazizwa ama-Asiriya, okuyintonga yobukhali bami, esandleni sawo kunomtjhiza welaka lami.

U-ISAYA 23:1

Isimemezelo sakaZimu ngeTirosi: Rhahlawulani nina mikhumbi yokurhweba; aninakhaya ngombana iTirosi irhayiliwe! Kwabonakala lokho nayifika ivela enarheni yamaKithi.

UHEZEKIYELI 27:6

Ngemithi yama-owuku yeBhatjhani bakwenzele amaphini wokuthayisa. Indawo lapha kukhanjwa khona phezu komthayamanzi, bayenze ngemithi yomsayipurusi ephuma eenhlengeleni zamaKithi ehlotjiswe ngamazinyo wendlovu.

UDANYELA 10:20

Wathi kimi, ‘Sewuyazi kwanjesi bonyana ngizeleni kuwe, kodwana kumele ngirhabe ngibuyele emuva ngiyokulwa nengilozi yePheresiya. Kuzakuthi lokha nangiphuma kobana ngiyokulwa, kuze ingilozi yeGirisi.

UDANYELA 11:30

Imithayamanzi yamaKiti izakujamelana nayo ukuze yethuseleke. Lokha nayibuyako izakunaka labo abahlubuke isivumelwano esicwengileko.

UDANYELA 11:45

Izakuhloma amatendayo wobukhosi hlangana nelwandle nentaba ehle khulu necwengileko. Kodwana nanyana kunjalo izakufika esiphethweni sayo kungabi noyisizako.

UDANYELA 2:35

Nje-ke isimbi, umdaka, ikoporo, isiliva kanye negolide kwaba ziinquqwana njengomungu eselelweni nawuphephethwa mumoya ehlobo: Akukho nokukodwa kweenquqwanezo okwafunyanwako. Kodwana ilitje elatshidlha isithombesibunjweso laphenduka idwala elikhulu lazala iphasi loke.

UDANYELA 2:45

Kuzakuba njengombana ubone ilitje liqephuka entabeni kungasi ngesandla somuntu, latshidlha isimbi, ikoporo, umdaka, isiliva kanye negolide iinquqwana. Ngambala, uZimu omkhulu wazise ikosami lokho okuzakwenzeka emva kwalokhu. Ibhudango liqinise kwamambala nehlathululwalo ithembekile.”

UDANYELA 8:21

Ipongo emaruthuruthu iyikosi yeGirisi bese kuthi iphondo elihlangana namehlwayo liyikosi yokuthoma.

UNUMERI 24:20

Nje-ke uBhiliyamu waqala ngaku-Amalekhi waphimisa umlayezwakhe wathi: “U-Amalekhi uyindlondlo hlangana nezizwe kodwana ekugcineni uzakuwa ngephondo.”

UNUMERI 24:23

UBhiliyamu waphimisa nomlayezo lo: “Maye! Kazi ngubani ozakuphila lokha uZimu nakenza lokho?

UMATEWU 24:15

“Lokha nanibona endaweni ecwengileko kujame isinyenyiso esibhubhisako, okuyinto eyakhulunywa mphorofidi uDanyela, ofundako azwisise.

ULUKASI 20:24

“Ngitjengisani abodenariyu. Mfanekiso nebizo lakabani leli na?” Baphendula bathi: “Ngelombusi omkhulu.”

UJWANISI 11:48

Nasingamlisa aragele phambili enze nje, woke umuntu uzokukholwa kuye. AmaRoma azokuza athathe indawethu le nesizwe sethu!”