UNUMERI 23:16 - IsiNdebele 2012 Translation

¹⁶ USomnini wahlangana noBhiliyamu wafese wafaka ilizwi ngemlonyenakhe. Begodu wathi: “Buyela kuBhalakhi ufese umtjele engikutjele khona.”

UNUMERI 23:16 Iomraidhean Croise

UNUMERI 22:20

UZimu wabonakala kuBhiliyamu ngobusukobo wathi kuye: “Nangabe amadoda lawo eze bona azokubiza, zilungiselele ukhambe nawo. Kodwana uzakwenza kwaphela lokho mina engikutjela khona.”

UNUMERI 22:35

Ingilozi kaSomnini yathi kuBhiliyamu: “Khamba namadoda lawo, kodwana ukhulume kwaphela amezwi engizakutjela wona.” Nje-ke uBhiliyamu wakhamba neenkhulu zakaBhalakhi lezo.

UNUMERI 23:15

UBhiliyamu wathi kuBhalakhi: “Akhusuje ujame hlanu kwemihlabelo yokutjhiswa, mina ngisafuna ukuzihlanganisa noSomnini ngaphetjheyaphaya.”

UNUMERI 23:17

Mbala uBhiliyamu wabuyela kuye wamfunyana ajame hlanu kwemihlabelwakhe yokutjhiswa neenkhulu zakwaMowabi ezikanye naye. UBhalakhi wambuza wathi: “Alo, uSomnini utheni?”

UNUMERI 23:5

USomnini wafaka uBhiliyamu ilizwi ngemlonyeni. Begodu wathi: “Buyela kuBhalakhi ufese umtjele engikutjele khona.”

UNUMERI 24:1

Kwathi lokha uBhiliyamu nakabona bona okuhle kuSomnini kukobana abusise ama-Israyeli, azange aphendukele emilingweni njengesiqhelo, kodwana waqala erhalawumbeni.

UDUTERONOMI 18:18

Ngizabavusela umphorofidi onjengawe phakathi kwabafowabo, ngibeke amezwami emlonyenakhe, abatjele koke engimyale ngakho.