UNUMERI 24:17 - IsiNdebele 2012 Translation

¹⁷ Ngiyambona yena kodwana ingasi manjesi, ngiyambona kodwana ingasi eduze. Iye, ikwekwezi izakuvumbuka kuJakopo, intonga yobukhosi izakuvela ku-Israyeli; izakuphihliza iindlani zombili zakwaMowabi, neenhloko zamaTjhethi woke.

UNUMERI 24:17 Iomraidhean Croise

UGENESISI 49:10

Intonga yobukhosi angeze yasuka kuJuda, nentonga yombusi hlangana neenyawo zakhe, bekulethwe isibiko kuye, nezizwe zoke zitjengise ukumlalela.

2 USAMYELA 8:14

Wajamisa iinqhema zamajoni kilo loke lakwa-Edomu. Ama-Edomu woke amsebenzela. USomnini wapha uDavida ukuhlula koke lapha akhamba khona.

2 USAMYELA 8:2

Waragela phambili wamadlha nebakwaMowabi. Wabalalisa umjeje phasi ehlabathini wabalinganisa ngentambo. Boke abalinganiseka ngobude bentambo kabili bebabulawa bese kuthi abalinganiseke kanye baliswe. Yeke amaMowabi asebenzela uDavida abe aletha nemithelo kuye.

2 AMAKHOSI 3:5

Kodwana emva kokuhlongakala kwaka-Arhabi, ikosi yakwaMowabi yahlubuka ikosi yakwa-Israyeli.

1 IINKRONIKE 18:2

UDavida waragela phambili wamadlha namaMowabi, aba ziinsebenzi zakhe, athela nemithelo kuye.

AMARHUBO 110:2

EZiyoni uSomnini uzakwelula intonga ekunikela amandla, ngokuthi: “Busa phakathi kwezitha zakho!”

AMARHUBO 45:6

Ngwenyama, imisubela yakho ibukhali, ihlaba ehliziyweni yezitha zakho, ziwe ngaphasi kwakho.

U-ISAYA 15:1

Isimemezelo sakaZimu ngeMowabi: Ngambala ngobusuku bokurhayilwa i-Ari-Mowabi beyibhujisiwe! Ngambala ngobusuku bokurhayilwa neKhiri-Mowabi beyibhujisiwe!

U-ISAYA 9:7

ukuze umbuso wenabe nokuthula kungapheli esihlalweni sakaDavida nembuswenakhe. Izawunzinzisa ngokuwusekela ngobulungiswa nokulunga ukusukela ngesikhathesi bekube nini nanini. Itjisakalo kaSomnini uMninimandlawoke izakuphelelisa koke lokhu.

UJOROMIYA 48:1

Mayelana neMowabi. Nakhu okutjhiwo nguSomnini uMninimandlawoke, uZimu wakwa-Israyeli: “Maye kiyo iNebo ngombana iyabhuruzwa. IKhiriyatayimu ihlaziswa beyithunjwe; iye, isiphephelo sihlaziswa besitjhabalaliswe.

UJOROMIYA 48:45

“Emthunzini ngaphandle kweRhetjhibhoni, ababaleki bajamile, baqobekile ngombana kuqubuke umlilo eRhetjhibhoni, iye, amalangabi edorobheni lakaSirhoni aqothula ihlafunyo kaMowabi kanye nekhakhayi labanetjhada lokuzitjhaya.

UZAKARIYA 10:4

USomnini uzabanikela abarholi abanetlha, iinkhonkhwani eziqinileko, amajoni naye woke umuntu oya epini. Boke njalo,

UZAKARIYA 12:10

ngizakuthulula ummoya womusa newokurabhelela phezu kwendlu kaDavida nebantwini abahlala eJerusalema. Bazakufuna isizo kimi, balilele loyo ebamhlabako njengomuntu nalilela ukuhlongakala komntwana okukuphela kwakhe, njengomuntu odabuka abe munyu ngokuhlongakala kwezibulo.

UNUMERI 21:29

Maye kuwe Mowabi! Niphelile nina balotjhi bakaKemotjhi! Wenze amadodanakhe aba bakhoseli, namadokazakhe aba bathunjwa bekosi yama-Amori, uSirhoni.

UNUMERI 24:16

isitjho somuntu olalela amezwi kaZimu, owazi ilwazi lakaZimu ongoPhezulu, obona isambulo soSabekako nobona kuhle nakasemmoyeni:

ULUKASI 1:78

Ngesirhawu esikhulu sakaZimethu, ukusa kuzakudabuka kuvela phezulu,

AMAHEBHERU 1:8

Kodwana ngeNdodana uthi: “Isihlalo sakho, Zimu, ngesanini nanini nokulunga kuzakuba yintonga yobukhosi bakho.

AMAHEBHERU 7:14

ngombana kuyaziwa bona iKosethu isizukulwana sakaJuda, begodu mayelana nesizweso uMosi akazange atjho ilitho ngobuphristi.

2 UPITROSI 1:19

Sinelizwi lesiphorofido eliqinisekisiweko. Nizabe nenza kuhle nanililalelako kube ngathi kusibani esikhanyisako ebumnyameni, bekube yitathakusa nekhwezi lokusa liphumele eenhliziyweni zenu.

UJUDA 1:11

Maye kibo, ngombana bakhamba endleleni kaKayini; bagijimela ekudukeni kwakaBhalami ngenca yomvuzo begodu babhubha ekuhlubukeni kwakaKora.

ISAMBULO 1:7

Qalani nango asiza ngamafu, amehlo woke azambona, ngitjho nalabo abamgwazako; izizwe zoke zephasi zizokulila ngaye. Iye, kuzokuba njalo! Amen.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 22:16

“Ngimi mina Jesu engithumele ingilozi yami kini kobana izokufakaza ngezintwezi emabandleni. Ngimurabhu nomlibo kaDavida, ikhwezi lokusa elinyamazelako.”

1 USAMYELA 14:38

USawula wathi: “Yizanapha noke nina barholi bebutho, akhe sihlolisiseni bonyana sisono bani esenzakeleko namhlanjesi.