UNUMERI 23:9 - IsiNdebele 2012 Translation

⁹ Iye, ukusukela phezu kwamadwala ngiyababona, naphezu kwemibundu basavelile: Qala, kubabantu abahlala bodwa, begodu abazibali nezinye izizwe!

UNUMERI 23:9 Iomraidhean Croise

U-EZRA 9:2

Bazithathele amanye wamadodakazi wabantwabo bona abe bafazi babo nabamadodanabo. Nje-ke imbewu ecwengileko seyizihlanganise nabantu beenarha ezibazombileko. Begodu isandla seenkhulu nabaphathi siphambili endabeni yokungathembeki le.”

U-ESTA 3:8

Nje-ke uHamani wathi ekosini u-Arhatjhiverotjhi: “Kunabantu abathileko abahlakazeke hlangana nabantu kizo zoke iimfunda zombuswakho. Abantwabo bayazahlukanisa: Imithethwabo yehlukile keyabantu boke begodu abathobeli imiyalo yekosi. Abantu abanjalo akusikuhle bonyana ikosi ibalise banjalo.

U-EKSODUSI 33:16

Kuzakwazeka njani bonyana ngifumene umusa emehlweni kaSomnini, mina nesizwe sakhesi? Angithi kuzakubonakala lokha uSomnini nakhamba nathi bonyana mina nabantu bakhe sikhethekile kibo boke abantu ephasini.”

UJOROMIYA 46:28

Ungesabi Jakopo ncekwami ngombana nginawe. Nanyana ngibhubhisa zoke izizwe engikuhlakazela kizo, wena angeze ngakubhubhisa. Nokho angeze ngahlala ngingakubethi, kodwana ngizakukhalima ngeswazi elincani.” Kutjho uSomnini.

UJOROMIYA 49:31

Zilungiseleni, nisahlele isizwe esizigedlileko, esihlezi ngokuphepha; iye, isizwe esinganamasango namkha iinqabo, abantu baso bazihlalela bodwa.” Kutjho uSomnini.

U-AMOSI 9:9

“Ngizakukhupha umyalo, ngihlunge ikumba ka-Israyeli hlangana nezizwe zoke, njengamabele nahlungwa esefeni; kodwana akunathorwana nayinye ezakuwela phasi.

UMIKHA 7:14

Somnini, yelusa abantu bakho ngentongakho, umhlambi welifa lakho. Uwuvikele emahlathini weentaba zeKarameli; uvumele udle eBhatjhani neGiliyadi njengekadeni.

2 KWEBEKORINTE 6:17

Ngalokho-ke: “Phumani phakathi kwabo, nizahlukanise nabo; ningathinti ilitho elisilapheleko, yeke ngizakuza kini. Kutjho uSomnini.

UDUTERONOMI 32:8

Lokha uZimu ongoPhezulu anikela izizwe ilifa lazo, nalokha nahlukanisa amadodana wabantu, wajamisa imikhawulo yabantu ukuya ngesibalo samadodana kaZimu.

UDUTERONOMI 33:28

U-Israyeli uhlezi ngokuphepha, uJakopo unzinzile enarheni yekoroyi newayini, iye, umkayi wakhona wehlisa umbethe.

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.