UNUMERI 23:3 - IsiNdebele 2012 Translation

³ UBhiliyamu wathi kuBhalakhi: “Jama hlanu kwemihlabelwakho yokutjhiswa le, mina ngisathi ukubethwa mumoya; mhlamunye uSomnini uzazibonakalisa kimi. Nje-ke nanyana yini azakwambula kimi, ngizakutjela khona.” Mbala wakhamba waya embunjwaneni onganalitho.

UNUMERI 23:3 Iomraidhean Croise

UGENESISI 22:13

U-Abrahamu wathi nakaphakamisa amehlo wabona iqama ngemva kwakhe libanjwe ngeempondo emthini ositjhutha. Waya walithatha wenza umhlabelo wokutjhiswa esikhundleni sendodanakhe.

UGENESISI 22:2

Nje-ke uZimu wathi: “Thatha indodanakho ekukuphela kwayo leyo noyithandako u-Isaka, ukhambe nayo uye endaweni yeMoriya. Ufike lapho uyenze isihlabelo phezu kwenye yeentaba engizakutjengisa yona.”

UGENESISI 8:20

Nje-ke uNowa wakhela uSomnini i-aldari, wathatha kizo zoke iinlwana neenyoni ezihlambulukileko, wanikela umhlabelo wokutjhiswa kilo.

U-EKSODUSI 18:12

Khonapho uJetero, umkhwe kaMosi, waphuma wayokwenzela uZimu umhlabelo wokutjhiswa newetjhebiswano. U-Aroni nabo boke abaphathi bakwa-Israyeli bahlanganyela nomkhwe kaMosi ekugomeni umhlabelo wetjhebiswano phambi kwakaZimu.

ULEVITIKUSI 1:1

USomnini angetendeni lokuhlanganela, wabiza uMosi wakhuluma naye wathi

UNUMERI 23:12

Yena waphendula wathi: “Kanti akukafaneli bona ngiyelele lokho uSomnini akufake emlonyenami na?”

UNUMERI 23:15

UBhiliyamu wathi kuBhalakhi: “Akhusuje ujame hlanu kwemihlabelo yokutjhiswa, mina ngisafuna ukuzihlanganisa noSomnini ngaphetjheyaphaya.”

UNUMERI 23:2

UBhalakhi wenza njengombana uBhiliyamu atjhwile. Nje-ke uBhalakhi noBhiliyamu banikela ngekunzi neqama phezu kwelinye nelinye i-aldari.

UNUMERI 23:26

Kodwana uBhiliyamu waphendula uBhalakhi wathi: “Angitjho ngikutjelile bona kufuze ngenze kwaphela lokho uSomnini akutjhwileko.”

UNUMERI 23:4

UZimu wazibonakalisa kuBhiliyamu. UBhiliyamu wathi kuye: “Ngilungise ama-aldari alikhomba, kwathi phezu kwelinye nelinye nganikela ikunzi neqama.”

UNUMERI 24:1

Kwathi lokha uBhiliyamu nakabona bona okuhle kuSomnini kukobana abusise ama-Israyeli, azange aphendukele emilingweni njengesiqhelo, kodwana waqala erhalawumbeni.

UMATEWU 4:8

Godu uSathana wathatha uJesu wamusa esiqongolweni sentaba, wamkhombisa yoke imibuso yephasi nobuphaziphazi bayo,

UJOTJHUWA 24:10

Kodwana azange ngilalele uBhiliyamu, yeke wanibusisa. Ngalokho nganitjhaphulula esandleni sakhe.