UNUMERI 22:12 - IsiNdebele 2012 Translation

¹² UZimu wathi kuBhiliyamu: “Ungakhambi nawo. Begodu unganikeleli abantwabo ngombana bangababusisiweko.”

UNUMERI 22:12 Iomraidhean Croise

UGENESISI 12:2

Ngizokwenza ube sisizwe esikhulu, begodu ngizokubusisa: Ngizokwenza ibizo lakho libe likhulu, ube sibusiso.

2 IINKRONIKE 31:10

u-Azariya umphristi omkhulu ovela endlini kaTsadokhi waphendula wathi: “Soloko abantu bathome ukuletha iminikelwabo ethempelini lakaSomnini nje, sibetha esimonyongwana, singhwatha kusale. Ngambala uSomnini ubabusisile abantu bakhe, ngikho okuseleko kumaqubi angaka.”

AMARHUBO 144:15

Babusisiwe abantu abehlelwa ngilokho, iye, babusisiwe abantu uZimabo onguSomnini.

AMARHUBO 146:5

Ubusisiwe umuntu omsizakhe unguZimu kaJakopo, loyo ithemba lakhe likuSomnini uZimakhe,

U-ISAYA 61:9

Iinzukulwana zabo zizakwaziwa phakathi kwezizwe nabantwababo phakathi kwabantu. Boke abababonako bazakuvuma bonyana basizukulwana esibusiswe nguSomnini.”

UMIKHA 6:5

Bantu bami, akhese nikhumbule bona uBhalakhi, ikosi yakwaMowabi, gade arerani ngani; nokobana uBhiliyamu, indodana kaBhewori, wamphendula wathini. Khumbulani bona kwenzekani ngani phakhathi kweTjhitimu neGiligali ukuze namukele imisebenzi elungileko eyenziwa nguSomnini.’ ”

UNUMERI 22:11

‘Yelela, kunabantu abaphuma eGibhide, abasibekele ubuso bephasi begodu bakhe eduze kwami. Nje-ke yewize, uzongithiyela abantwaba ngemilingo. Mhlamunye kungahle kwenzeke bona ngibahlule bengibaqotjhe.’ ”

UNUMERI 22:13

UBhiliyamu wavuka ekuseni wathi eenkhulwini zakaBhalakhi: “Buyelani enarheni yekhenu ngombana uSomnini walile bona ngikhambe nani.”

UNUMERI 22:6

Nje-ke yewize, uzonginikelelela abantwaba ngamanikelela ngombana banamandla khulu kunami. Mhlamunye kungahle kwenzeke bona ngibahlule bengibaqotjhe enarheni. Iye, ngiyazi bona obusiswa nguwe, ubusisiwe nonikelelwa nguwe unikelelwe.”

UNUMERI 23:23

Kwamambala awukho umlingo ongaphumelela kuJakopo, akukho ukufunisela okungajamelana no-Israyeli. UZimu ukhuluma ngoJakopo ngesikhathi esifaneleko, iye, uZimu ngokwakhe uhlosa okuzokwenzeka ngo-Israyeli.

UNUMERI 23:3

UBhiliyamu wathi kuBhalakhi: “Jama hlanu kwemihlabelwakho yokutjhiswa le, mina ngisathi ukubethwa mumoya; mhlamunye uSomnini uzazibonakalisa kimi. Nje-ke nanyana yini azakwambula kimi, ngizakutjela khona.” Mbala wakhamba waya embunjwaneni onganalitho.

UNUMERI 23:8

Ngingamnikelela njani ongakanikelelwa nguZimu? Ngimthuwelelise njani ongakathuweleliswa nguSomnini na?

UNUMERI 24:9

Bayakhothama bazigedagede phasi njengebhubezi nanjengebhubezikazi; akakho ongalinga ukubavusa! Abanibusisako bazakubusiswa, nabaninikelelako bazakunikelelwa.”

UMATEWU 27:19

Kwathi uPilatu asahlezi esihlalweni sokugweba, umkakhe wamthumela umlayezo othi: “Ungabi nesandla endabeni yomuntu omsulwa loyo ngombana ngihlukumezeke khulu ebhudangweni ngaye.”

KWEBEROMA 11:29

ngombana uZimu nakupha izipho, nalokha nakubizileko, akabuyi akwemuke.

KWEBE-EFESU 1:3

Akadunyiswe uZimu nonguYise weKosethu uJesu Krestu, osibusisileko embusweni wezulu ngazo zoke iimbusiso zakaMoya kuKrestu.

UDUTERONOMI 2:7

USomnini uZimenu unibusisile kiyo yoke imisebenzi yezandla zenu. Uyakwazi ukukhamba kwenu phakathi kwerhalawumbakazeli. USomnini uZimu ube nani eminyakeni ematjhumi amane le, akhange niswele litho.”

UDUTERONOMI 23:5

USomnini uZimenu azange alalele uBhiliyamu, kodwana waphendula isithukweso saba sibusiso kini ngombana uSomnini uZimenu uyanithanda.

UDUTERONOMI 28:6

Nizakubusiswa naningenako nalokha naniphumako.

UDUTERONOMI 33:29

Ubusisekile wena Israyeli! Ngubani nje ofana nawe, isizwe esisindiswa nguSomnini! Nguye osihlangu esikuvikelako nesabula yokuhlula kwakho! Izitha zakho zizakuza zikhasa kuwe, wena ubeke iinyawo zakho emahlombazo.”

UDUTERONOMI 7:14

Nizakubusiseka ngaphezu kwezizwe zoke: Akuzukuba nenyumba phakathi kwenu, komduna namkha komsikazi. Ngitjho nefuywenu ayikho ezakuhlala ingazali.